28-6-2014:美麗香港@熱辣辣的浪茄灣

難得有星期六放假,一早約好day一齊去行山,我哋都好耐冇去過行得長啲嘅山,平時星期六、日都好多其他事情,有時得閒又撞正天氣唔好,所以今次叫day搵條長少少嘅路線,佢就揀咗由西貢西灣亭出發,倒轉行麥理浩徑第二段至第一段,跨過西灣山落去浪茄灣,再兜番過萬宜水庫東壩完成﹗想行長少少可以沿住東壩條路出返去北潭涌,但我哋已經熱到攰到郁唔到,結果係東壩上咗的士出番西貢咯~其實出發前我都唔係好知佢講嘅係邊條路線,到咗時描述得仔細啲至知,哦,咪我同爸媽幾年前行過嗰條路倒轉囉,嗰次仲有打過blog添~請參閱:30-10-2006:重陽登高之北潭涌、萬宜水庫、浪茄、西灣亭,原來已經係八年前嘅事呢~

a087c789d533a9515703e31e985121aa

我哋行嘅就係最最最東邊最尾尾嗰截喇﹗ 閱讀全文

14-12-2012:斯里蘭卡day 7(part 3).Cantaloupe海灘酒店@Talpe

接住落嚟o既行程我同爹媽姐就分道揚鑣啦,爹媽會係新加坡探美姨一家遊覽幾日,家姐假期結束咯,返去陪下姐夫,好似趕住返去睇演唱會添﹗至於我同day呢,我哋會留係斯里蘭卡多幾日,去埋南部o既部份地方﹗當初話點解會有意思去斯里蘭卡呢,除咗睇過旅遊書入面大象孤兒院o既象象係河邊沖涼嗰一幕好深刻之外,另一樣就係佢o既多樣化了,其實我不嬲都好鍾意去陽光與海灘o既地方,今次既可以睇下文化古蹟,又有靚海灘,之後仲有得睇動物添,一次過滿足晒幾個願望啦~map colombo to talpe

大家可以睇睇地圖,我哋之前係可倫坡(即國際機場o既位置),包車坐咗大概兩個鐘頭車到達我哋住兩晚o既Talpe,其實Colombo以北同以南o既西海岸線都係沙灘,所以沿海都有唔少beach house、resort咁,大大小小豐儉由人都有,落到去西南部左下角o既城市Galle係斯里蘭卡第四大城市,繼Colombo、Kandy同Jaffna之後,所以我哋選咗Galle附近o既Talpe嚟住,既有南部o既海灘,亦可以感受一下Galle o既殖民風情(留意下一篇blog就會多啲介紹咯~),而且亦少少順路咁去埋我哋最後一站o既Yala National Park,所以呢個地點都好滿意~ 閱讀全文

10-11-2011:斐濟蜜月day 4(part 2).熾熱的sun&sea@Savala Island

上岸了﹗呢個小小島叫做Savala Island,應該係船公司嘅私有財產吧,其實島上面冇乜天然物資,所有嘢都係由船搬上去,算係一個大本營大家可以係度食嘢啦、休息啦、親親大自然啦、再出海去浮潛啦、kayaking啦等等~DSC01990

未到食lunch時間,我哋先四周行一圈視察下,其實個島真係好細,我諗兜一圈都係十幾分鐘嘅事~ 閱讀全文

7-11-2011:斐濟蜜月day 1.前往浪漫之境

結婚兩週年都已經係半年前慶祝咗,我以為我呢個蜜月blog會徹徹底底地爛尾收場,適逢呢排blog blog人氣持續上升,令我對於打blog滿有幹勁,加上下一個trip又兩個星期後至出發,不如我都補打番個honeymoon blog啦,家姐之前嘅說話持續係我腦海縈繞,佢話honeymoon係一生人一次嘅重要trip,冇理由唔打,雖然而家隔咁耐,好多detail可能唔記得,但都盡量看圖作文啦﹗今朝係舊電腦炒番啲相過嚟時,重頭睇咗呢3.6GB相一次,睇見當時我哋無憂無慮嘅笑容,加上Fiji嘅良辰美景,真係仿如隔世⋯我都好耐冇試過啲頭髮咁長了,眼鏡亦換咗副新嘅,我哋兩個嘅腩肉亦各自增加咗十幾磅﹗

講番個trip啦,一生人一次嘅蜜月嘛,揀destination時其實都費過啲心思,總之想去浪漫啲悠閒啲嘅地方,我記得當時嘅候選名單中,包括過澳洲嘅Tasmania,感覺上地方好靚、好多美食,但似乎要自駕遊先比較方便,話學駕車講咗幾年到而家都未take action⋯又有諗過去意大利,又係浪漫+美食嘅目的地,但十一月嘅天氣又好似唔多適合,都係等下次夏天時先去啦~諗落都係去南半球嘅暖和天氣比較好,又上網search下top honeymoon destinations,除咗我哋最後去咗嘅Fiji之外,另一個我心儀嘅係大溪地,不過搭飛機嘅路線好唔方便呢,大多都係由美國轉機,太遠了,加上物價都幾貴﹗最後揀咗Fiji,好似樣樣都合乎心目中所想丫,風景靚、天氣好、悠閒自在,非常好~香港仲有直航飛機添啊~

By the way,我同day嚟緊八月會去嘅夏威夷都常入選top honeymoon destination啊,就當我哋去多次honeymoon吧﹗:)螢幕快照 2014-05-07 下午01.47.12

斐濟係邊度?大家睇睇上面嘅地圖,有大家熟悉嘅澳洲同埋紐西蘭,地圖嘅右上角白白地嗰個橢圓島嶼就係Fiji啲大島了,其實Fiji係群島國家,所以大島裙邊有好多零星小島都屬於Fiji的,我遲啲嘅blog再show俾大家睇個形勢吧﹗ 閱讀全文

24-9-2009:三亞 day 4.親親亞龍灣

o黎到三亞呢幾日,日日都話,希望會好天啦,希望會好天啦~因為自從第一日之後,都未見過陽光與海灘,每一日都期望有機會落下個靚靚o既亞龍灣,點知咁快就o黎到最後一日…

反正都未正正式式係resort範圍逛過,我o地今朝食完早餐之後,就周圍行下喇~

嗚…要擔住遮行~後面o既係模擬海灘o既泳池~其實個泳池範圍好大,有四四方方o既、有連住pool bar o既、有扮海灘o既、有連住酒店房o既~但我o地只有機會游過最大o個個四方泳池呢,咪就係第一日o個陣o羅~ 閱讀全文