28-4-2011:上海pre-wedding+杭州day 4(part 1).出發往西溪濕地

嚟到杭州第二日,今日本身打算去西溪濕地,如果夠時間o既話,可以去埋未城就好lu~西溪濕地係杭州「三西」之一,同西湖、西冷並稱三西,係第一個國家級o既濕地公園喎,而家似乎都幾大力promote呢個景點,因為杭州o既官方旅遊page都講好多,仲有特別專輯添,加上而家有個「花朝節」,我哋更加要去睇下啦~如果大家睇過「非誠勿擾1」的話,西溪濕地更加係嗰度o既取景地方﹗不過我同day都未睇過呢套戲,所以冇乜特別強烈感覺,而家返到嚟都想睇番﹗

食個早餐先﹗

呢間杭州海外海智選快捷酒店,屬於Holiday Inn旗下o既Holiday Express,有牌子,早餐質素都比上海嗰間好得多~不過當然唔係話好豪華好豐富嗰隻啦~ 閱讀全文

27-4-2011:上海pre-wedding+杭州day 3(part 3).古裝南宋御街

由西湖行返出嚟,諗住搵嘢食下﹗隨意隨意行居然俾我哋行咗去條步行街喎,我之前睇啲旅遊資料時都冇見到呢,後來先知道呢度叫「南宋御街」,係一條幾有特色o既觀光街嚟o架~我諗都有旅遊局o既悉心安排,因為入面真係好古裝呢~

誤打誤撞入咗去步行街區,心諗,好嘢,應該有好多嘢食吧~ 閱讀全文

27-4-2011:上海pre-wedding+杭州day 3(part 2).濛濛細雨的西湖

雖然係正確o既巴士站落到車,但要兩人撐住一把遮都幾狼狽,因為都唔細雨…其實本身打算踩單車遊西湖,全杭州都有好多公共租借單車服務點,只要有張IC卡,嘟一嘟就可以帶架單車走,一個鐘內還就免費,一個鐘兩個鐘都係幾蚊o架咋,好方便,見到市內都有好多市民用嚟代步,而且佢哋鋪單車徑都好全面~但我哋去問一問,要去唔知咩路o既幾多號先辦到張IC卡呢,哎吔吔,好麻煩丫~所以結果三日都冇踩到單車呢,可惜可惜~

行到西湖邊時,呢個音樂噴泉啱啱表演緊,但呢,最近先睇過Las Vegas Bellagio 嗰個,呢個比起上嚟就…真係唔係太up to standard…雖然噴水同音樂都幾配合,但啲水柱比較弱、有啲歪歪地、同埋故事性比較弱囉~有待改進﹗ 閱讀全文

27-4-2011:上海pre-wedding+杭州day 3(part 1).搭高鐵往杭州去、滿意的酒店

影完相完成任務,之後嗰幾日都係去玩玩玩囉~我哋第三日就會出發杭州,都想係杭州spend多少少時間,因為以前去親都係即日來回,係網上睇真係好多地方幾有趣,如果多啲時間希望可以去多啲地方呢~今次自己玩有前後三日喎,應該唔錯啩~(當時天真地諗…:p)

因為之前食過酒店早餐質素麻麻地o既緣故,我哋決定出街食﹗之前係我哋住嗰間酒店o個條路行過少少見到有間賣湯包o架,即是小籠包吧?點知我哋九點左右去到佢未開門呢,四周行下都唔係好似有咩鋪頭仔食下地道嘢咁,算啦算啦,KFC都好啦,可能都有啲特色食物啩~

真係幾特別喎,早餐時間竟然樣樣早餐都冇?﹗得番兩款,day要左田園雞堡餐,比較「KFC」,我就要咗粥同油條﹗(唔係雞粥同埋唔係雞肉油條,但都唔知點解關KFC事…)另外加多份XO醬蘿蔔糕(似乎都同KFC冇關…)~麻麻地啦,粥同蘿蔔糕都ok,但個油條真係怪怪地, 閱讀全文

25-4-2011:上海pre-wedding+杭州day 1.重遊世博@中國國家館

又一個trip﹗今次呢個trip都唔係話萬分期待咗好耐嗰種,事關我哋去上海主要係影pre-wedding相相,但係我哋原先係去日本輕井澤影嘛,而且早在上年年中時就報咗名lu,一直都期待著+plan,後來酒店機票都book好晒日本先發生咁慘o既大地震,冇辦法啦,cancel咗個trip,好在同我哋影相o既Picasso Wedding可以俾大家改去上海、澳門or留番係香港影,選擇十月時再去日本影紅葉都得~咁我哋就揀咗去上海了﹗

行李都多丫,因為係香港公司,所以我哋要自己帶啲禮服上去,租咗兩套婚紗一套男裝禮服,另外自己係淘寶淘咗一套晚裝,一個大袋裝住晒,同埋仲要帶埋啲皮鞋呀、花球呀、公仔呀咁,所以行李特別多﹗day一大早上嚟我屋企,pack埋佢啲個人行李一齊去隻大喼度,好在有咁做咋,如果唔係兩隻喼+大袋真係唔知點算﹗

一個good morning就由麥當勞開始啦~係屯門市中心食完早餐,坐B3X巴士,十幾分鐘就去到深圳灣口岸喇,我哋買咗深圳飛o既機票,比起香港飛每人平$1500呢~其實都唔少人會咁樣飛,但唔知我哋點解次次都咁唔好彩… 閱讀全文