到咗day 4，係時候要出下海啦～我哋一早係酒店嘅嘅櫃位了解好有咩day tour，book好咗今日嘅出海浮潛tour同埋聽日嘅激流tour，全部都有酒店pick up～所以只要係集合時間係lobby等就ok了～
點解有個古裝人？好似著住拿破崙衫嘅？原來佢係嚟pick up另一個團嘅，咁搶眼嘅～ 閱讀全文
10-11-2011：斐濟蜜月day 4(part 1)．超讚的Oolala day cruise
6
標籤彙整: fiji travel
9-11-2011：斐濟蜜月day 3．體驗Nadi地道．Kava慶典初體驗
一覺醒來⋯
又係一個美好嘅晴天，上天對呢片土地真係有特別嘅恩典呢，點解天色時時都咁明朗，氣溫濕度都總係咁恰到好處嘅呢？再search番資料，原來去Fiji嘅best season係四月至十月，因為天氣較乾燥、較少落雨，所以我哋十一月去都唔算最好了，後來去到Beqa時都有幾日落咗雨啦～ 閱讀全文
8-11-2011：斐濟蜜月day 2(part 2)．悠閒時光
沖個涼，好好瞓一覺之後，出動﹗休息過後已經係下午時分，我哋決定食少少嘢，隨意係resort打個轉，游游水，hea下就好了，honeymoon何必要太趕忙？何況我哋有充足時間呢～
呢間就係我哋未來呢幾日嘅家～ 閱讀全文
8-11-2011：斐濟蜜月day 2(part 1)．Bula Fiji~
好咯好咯，經過約十小時飛行，終於嚟到Fiji咯～點解題目要叫Bula？因為Bula就係Fiji人打招呼嘅說話，嚟到呢度唔駛理對方係邊個、識佢唔識佢，基本上人人都可以揮手同佢講一聲Bula㗎～
Fiji嘅國際機場位於Nadi，即是大島嘅左邊，距離機場十幾廿分鐘車程有個有橋連接嘅島叫做Denarau Island，上面係一個綜合嘅旅遊度假區，有多間國際級嘅度假resort、shopping centre、golf club等等，我哋頭幾晚就係呢度嘅Hilton住，亦係機票package嗰幾晚，另外book咗兩間resort，分別位於南邊海岸嘅Coral Coast，同埋大家見到南邊有個大少少嘅島嘛，另一間就係呢個Beqa Island上面了﹗最尾一晚我哋直接住係機場旁邊，方面搭早機返香港咯～ 閱讀全文
7-11-2011：斐濟蜜月day 1．前往浪漫之境
結婚兩週年都已經係半年前慶祝咗，我以為我呢個蜜月blog會徹徹底底地爛尾收場，適逢呢排blog blog人氣持續上升，令我對於打blog滿有幹勁，加上下一個trip又兩個星期後至出發，不如我都補打番個honeymoon blog啦，家姐之前嘅說話持續係我腦海縈繞，佢話honeymoon係一生人一次嘅重要trip，冇理由唔打，雖然而家隔咁耐，好多detail可能唔記得，但都盡量看圖作文啦﹗今朝係舊電腦炒番啲相過嚟時，重頭睇咗呢3.6GB相一次，睇見當時我哋無憂無慮嘅笑容，加上Fiji嘅良辰美景，真係仿如隔世⋯我都好耐冇試過啲頭髮咁長了，眼鏡亦換咗副新嘅，我哋兩個嘅腩肉亦各自增加咗十幾磅﹗
講番個trip啦，一生人一次嘅蜜月嘛，揀destination時其實都費過啲心思，總之想去浪漫啲悠閒啲嘅地方，我記得當時嘅候選名單中，包括過澳洲嘅Tasmania，感覺上地方好靚、好多美食，但似乎要自駕遊先比較方便，話學駕車講咗幾年到而家都未take action⋯又有諗過去意大利，又係浪漫＋美食嘅目的地，但十一月嘅天氣又好似唔多適合，都係等下次夏天時先去啦～諗落都係去南半球嘅暖和天氣比較好，又上網search下top honeymoon destinations，除咗我哋最後去咗嘅Fiji之外，另一個我心儀嘅係大溪地，不過搭飛機嘅路線好唔方便呢，大多都係由美國轉機，太遠了，加上物價都幾貴﹗最後揀咗Fiji，好似樣樣都合乎心目中所想丫，風景靚、天氣好、悠閒自在，非常好～香港仲有直航飛機添啊～
By the way，我同day嚟緊八月會去嘅夏威夷都常入選top honeymoon destination啊，就當我哋去多次honeymoon吧﹗:)
斐濟係邊度？大家睇睇上面嘅地圖，有大家熟悉嘅澳洲同埋紐西蘭，地圖嘅右上角白白地嗰個橢圓島嶼就係Fiji啲大島了，其實Fiji係群島國家，所以大島裙邊有好多零星小島都屬於Fiji的，我遲啲嘅blog再show俾大家睇個形勢吧﹗ 閱讀全文