為咗想返多一日工，只請五日假，我決定星期五下晝出發，飛機16:50起飛，13:00放工絕對鬆動﹗爸爸請full day，我哋仲可以同我哋最愛嘅美景茶餐廳作最後道別，食埋佢哋結業前嘅最後一次早餐，又帶埋兩隻上午去上暑期班，大家午餐時間屋企集合先再出發~本來住屯門去機場已經好近，起好屯赤隧道之後更近，搭的士更平，我哋順利抵達機場啦~

亂糟糟嘅出發照

對上一次搭飛機係韓國返香港嗰一程， 閱讀全文 →

去完韓國返嚟，打完晒啲blog，又係時候開始plan下一個trip，嗰頭講話三年唔去旅行都冇乜咩啫，嗰頭去完一轉旅行魂就返咗嚟，成日都心思思篤下機票酒店app~原本三月時曾經見過暑假去福岡有2000尾嘅機票，但嗰排成日聽到日本班機取消，仲有咁多個月先暑假都唔敢落實住，後來隔幾日隔幾日再入去價錢就越嚟越貴~問下老公去邊好，佢要求好簡單—-「唔好去咁遠啦~」既然要近，又咁耐冇去，就去一轉長嘅台灣啦~之前去親台灣都係用long weekend，多數都係勉勉強強嘅四日三夜，都未試過去個長嘅，今次豪氣地去台灣十日，咁咪可以玩耐啲，慢慢歎囉~ 閱讀全文 →

詩詩瞓醒覺，曉好熱烈咁要帶我哋兩個去睇下佢之前同爸爸睇到既靚嘢，特別要介紹靚底底，唔，媽媽都係習慣自己一個人時去買呢啲嘢bor~

好喇，我哋出發去下一站啦，呢一站都係我好期待既一站—-宮原眼科~宮原眼科乜傢伙？聽落好似診所名，原來係日治時期既眼科醫院，但後來呢楝古老既建築物就被活化，而家變成甜品店同埋手信店呀﹗個雪糕好勁架，令人非常期待~而且建築物既介紹，被形容為「好似哈利波特入面既圖書館」，都好想睇下~

宮原眼科 閱讀全文 →

最後一日啦~旅行中病病豬既詩詩狀態依然唔太好，day 4既行程都係以輕鬆為主啦~大家都冇再回味酒店既早餐，爸爸，你幫忙出去買早餐俾大家吧~原本諗住爸曉組去買，媽詩組留係酒店休息，點知曉冇義氣唔肯出去陪爸爸，爸爸唯有孤獨咁去買早餐啦~留係度做咩？睇電視囉~去到外地旅行總會睇得特別多電視，台中呢次仲有邪惡既卡通片台，可以non-stop咁睇，不過四歲半曉都有preference，佢話鍾意「女仔卡通片」，唔鍾意「男仔卡通片」，所以播到男仔卡通片時都有機會轉台，而且佢都鍾意睇真人show或者選秀節目之類，所以都可以睇下唔同既嘢，不過啲品味嘛，有時唔太一樣囉，有啲唱得勁難聽既都要繼續聽，好在睇過一個跳舞比賽既就跳得幾好睇~

爸爸結果係附近café買咗啲熱既三文治同飲品返嚟~

食完肚仔暖笠笠，yummy~ 閱讀全文 →

book好機票同曉講十月會去台灣旅行，佢就話想去親子餐廳﹗因為記得台灣有好好玩既親子餐廳吧~編行程時就揀咗呢間「咱們小時ㄏㄡ」，有冇人可以話俾我知究竟「ㄏㄡ」點讀同埋咩意思呢？反正台中冇捷運，公共交通的話，無論去邊都係巴士，我一心已經打算全程uber，所以今次反而地點唔係考慮因素，最重要係好唔好玩~我揀好餐廳，早就係香港時上網訂咗枱啦~

好玩最重要當然係精神狀態啦，好在曉都可以捱到返酒店先午睡，詩午餐前瞓咗，當然又唔瞓住啦，又係同爸爸去街街~爸詩組又係外賣飲品返嚟，我哋飲咗嘢又出發咯~曉養精蓄銳就可以去玩﹗

我一心想詩搭車去時瞓下，但佢而家一上的士/私家車類就要掙脫揹帶，要同家姐排排坐，玩「搣搣搣，媽食」既遊戲，即係咩？扮搣水果請我食同埋大家食囉~坐出嚟玩又點瞓呢？冇辦法，見步行步啦~

呢間親子餐廳用餐有限時，但遊戲區就可以任玩到打烊，我哋唔習慣太早食晚餐，所以book咗我可以接受之中、最早既六點鐘，快快落order，曉又好心急去遊戲區玩，詩又就快頂唔順要瞓~

用餐區環境 閱讀全文 →