20-8-2017:細bb懷孕扎記18w2d.忐忑第一踢

一向聽聞第二胎嘅胎動應該比第一胎早,一來子宮肚皮都較鬆,二來媽媽對於胎動有經驗,知道早期嘅胎動感覺係點,所以我早早就期待fufu嘅胎動來臨~

曉嘅時候我比較肯定嘅胎動應該係18w5d、18w6d左右(請參閱:27-11-2014:懷孕扎記18w5d.奇妙時刻第一次胎動),到嗰陣回想番轉頭,第一次feel到嘅應該係17w6d,其實以第一胎嚟講都算早~如果第二胎要比第一胎早,咁fufu係咪應該16w至17w左右就有機會開始胎動呢? 閱讀全文

10-2-2015:懷孕扎記29w3d.胎動與親子時間

由17至18週左右開始感覺到第一次胎動(請參閱:27-11-2014:懷孕扎記18w5d.奇妙時刻第一次胎動),留意BB呱嘅作息活動就成為我每日生活重要嘅一部份,郁得好猛烈時我自然就笑咪咪囉,郁得少咗啲又會憂心忡忡,又會想像下究竟佢做緊啲咩呢?瞓緊覺?玩緊臍帶?做緊伸展體操?

每個星期我同老公都會一齊睇「What to Expect」app嘅video,講嗰個星期BB呱嘅development,到佢可以聽到嘢嘅週數時,我哋就更加落力同佢傾計啦,當然佢唔識回應啦,所以就變成媽媽同佢講嘢時,爸爸就會「鍊」高把聲扮BB聲﹗:p vice versa~不過我哋都會將胎動變成「yes」嘅答覆,呵呵,有時買BB呱嘅嘢、幫佢改名,我哋都會「問佢意見」㗎~A嘅呢邊兩下,B嘅嗰邊兩下丫唔該--結果都係唔睬我哋囉﹗螢幕快照 2015-02-12 上午10.57.41

去到廿幾週大家都會講到聽音樂胎教呢個課題,我哋都係度摸索緊BB呱嘅音樂品味~ 閱讀全文

27-11-2014:懷孕扎記18w5d.奇妙時刻第一次胎動

呢排技術上問題個blog唔係好穩定,呢篇blog要面世時可能已經係一至兩星期後,那管我之前仲構思咗幾個想寫嘅懷孕扎記topic,但呢個題目唔可以拖﹗﹗

繼幾時見肚之後,下一個問題就係幾時會感覺到BB郁動,一般資料都會話16至20週之間,之前生過嘅媽媽會早少少,因為一來有經驗知道感覺係點唔駛估估下,而且子宮鬆少少BB多啲空間郁,而第一次懷孕嘅媽媽就大概18至20週吧~至於感覺係點,其他人講嘅都只能係用文字去形容吧,有啲話好似bubble冒出來,有啲話好似爆谷爆開,有啲話好似金魚係肚皮下游動,有啲就話好似腸腸蠕動,媽咪話當年覺得好似心跳噗噗噗,而Helen就19週時經歷第一次,佢話好似flutter一樣喎~

我呢??幾時會感覺到BB呱嘅第一次呀?17週後我就開始仔細留心有冇類似嘅情況﹗首次有懷疑係17w6d,嗰晚去聽「港樂星夜交響曲」,放工後食個tea之後出發過去中環,其間行路時感覺好似有東東係肚皮下左內側篤咗我一下咁﹗不過只此一次﹗﹗我都唔知係唔係嚟嘅~之後嗰日18w0d完全冇感覺,所以我都唔敢抱咁大奇望呢個就係傳說中嘅「第一踼」(應該係「第一篤」至啱…^.^”)~

dancing frogs

但到咗18w1d連續成個星期都間歇感覺肚皮有不尋常感覺﹗有時係 閱讀全文

11-11-2014:懷孕扎記16w3d.兩個孕媽媽的約會

我大概懷孕8週時,Facebook上面睇到大學時代同我同住五年嘅Helen公佈好消息,原來佢已經有咗baby了﹗當時我嘅心情七上八落、患得患失,即使係咁親嘅Helen我都冇辦法好好恭喜,抱歉地只係click咗個like一下~心裡面知道,我應該打個電話恭喜佢,or at least都send個message或係個FB post度留留言啦,不過當時做唔到呢⋯

直至我都公開得嘅時候,我哋終於聯絡上了﹗所以就約好咗今次嘅約會啦--只有一個細細肚子嘅16週孕媽媽同埋一個大啲肚子嘅28週孕媽媽﹗ 閱讀全文