因為第一日o既酒店早餐實在太糟糕了，而且最早都要七點半至有得食，所以第二日我哋決定出到外面先買早餐~

酒店外面轉個彎就有間早餐車檔lu喎，有好多種麵包賣，我哋買咗三文治同埋豆漿，質素都ok~

好順利地去到7號門，通過安檢，我哋就直奔去morning dash o既目的地—-瑞士館﹗因為之前嗰晚見到有得坐纜車，好想坐下，所以咪dash去呢個囉~

半個鐘頭就入到館﹗但…臨排到去時，先知道，oops﹗工作人員話今日纜車要維修呀~所以冇得坐﹗但都排到咯，唔通唔入去咩，即刻離隊就dash唔到去第二度喎，所以都照入去玩囉~

整個瑞士館俾一盞盞呢啲LED網網包圍住，夜晚著晒時就好靚喇~我背後o既係法國館~瑞士館o既展品大多數都係室外，我哋一圈圈咁圍住嚟行…

沿途有好多呢啲？？望遠鏡？no~其實係睇入面o既3D圖片，講o既都係環保主題，好似啲廢物棄置呀、再生能源之類~

我身後o既係…纜…車…慘~一場dash嚟到都冇得坐呢~有啲排得比我哋前o既人係度同工作人員理論，賴死唔走，但開唔到就開唔到o架啦，所以我哋都知道lur都冇用…冇辦法啦，唔好彩~後來晏少少望番過嚟嘛，又見到個纜車係度運作lu~

之後我哋過去法國館~法國館其實都排得長o架，不過條隊都郁得好快，所以我哋都覺得會好快入到去~再加上…

排隊時有隊band係度演出，輕快o既音樂令人心情都好起來~

話咁快就入到去~入場時仲每人派咗一個米芝蓮figure公仔做禮物呢~

入到去咁涼快o既？莫非係因為呢個天井花園周圍都有好多樹木花草？同外面兩個世界呢~而且法國館俾我一個好好o既印象，係一入到呢個花園，就有隊band演奏，而且仲加埋動作+鬼馬o既表情演繹，非常好~我哋都企咗係度聽咗幾首歌呀~

一早聽聞法國館有米芝蓮法國菜食…

個廚房成為埋展出o既一部份呢~要400人民幣一位，太貴了~結果放棄了呢~返到嚟香港先聽爹媽講，原來比較經濟o既法國菜係浦西展區案例館嗰邊，二百幾蚊就可以食到了~

法國館行得幾舒服，入面好闊落，四四方方的一圈圈咁行，通道闊闊的，攰o既人都坐晒係通道o既兩旁，冷氣又夠涼喎，所以成為一個休憩場所﹗

呢度話每一個booth會聞到唔同香味喎~不過我哋認到o既香味得咖啡咋~

法國館另一矚目之作﹗特別係法國搬來世界知名o既雕塑、名畫~

包括佢~啲遊人都堆住係啲名畫前面影影影﹗都靠近唔到去睇啲畫呀~

法國仲有咩出名？當然有時裝、手袋、品牌啦~當中表表者包括香港人所喜愛o既LV﹗

LV係法國館入面佈置咗一小個area，充滿高貴氣色o既background展示佢o既皮包~雖然我唔係特別好LV，但都覺得呢度整得幾靚﹗

食唔成法國餐，食個tart都好丫﹗出到去之後，要入紀念品店、小食店居然都要排隊丫﹗因為實在太洶湧了~我哋好不容易買到個檸檬tart~yummy~

當時我哋都未去到德國館，抱住「入唔到德國館，食咗德國菜就當入咗去啦﹗」o既心態，我哋去咗德國館附設o既餐廳~人好多呢，估唔到收費唔平o既德國餐廳，大家都咁捨得去食喎~

款式唔多，不過我哋揀咗最經典o既德國咸豬手同埋香腸，另外叫多一款碗豆湯，因為我係「湯王(吼叫聲去演繹)」﹗味道都幾好，不過個湯咸咗少少~環境其實唔係唔舒適，不過人真係多咗啲，搞到有啲似canteen~佢哋落單係好似去日本咁樣，啲waiter拎住個palm篤篤篤，因為食物款式唔係太多啦，所以佢哋係廚房已經預備好晒，上菜真係勁快囉，個waiter嗰頭走咗冇耐，嗰頭啲食物就到了﹗所以呢餐都幾極速~

下晝出番去時，見到瑞士館o既纜山已經重新開放啦~慘~

進入人潮洶湧o既時份，度度都好多人人人人人人人人~~~~~~~~~~~所以我哋都要挑選啲入到去o既館…

路過呢個波黑館時順道入埋去啦，反正唔駛排隊，我哋都係去到先知道「波」同「黑」原來係兩個唔同o既國家~記得呢個館冇乜嘢睇，係一個少少簡陋o既旅遊博覽，只有啲圖片呀、電視機展示啲國家o既地方呀咁~不過裡面坐咗好多人係地下﹗又係啲行到好攰o既遊客~:p

呢個要讚一讚呀﹗雖然冇入到去新西蘭館，但路過時睇咗好精彩o既民族舞蹈表演呀﹗佢哋又唱又跳，好有熱鬧氣氛﹗而且應該都係真o既土著吧？佢哋個身真係好多紋身o架喎~同埋如果唔係土著，點會有唔同年紀唔同身材o既人一齊演出？感覺上就係一個家族or一條村落o既人咁~

之前有冇講過？遊人最多o既時間嘛，最好就係去嗰幾個「城市xx館」世博o既主題館，stanley同kelvin話，因為啲館太大，所以幾多人都容納得到，所以唔駛點排隊，入面都唔會好逼，我哋於是就係世博o既第二日參觀咗城市人館、城市生命館同埋城市地球館﹗

我哋先參觀咗城市生命館先~

入到去係一個繁忙o既火車站，俾你感受下城市o既脈搏~

而家事隔兩個月，城市生命館o既details都唔係好記得，但裡面o既感覺係好大，好colourful，好多變幻o既影像，好多high tech o既presentation skills…仲有，啲冷氣好涼~

真情流露o既一刻﹗

出番嚟，哇~天氣真係熱得不得了，水水水水水係最重要同埋最好味的﹗但一定要冰涼﹗yooooooooohooooooooooooo~~~~~~~~~~~

待續

Comments

comments