heehee，此心聲不同彼心聲，今次係真正嘅「心聲」，正確啲嚟講係去醫院做胎心聲檢查～肚皮用彈性腰帶安放兩個監察儀器，一個測BB心跳，一個測有冇子宮收縮～
尋晚去咗婚宴，所以瞓覺時都好夜了，心裡面盤算yeah，有得去醫院再瞓過～開始檢查時發現如意算盤搞唔響啦，原來個檢查我有份參與的，BB郁一下我就要按制一下﹗所以 閱讀全文
16-3-2015：懷孕扎記34w2d．聽聽曉曉的心聲
2
分類彙整: 懷孕扎記blog
15-3-2015：懷孕扎記34w1d．腰背痛的拯救隊孖寶
本身我條腰都差差地，如果唔係都唔會大學時join咗一個research做研究對象，去俾人照下磁力共振同埋抽下血咁啦～不過後來改善咗坐姿同埋多啲運動之後，那管係GOPC工作要坐好多個鐘頭，其實呢個問題已經消失咗好耐～直至到BB呱越來越大，呢個腰背痛「老朋友」又返嚟搵我﹗
之前嗰一兩個月都唔太嚴重，通常都係練歌要坐係個琴前太耐or坐巴士大半個鐘唔郁得至會辛苦，一個星期一次嘅瑜伽班(請參閱：3-12-2014：懷孕扎記19w4d．孕婦瑜伽@香港瑜伽舍)同埋兩個星期一次嘅孕婦按摩(請參閱：19-11-2014：懷孕扎記17w4d．纖與美孕婦按摩)已經可以安撫到我～但呢兩個星期越來越嚴重，老公係我旁邊見我郁身郁勢又面容扭曲時都會主動伸隻手幫我按下個背，直至到達臨界點－－今日去咗大會堂睇兩個半鐘頭嘅芭蕾舞演出睡美人，實在太辛苦了，乜姿勢都唔舒服，坐係度又唔可以伸展，向前彎腰個肚又頂住⋯救救我丫～
好在呢個世界上有呢項偉大發明－－托腹帶﹗﹗ 閱讀全文
14-3-2015：懷孕扎記34w0d．maternity photography@SENS Studio之成品篇
期待已久嘅日子終於到啦﹗兩個星期前我哋咪去咗影樓影大肚相嘅(請參閱：28-2-2015：懷孕扎記32w0d．maternity photography@SENS Studio之拍攝篇)，今日有得去睇相了﹗影相時感覺攝影師同studio都好pro，果然冇令我哋失望呢～
首先職員show咗配咗音樂嘅slideshow俾我哋睇先，可以加$$買，但我諗就唔需要啦～一來入面嘅相唔係我哋最喜歡嘅相，而且slideshow嘛，可以自己返屋企再整﹗都係揀相實際～因為今次係好朋友dordor送俾我哋嘅攝影package，本身已經包咗12張相，加相嘅$同我預料嘅差不多，事先同老公商量好budget，所以揀相都冇乜壓力～第一round我哋先隨意揀感覺不錯嘅，第二round再out咗啲太相似嗰啲，結果個數目都好合心意啦～108張結果揀咗39張精選，所以只需要俾27張嘅$～佢哋希望做多啲生意都offer咗各種優惠，原本唔諗住整相簿，因為之前有朋友自己出去整啲相簿又輕巧又靚，唔想再要好似結婚相嗰啲咁巨，後尾佢哋話要達某個價錢攝影師先有commission喎，唔知真定假，不過都信佢啦，反正我哋都好欣賞攝影師，而整埋相簿比起原先定嘅budget都冇話超出幾多～而家都好滿意﹗
share俾大家睇幾張啦～有我FB嘅朋友可以上去睇到晒全部了﹗呢幾張未必係我最鍾意嗰幾張，不過係我覺得比較有代表性，想講下嘅～
首先有最正宗嘅maternity photo﹗突出兩人嘅背景，突出兩人嘅衣著，突出兩人嘅動作－－一定要有吧～ 閱讀全文
12-3-2015：懷孕扎記33w5d．we are ready之Aprica超輕巧BB車
BB車都係BB展買嘅(請參閱：1-2-2015：懷孕扎記28w1d．興奮買買買@BB春季購物節)﹗都係老公好記性，之前係一田百貨見到覺得唔錯嘅BB車， 當時覺得時間仲早，未即刻決定買住，同埋諗住等埋BB展睇下會唔會抵啲，去到BB展佢又居然認得出同一部喎，仲要平成幾百蚊，咁就啱啦，買﹗
其實我媽咪之前講過佢唔太贊成買BB車，我同家姐兩個其實細個時都仲未坐過BB車的，早期時就手抱，到識得行路就盡早俾我哋自己行～媽咪覺得BB瞓係車仔上面成日曬住對眼睛唔好，另外又坐慣車仔唔肯落地行～不過我諗始終都有一部方便啲嘅，唔好濫用就得啦，如果返到教會、去酒樓食飯等情況BB要瞓的話有架車仔好似方便啲，遲啲我去買餸甚麼都要帶住佢，如果抱住的話又唔係點買得到多嘢，都係有架車好～BB有得歲半，行得穩陣時就要開始戒車車啦，我都希望訓練佢行路叻叻，因為要跟住我去旅行嘛～
家姐之前問我睇中嗰架BB車係咩顏色，我都啞咗答唔到，因為 閱讀全文
10-3-2015：懷孕扎記33w3d．we are ready之Bebemo環保尿布
之前講過嘅，要逐樣介紹下我哋為BB呱預備嘅各樣用品(請參閱：1-2-2015：懷孕扎記28w1d．興奮買買買@BB春季購物節)，就由尿布開始先啦～
我哋八十後細細個其實大多數都係著尿布長大㗎啦，尿布都唔係咩遠古時代嘅事，做到的話我都想BB呱著尿布，一來地球少啲垃圾啦，二來布嘅質感接觸屁股點都舒服過紙尿片吧，三來都應該慳到啲$$添～所以我都開始物色一下尿布嘅款式，係網上商店首先見到就係呢個Bebemo環保尿布，不過上網唔係好睇到detail～另外係Mides見到都有出尿布，Mides嗰款比較傳統，都係一大塊布摺成尿布形，再包一塊防滲片片係外面，工夫多少少～知道Bebemo係BB展有擺booth梗係要去睇下實物啦～
了解之後就買咗一套了﹗ 閱讀全文