主題館呢個巨型建築物已經包括咗三大個「城市XX館」，即是城市生命館、城市地球館同埋城市人館，當中o既地球館同埋人館我都認為係世博必睇o既項目嚟o架~而且呢幾個館因為面積大，所以入面場地好寬敞，幾多人入到去都唔逼，所以基本上唔需要排隊~另外兩個主題館，即是浦西o既城市足跡館同埋城市未來館就都要排啲隊，其中o既足跡館大家可以考慮用預約券~

yo~我哋睇完生命館，而家向地球館進發﹗有西部牛仔造型o既海寶呢~

入場﹗有冇咁誇張？﹗高血壓同心臟病要咁謹慎？﹗

地球館講o既係環保，佢用「金、木、水、火、土」去講地球上唔同o既資源，有咩係俾我哋浪費緊，究竟未來會點樣短缺法？有咩方法or新科技可以減少呢啲資源o既損耗等等~

用好多唔同o既visual effect去講呢啲道理，都睇得人津津有味~而且質素嘛，竟然好似一啲定期展覽o既博物館整得咁靚﹗﹗絕對唔似幾個月後就會拆o既咁~讚呀~

既然叫做地球館…

梗係有個巨型地球啦~而個地球其實係一個螢光幕﹗上面o既地面係會變o架~而家係海洋、陸地分明o既美好時光，而佢會轉變，變成沙漠化咗o既地球﹗都幾駭人~而啲展覽呢，就係螺旋形咁圍住個地球向下轉，行到好攰時…點解轉極都仲有嘢睇o既？﹗

好專心咁睇展覽…大概講緊風力發電吧？

我係中國人﹗有片睇，好free咁睇﹗哈哈~唔係得我一個係咁o架~

冇錯﹗我哋啱啱行完o既就係城市地球館了~

接住落嚟，順道行埋城市人館啦~

城市人館講o既係世界上唔同角落o既六個家庭，講佢哋o既生活上唔同o既aspect，作息時間啦、飲食啦、工作時間啦、交通啦、醫療啦、電力啦、水源啦、排污啦、文娛康樂啦、教育啦等，逐一作出比較~

右上圖o既model首先介紹六個家庭o既人物，幾個大洲o既家庭都有份~而其餘幾張相，就係表達唔同生活方面o既比較~主要都係video囉，不過排列上、視覺上都有分別o既~

除咗展覽o既「餡」，仲有好多華麗靚靚o既裝飾o架~你睇我背後o既市集幾誇張﹗呢啲嘢都係放係主題館入面﹗一味——————大﹗

運動場都有~

好，出番嚟喇，去下一站先~

雖然唔係餓…不過有少少為食，行過，食咗個土耳其烤雞~:p

我哋都未過過去亞洲展區嗰邊，去睇一睇先~

朝早行咗o既幾個歐洲國家館係C區，主題館呢就係隔離o既B區，要行咗過去亞洲國家館嗰邊o既A區，即中國館呀、日本館呀嗰啲呢，一定要經過呢個世博軸﹗不過我哋都係路過居多咋，其實世博軸上面有好多商店食肆，都可以好好行一下，而且番到嚟香港先發現，人哋係心博軸上面影o既中國館係最靚o架~我哋miss咗添~

其實呢，一早都知道自由行嚟講都冇可能預約到中國館啦，因為啲預約券超早就派晒，我哋每日都未過到安檢時，就已經宣佈預約券派發完畢，另外，又係番到嚟香港至知，人哋話，行夠幾多個城市案例館蓋咗幾多個章o既話，可以換到中國館o既預約券﹗冇辦法啦，緣慳一面，anyway，中國館第時都會keep住，將來世博結束再去行囉(25-4-2011：上海pre-wedding+杭州day 1．重遊世博@中國國家館)~

唔行裡面，都可以影下呢個2010世博o既icon o既~

不過呢，唔知點解，係佢o既正面影，無論點影都好似歪歪地~而且個angle唔夠闊，都係影唔得晒~

中國館﹗

反而呢個一次過影晒中國館、香港館同澳門館o既角度仲靚~

原本都想行下香港館，但都係太多人了，而且條隊好似唔識郁咁，所以都係…放棄了﹗好啦，我哋去再參觀下其他館啦~

外型似係一個個沙丘o既阿聯猶館，非常型﹗不過又係人多到爆﹗

仲有造價最貴o既沙地阿拉伯館﹗諗到冇諗過入去行，因為人哋話有可能會排九個鐘﹗遲我哋一個星期去o既爹媽團呢，大姨同三姨媽有去排沙地阿拉伯館排咗六個鐘，但佢哋話好值得喎…唔知呢？我哋排咗最長o既館都係兩個鐘零九個字咋~究竟入面有咩值得排六個鐘去睇？﹗

anyway，請大家繼續收看之後o既世博blog blog~

待續

Comments

comments