去到黃昏，係時候「打算一下將來」，因為嘛，每一日o既黃金時間其實係一早一晚，呢兩段時間人流都比較少，可以去一下啲熱門o既館~旅行團大多數四點幾就會集合離園，你會發覺周圍o既地方開始鬆動，空氣都清新啲﹗:p
我哋決定…去排德國館﹗
因為下晝去咗A區嗰邊嘛，所以番去C區都遠遠地，我哋決定搭呢o架園區巴士﹗呢啲巴士係電動車嚟o架，所以好寧靜又冇廢氣排放~佢到站時就可以用支「觸鬚」接觸站入面頭殼頂o既「充電器」，連接以秒計o既時間就可以行一段距離~都係一個好o既發明﹗不過嘛，世博入面人太多，呢啲巴士無論班幾密，車上面都係勁勁勁勁勁勁勁逼﹗所以依然係一架坐得不太舒服o既巴士~ 閱讀全文
主題館呢個巨型建築物已經包括咗三大個「城市XX館」，即是城市生命館、城市地球館同埋城市人館，當中o既地球館同埋人館我都認為係世博必睇o既項目嚟o架~而且呢幾個館因為面積大，所以入面場地好寬敞，幾多人入到去都唔逼，所以基本上唔需要排隊~另外兩個主題館，即是浦西o既城市足跡館同埋城市未來館就都要排啲隊，其中o既足跡館大家可以考慮用預約券~
yo~我哋睇完生命館，而家向地球館進發﹗有西部牛仔造型o既海寶呢~ 閱讀全文
因為第一日o既酒店早餐實在太糟糕了，而且最早都要七點半至有得食，所以第二日我哋決定出到外面先買早餐~
酒店外面轉個彎就有間早餐車檔lu喎，有好多種麵包賣，我哋買咗三文治同埋豆漿，質素都ok~ 閱讀全文
如果去世博，無論幾攰都好，真係要留到夜晚黑，起碼一晚，因為世博o既夜景嘛，好多館一著起燈都好靚~而且世博入面咁多餐廳，要留夜啲先可以食多餐嘛~呵呵~
我哋就係某個地方食飯時影到荷蘭館o既夜景~
我哋去咗羅馬尼亞館o既瑪利亞餐廳食dinner~ 閱讀全文
每日一日去到十一點幾到下晝四點左右都係入園o既高峰時間，去到周圍都係人人人人人人人人人人人人~~~~~~~~~~~~~~~~~點樣可以好好運用時間？我都冇乜好suggestion，但真係太長o既隊要避免，同埋隊要識郁o既至好排囉，另一個option其實係去睇下show~我哋第一日o既下晝至黃昏時份，去咗睇咗啲唔駛點排隊o既館，所以先創造就出一日行18個館o既紀錄~
係浦西呢邊o既D、E區，我哋行咗國家鐵路館~
和諧號列車~其實平時返樟木頭都成日搭佢o既「真身」，不過又真係未影過相喎~ 閱讀全文