18-3-2017:半熟手媽媽23m.SENS Studio家庭照之成品篇

有add我哋Facebook嘅朋友一早就睇過啲相相了,我相隔兩個月先打番blog嚟講,blog友們而家都可以睇下啲相啦~拍攝過程大家可以睇番上次篇blog﹗(請參閱:4-3-2017:半熟手媽媽22m.SENS Studio家庭照之拍攝篇)

去睇相時估唔到啲相嘅數目咁懸殊,雖然話著家庭tee嘅時候曉嘅狀態最好啫,似乎之後跌watt嘅相真係不堪入目,家庭tee嘅相佔咗超過一半,但我哋最終揀咗嘅亦係最多,最後smart casual嘅真係唔多揀得落⋯有咗上次影大肚相嘅經驗,我對於價錢、數目方面都有啲概念,同個sales bargain之後,兩年來加咗啲價,佢俾番相同嘅價錢我哋做相薄,我話唔要print out嘅散裝相,佢就俾我哋揀多幾張相,都好丫~

同上次一樣,soft copy即日就燒咗碟俾我哋返屋企,而相簿就耐啲,話嚟緊今個星期五可以去拎了(26/5/2017)~相簿慢少少唔緊要啦,最緊要有得快快睇相﹗﹗

呢度我揀咗部份有代表性嘅相同大家分享~

家庭tee之中當然最重要係一家三口嘅靚靚合照啦,上面嗰張我同day都不約而同用咗嚟做Facebook嘅profile pic,下面嗰張好搞笑,day用埋嚟做Facebook cover photo添~ 閱讀全文

4-3-2017:半熟手媽媽22m.SENS Studio家庭照之拍攝篇

曉出世之後一直有盤算要影下家庭相,見到朋友著同一套衫影大肚相同埋家庭相覺得好有趣,但我生完之後個大肚腩並冇變成纖腰,到慢慢變到fit過未preg之前時,又覺得等小朋友識行識走識擺post應該更靚,拖下又再拖,終於到相隔兩年後係同一個地方再影相﹗我諗刺激我行動嘅應該係家姐影咗家庭相,見到佢哋咁靚嘅成品我又開始羨慕了~當年影大肚相係好朋友Dor送俾我嘅團購coupon,當時嘅拍攝experience同成品都好滿意嘛(請參閱:28-2-2015:懷孕扎記32w0d.maternity photography@SENS Studio之拍攝篇同埋14-3-2015:懷孕扎記34w0d.maternity photography@SENS Studio之成品篇),我同day都傾向再去番SENS Studio影,最近見Groupon又有SENS Studio嘅coupon就諗住買,呢排我迷上HKTV mall購物,俾我發現同一個價錢都有得賣時就即刻買咗了~

買咗喇,電子coupon寄去e-mail喇,打開嚟睇喇⋯oops﹗點解剩番一個星期就到期嘅?﹗ 閱讀全文

14-3-2015:懷孕扎記34w0d.maternity photography@SENS Studio之成品篇

期待已久嘅日子終於到啦﹗兩個星期前我哋咪去咗影樓影大肚相嘅(請參閱:28-2-2015:懷孕扎記32w0d.maternity photography@SENS Studio之拍攝篇),今日有得去睇相了﹗影相時感覺攝影師同studio都好pro,果然冇令我哋失望呢~

首先職員show咗配咗音樂嘅slideshow俾我哋睇先,可以加$$買,但我諗就唔需要啦~一來入面嘅相唔係我哋最喜歡嘅相,而且slideshow嘛,可以自己返屋企再整﹗都係揀相實際~因為今次係好朋友dordor送俾我哋嘅攝影package,本身已經包咗12張相,加相嘅$同我預料嘅差不多,事先同老公商量好budget,所以揀相都冇乜壓力~第一round我哋先隨意揀感覺不錯嘅,第二round再out咗啲太相似嗰啲,結果個數目都好合心意啦~108張結果揀咗39張精選,所以只需要俾27張嘅$~佢哋希望做多啲生意都offer咗各種優惠,原本唔諗住整相簿,因為之前有朋友自己出去整啲相簿又輕巧又靚,唔想再要好似結婚相嗰啲咁巨,後尾佢哋話要達某個價錢攝影師先有commission喎,唔知真定假,不過都信佢啦,反正我哋都好欣賞攝影師,而整埋相簿比起原先定嘅budget都冇話超出幾多~而家都好滿意﹗

share俾大家睇幾張啦~有我FB嘅朋友可以上去睇到晒全部了﹗呢幾張未必係我最鍾意嗰幾張,不過係我覺得比較有代表性,想講下嘅~

螢幕快照 2015-03-14 下午4.31.18

首先有最正宗嘅maternity photo﹗突出兩人嘅背景,突出兩人嘅衣著,突出兩人嘅動作--一定要有吧~ 閱讀全文

28-2-2015:懷孕扎記32w0d.maternity photography@SENS Studio之拍攝篇

我等呢日等咗好耐啦﹗﹗﹗早於好早期好早期嘅懷孕過程時已經好想影一次大肚媽媽相,當時肚子都未突已經係度search下香港有咩地方影呢啲相⋯後來我都未決定邊度影,好朋友dordor就話送個package俾我去影當禮物﹗哇~~~~~好開心丫﹗上網睇過呢間SENS Studio網站嘅gallery,好多都影得好靚呢,令我更期待了~對於幾時影,好多人都話大概32週左右,呢個時候肚子有番咁上下大得嚟又相對瀟灑,個人又未至於太腫或行動太論盡,而太遲影又擔心萬一baby早產會miss咗呢個重要moment,仲有如果太遲影baby出咗世啲相都未有得睇,到時忙到唔得閒整又冇人有興趣睇了,所以我哋就決定呢個32週整嘅日子,又啱啱係星期六去影相喇﹗book好咗studio嘅日子之後,我哋要好好做預備了~睇下人哋啲相,衫啦、道具啦、風格啦⋯我哋想點樣影法?

衫⋯我哋預備咗三套﹗

螢幕快照 2015-03-01 下午5.36.23

休閒睡衣style - 以前係淘寶已經見過啲親子裝好cute,所以我淘咗 閱讀全文