book好機票同曉講十月會去台灣旅行，佢就話想去親子餐廳﹗因為記得台灣有好好玩既親子餐廳吧~編行程時就揀咗呢間「咱們小時ㄏㄡ」，有冇人可以話俾我知究竟「ㄏㄡ」點讀同埋咩意思呢？反正台中冇捷運，公共交通的話，無論去邊都係巴士，我一心已經打算全程uber，所以今次反而地點唔係考慮因素，最重要係好唔好玩~我揀好餐廳，早就係香港時上網訂咗枱啦~
好玩最重要當然係精神狀態啦，好在曉都可以捱到返酒店先午睡，詩午餐前瞓咗，當然又唔瞓住啦，又係同爸爸去街街~爸詩組又係外賣飲品返嚟，我哋飲咗嘢又出發咯~曉養精蓄銳就可以去玩﹗
我一心想詩搭車去時瞓下，但佢而家一上的士/私家車類就要掙脫揹帶，要同家姐排排坐，玩「搣搣搣，媽食」既遊戲，即係咩？扮搣水果請我食同埋大家食囉~坐出嚟玩又點瞓呢？冇辦法，見步行步啦~
呢間親子餐廳用餐有限時，但遊戲區就可以任玩到打烊，我哋唔習慣太早食晚餐，所以book咗我可以接受之中、最早既六點鐘，快快落order，曉又好心急去遊戲區玩，詩又就快頂唔順要瞓~
用餐區環境
等食物時我哋去我哋座位旁邊既小賣店睇下嘢~
有大量精美既兒童圖書，又有少少益智玩具，母嬰用品，健康食品等等，我哋得個睇字都冇買嘢，屋企啲書太多，買都要好仔細考慮清楚，係可以反覆睇好多次既先買~
應該係食嘢時有啲狼狽，原來冇乜點影食物既相﹗叫咗個咖喱雞飯、牛小排pasta、Margherita pizza，食物味道叫做正常啦，詩詩除咗忌廉湯之外其他都唔太熱烈~
爸同曉既下一個節目係上去遊戲區玩，詩既下一個節目係奶奶瞓覺，而我既下一個節目就係candy crush soda同埋candy crush friends囉~即使我好好奇遊戲區有咩玩，都冇得上去住丫~
原來我俾人影到玩緊Candy Crush…
爸曉組就開心囉~我揀咗呢間親子餐廳，其實都係俾呢個繩網吸引咗，之前記得有類似繩網嚟過香港，係IFC，不過嗰陣應該係曉未夠大個唔玩得住~
大個咗真係唔同啲，叻咗好多，樣樣敢去試~
自己上去唔駛人陪咯~不過嘛，爸爸同佢玩時係大膽啲，媽媽同佢玩時係嗲啲又真既~
聽講呢個滑梯非常滑~
波波池魅力沒法擋~
廚房當然都係女孩子最愛~
我係下面都見到呢隻Peppa，有少少驚(我)…
好不容易詩詩終於瞓醒，我同佢都上去遊戲區，可能真係唔太舒服又未瞓醒，佢變咗樹熊丫，完全唔肯落地玩~
家姐示範彈床
詩詩只肯同家姐跳咗一陣彈床，唔肯落波波池，唔肯坐車車，其他玩具，甚至同佢去幼兒區都投入唔起來，繼續嗌奶奶，唯有同佢番去餐飲區繼續奶奶囉~
好在奶奶生係身上面，真係好方便~哈~
爸曉組玩到差不多打烊先落番嚟~
臨走影下招牌先~
等uber嚟時我哋三個坐係門口既沙池邊，玩多一陣就搭車返酒店喇~所以曉曉可以係親子餐廳玩咗好多，少少遺憾係冇得同媽媽同詩詩玩，而詩詩就只玩得兩樣嘢—-跳彈床同埋沙池，花咗最多時間奶奶同埋瞓覺…
因為詩詩晚餐食得太少，我哋決定係酒店附近買少少嘢俾佢食，我總感覺台灣啲便利店好多嘢食，好似關東煮呀、蕃薯呀、粟米呀、飯糰呀甚麼嗰啲~如果係曉曉麵包lover就簡單得多，詩比較難預測佢食唔食同埋食幾多，結果買咗香蕉同埋餅餅俾佢囉~明明曉應該晚餐都食得多，但面對鍾意食既嘢又變咗橡皮肚，可以再食﹗
day 4我哋就返屋企啦，曉可以享用埋最後一次酒店個浴缸浸浴，下次要再去旅行時先有得再浸啦~今次媽媽帶去既泡泡浴同埋面膜剩咗一組，留番下次去旅行時再同你一齊enjoy啦~
咱們小時ㄏㄡˋ親子餐廳網站：
https://inline.app/booking/ourchildhood/tw
待續
前往其他台灣旅遊blog