一早時已經講好會同day o既同事們一齊join tour去參觀大峽谷，由Las Vegas出發o既大峽谷tour有好多，初時我諗住參加飛機+巴士tour o架，即是既可以由飛機高處俯瞰大峽谷，即可以坐巴士停低south rim啲景點，可以用對腳去行下感受下~不過一來價錢相對地比較貴啦(US$200 vs US$80)，而且大家又有啲擔心氣流問題，結果大家決定參加巴士tour了~其實由Las Vegas出發都叫做「穿州過省」，因為LV為於Nevada州，而Grand Canyon呢就係Arizona州~搭車單程都要五個鐘﹗

代價嘛…雖然有酒店pick up，而且我哋係pick up尾站，但我哋集合時間係清晨5:50am﹗即使係咁，我哋依然要食一份熱辣辣o既早餐先去集合，打聽好了，酒店o既麥當勞開5:00am﹗所以我哋未夠5:00am就起咗身啦~老實講，先前嗰晚睇「O」搞到咁夜，確實未好好咁休息過…anyway，搭車咁多時間，大把機會瞓覺啦~ 閱讀全文 →