19-11-2011:斐濟蜜月day 13.再見世外桃源

嚟到honeymoon最後一日咯,經過13日旅程要返屋企lu,之後都唔知幾時再有機會去到咁長嘅旅行﹗話晒day啲大假唔算多,要平衡去多一次定係去長啲時間要好好諗清楚~

本來我哋係早機返香港的,如果唔係又駛乜早一晚嚟到機場旁邊瞓呢,點知嚟到reconfirm先知航班改咗時間,呢個我哋一定要一而再再而三confirm清楚至得,如果miss咗飛機就大件事啦,事關我哋搭嘅Air Pacific(原來三年後嘅今天已經改名做Fiji Airways)來往香港一星期只有三班~好,既然飛機中午至起飛,我哋有充足時間食個靚早餐~DSC03943

出動﹗day著呢件新衫就係尋日Coral Coast Sevens嘅紀念tee,係波衫質地,好通爽舒服,呢件衫之後幾時去旅行我都專登執俾佢著嚟搭長途機呢~ 閱讀全文

13-11-2011:斐濟蜜月day 7(part 2).懶洋洋的下午@Lalati.叫人驚異的美妙歌聲

我哋架船差不多到達Lalati嘅私人碼頭時,已經見到有一隊人係碼頭歡迎我哋,佢哋唱住歌揮住手,我哋上岸時仲為我哋戴上花圈呢,因為太surprise+唔好意思,都冇影到相添呢~上番youtube search,呢首universal嘅Fiji歡迎歌叫做「Bula Maleya」,可以click去呢條link聽下,大家都感受下Fiji風情啦:

http://www.youtube.com/watch?v=FxZCUGrKtBADSC03537

招呼我哋坐低之後安排check in,並非一般嘅企係counter度進行手續,而係一個complimentary嘅歡迎foot massage﹗ 閱讀全文

13-11-2011:斐濟蜜月day 7(part 1).Goodbye Hilton.Bula Lalati

我哋今日就要離開住咗五晚嘅Fiji Beach Resort & Spa managed by Hilton了,呢度住得好舒服,但我亦更嚮往之後嘅旅程呢~住Hilton嘛,係經東瀛遊訂國泰假期嘅package(點解去斐濟要係東瀛遊訂package可以睇番第一篇blog),所以都係係個list度揀心儀嘅resort,咁都係balance假錢同喜愛度咯~但之後嘅兩間都係我自己上網揀㗎喇,特別期待我哋今日要出發嘅Lalati Resort,係位於Beqa Lagoon嘅小島resort,雖然唔係小島resort大熱嘅Mamanucas同Yasawa群島,Beqa都有佢自己特色嘅地方㗎~DSC03509

唔同嘅天色,個海都有唔同嘅美態~ 閱讀全文

7-11-2011:斐濟蜜月day 1.前往浪漫之境

結婚兩週年都已經係半年前慶祝咗,我以為我呢個蜜月blog會徹徹底底地爛尾收場,適逢呢排blog blog人氣持續上升,令我對於打blog滿有幹勁,加上下一個trip又兩個星期後至出發,不如我都補打番個honeymoon blog啦,家姐之前嘅說話持續係我腦海縈繞,佢話honeymoon係一生人一次嘅重要trip,冇理由唔打,雖然而家隔咁耐,好多detail可能唔記得,但都盡量看圖作文啦﹗今朝係舊電腦炒番啲相過嚟時,重頭睇咗呢3.6GB相一次,睇見當時我哋無憂無慮嘅笑容,加上Fiji嘅良辰美景,真係仿如隔世⋯我都好耐冇試過啲頭髮咁長了,眼鏡亦換咗副新嘅,我哋兩個嘅腩肉亦各自增加咗十幾磅﹗

講番個trip啦,一生人一次嘅蜜月嘛,揀destination時其實都費過啲心思,總之想去浪漫啲悠閒啲嘅地方,我記得當時嘅候選名單中,包括過澳洲嘅Tasmania,感覺上地方好靚、好多美食,但似乎要自駕遊先比較方便,話學駕車講咗幾年到而家都未take action⋯又有諗過去意大利,又係浪漫+美食嘅目的地,但十一月嘅天氣又好似唔多適合,都係等下次夏天時先去啦~諗落都係去南半球嘅暖和天氣比較好,又上網search下top honeymoon destinations,除咗我哋最後去咗嘅Fiji之外,另一個我心儀嘅係大溪地,不過搭飛機嘅路線好唔方便呢,大多都係由美國轉機,太遠了,加上物價都幾貴﹗最後揀咗Fiji,好似樣樣都合乎心目中所想丫,風景靚、天氣好、悠閒自在,非常好~香港仲有直航飛機添啊~

By the way,我同day嚟緊八月會去嘅夏威夷都常入選top honeymoon destination啊,就當我哋去多次honeymoon吧﹗:)螢幕快照 2014-05-07 下午01.47.12

斐濟係邊度?大家睇睇上面嘅地圖,有大家熟悉嘅澳洲同埋紐西蘭,地圖嘅右上角白白地嗰個橢圓島嶼就係Fiji啲大島了,其實Fiji係群島國家,所以大島裙邊有好多零星小島都屬於Fiji的,我遲啲嘅blog再show俾大家睇個形勢吧﹗ 閱讀全文