我哋其實早係BB展時就買好BB床(請參閱：1-2-2015：懷孕扎記28w1d．興奮買買買@BB春季購物節)，始終時候未到都係唔好砌住，免得又阻住地方又封塵～到咗36w6d，officially BB呱聽日就足月隨時可以出世，又適逢復活節連假，最適合就係砌好BB床，預備BB來臨囉～
我哋曉曉嘅BB床﹗sorry～ 閱讀全文
3-4-2015：懷孕扎記36w6d．we are ready之LA Baby嬰兒床
回覆
標籤彙整: 嬰兒用品
23-3-2015：懷孕扎記35w2d．we are ready之Moby Wrap貼身揹帶
又介紹多一樣我哋預備嘅baby gear－－Moby Wrap揹帶﹗
回想起我哋細個時街上見嘅多數都係布質揹帶，可能只係簡單方形布有幾條長帶子左縛右縛就可以揹起嬰兒，到最近十年八年見嘅多數係實淨啲3D設計嘅揹帶，近三兩年我諗係香港最常見嘅應該係hip seat揹帶了～有hip seat嗰啲揹帶好處係BB坐得舒服，爸爸媽媽嘅support又夠，BB可以向前坐又可以望下嘢，不過壞處係要到頭仔有力，起碼四五個月先可以開始用，而且條揹帶比較bulky，唔用時都要帶個大袋子拎住～
我上網睇下有咩揹帶時，發現呢個美國出品嘅Moby Wrap，我好喜歡呢﹗﹗設計非常單純，就只係長長嘅一條彈性布料，你可以想像係比披肩長同埋闊嘅大大塊布，所以摺起嚟好細，而且相對地比較輕～用法係對摺Moby Wrap成更窄嘅布條之後圍係腰上，背脊打交叉兩條帶子係膊頭翻落嚟，胸前再打交叉，圍過腰部去後面，兜一圈返嚟前面打結，完成﹗呢個basic裝置方法可以for初生嬰兒至三歲都適用﹗小baby的話就放係前面交叉肩帶嘅pocket入面，好似斑海豹示範咁，而大baby的話就成個座係交叉帶上面，腳仔係下面走出嚟～仲有幾款唔同包法，第時BB呱出世再可以慢慢試～
Moby Wrap嘅賣點係布料柔軟貼服，整個包住BB令佢有安全感，特別係初生嬰兒，可以有返回子宮緊緊包圍嘅感覺，早產B都可以用，幫助同父母skin-to-skin contact添～另一方面因為係用闊闊嘅布料support BB嘅重量，而且交叉方式令雙肩分擔重量，理論上應該冇咁易攰﹗Moby Wrap唔用捲細時只係好似一罐奶粉咁大，收係背包入面都比較輕鬆～
睇落覺得唔錯﹗試下圍上身初次用都有少少論盡，我諗到時放BB入去之前我哋都要多多練習至得﹗第時主要都係我自己湊BB，要一個人都可以裝置到丫～
Moby Wrap官方網站：
前往其他懷孕扎記blog
18-3-2015：懷孕扎記34w4d．we are ready之Karibu摺疊浴盆
其實一早睇中咗呢個浴盆，上次去BB展時都見到好抵(請參閱：1-2-2015：懷孕扎記28w1d．興奮買買買@BB春季購物節)，但無奈已經拎得太多嘢，拎唔掂所以放棄咗(拎得多到返屋企途中跌咗卷隔便紙都唔知，欲器無淚⋯)～本身之前睇到有間網上商店都平過門市，所以就決定上網訂購啦﹗
今次幫襯嘅網店係UBaby Buy親子網上購物平台，個網都幾user friendly，分類清晰，滿$800就免費送貨到屋企，完成購物之後亦可以一站式係網上用信用卡付錢，之後店員會打電話同你confirm資料同埋安排送貨～不過今次都唔係太順利，同UBaby都真係電話聯絡過好多次，首先有部份東西冇貨要等一個星期，呢個ok啦，後來又打電話嚟同我講餵奶巾冇我想要嗰隻顏色，算啦呢啲唔太重要嘅，咩色BB都係咁食啦～最大問題係後來送貨嚟到發現有兩件貨品送錯咗^^”，入院套裝就足量裝送錯咗迷你裝，棉花球送錯咗大塊嬰兒棉⋯好在店員都好helpful，我打電話同佢哋講，佢哋都免費安排番速遞嚟回收貨品+送番啱嘅貨品，係浪費咗我成日時間係屋企等速遞囉，最搞鬼嘅係，上晝嚟收貨嘅速遞員同下晝嚟送貨嘅速遞員係同一個人，佢話：「唔早講～」我話：「我一早問咗你係嚟收貨定送貨，係你自己話收貨之嘛～」原來佢早上時未接到送貨嘅order⋯咁冇計啦～anyway，訂咗嘅其他貨品質量都好滿意嘅～我哋嚟介紹下主角－－Karibu嬰兒浴盆啦～
其實最睇中佢係可以 閱讀全文
12-3-2015：懷孕扎記33w5d．we are ready之Aprica超輕巧BB車
BB車都係BB展買嘅(請參閱：1-2-2015：懷孕扎記28w1d．興奮買買買@BB春季購物節)﹗都係老公好記性，之前係一田百貨見到覺得唔錯嘅BB車， 當時覺得時間仲早，未即刻決定買住，同埋諗住等埋BB展睇下會唔會抵啲，去到BB展佢又居然認得出同一部喎，仲要平成幾百蚊，咁就啱啦，買﹗
其實我媽咪之前講過佢唔太贊成買BB車，我同家姐兩個其實細個時都仲未坐過BB車的，早期時就手抱，到識得行路就盡早俾我哋自己行～媽咪覺得BB瞓係車仔上面成日曬住對眼睛唔好，另外又坐慣車仔唔肯落地行～不過我諗始終都有一部方便啲嘅，唔好濫用就得啦，如果返到教會、去酒樓食飯等情況BB要瞓的話有架車仔好似方便啲，遲啲我去買餸甚麼都要帶住佢，如果抱住的話又唔係點買得到多嘢，都係有架車好～BB有得歲半，行得穩陣時就要開始戒車車啦，我都希望訓練佢行路叻叻，因為要跟住我去旅行嘛～
家姐之前問我睇中嗰架BB車係咩顏色，我都啞咗答唔到，因為 閱讀全文
9-1-2015：懷孕扎記24w6d．媽咪自己都開始買、買、買啦﹗
大家可能講都唔信，到而家懷孕差不多有六個月，之前我真係一件東西都未買過俾BB呱﹗相關嘅消費都係for自己，brabra、衫、攬枕、補品⋯始終感覺距離出世仲有好耐時間，唔太實在咁，而且又唔知係男仔定女仔，都唔係好敢買住～週數到咗二次頭開始越來越實在，BB呱越郁越多越明顯啦，20w同23w都照到佢係女仔啦，到24w佢有咗法律上嘅身份啦(touchhhhhhh wood先開始解釋：24週後出來嘅B先至叫做早產，有咩大吉利是早咗出嚟醫生都會搶救～BB呱乖乖，我哋四月至見面﹗ok？)，而啲apps亦叫我可以開始選購東東了﹗所以我嘅心態開始放寛啦，見到啱就可以買lu～
24w6d呢個日子我第一日掏荷包買東東俾BB﹗﹗ 閱讀全文