標籤彙整: elective

21-4-2008：attachment有著落

發佈日期: 作者:
8

上課第二週，今日MICU o既主管終於出現了，之前佢放緊假，叫做Dr Karnad，好似我o地o既attachment有D轉機~上星期成個省o既公立醫院醫生大罷工o左三日嘛，所以成間KEM都空洞洞的，patient少、人少~我o地o既attachment都冇o野做﹗今日KEM開始回復正常啦~ward入面o既patient數目都漸漸增加~

如常的9:30am去到MICU諗住跟round，遇上四個美國o黎o既elective student女生，umum…寸寸共…不太討好~後來Dr Karnad叫我o地五個人分成兩group，分別去搵兩個doctor，因為九個student跟住round實在太擠逼啦~結果我同kelvin被分配去搵呢個Dr Bichile，經過幾個check point(即是去到一個地點，o個度D人話佢唔係度，我指我o地去第二度…好累呀~)，終於見到佢，原來係department head﹗wow~佢再分派我o地跟另一個doctor，輾轉之下，終於有著落了，聽朝9:30am去ward 12跟另一team~應該ok?？不過今日呢，未有o野做﹗結果又係跟番MICU team o既round o羅~「眼仔碌碌」醫生(我o地俾佢的代號，因為佢o地D名太難記了~食物名還好…人名就…唔ok~)帶round時就教下o野(之前提過怒抽書的醫生)，又俾我o地檢查下D病人，不過後來換o左professor之後，就變得少少無聊了，因為佢唔教書，而MO report D patient o既進度時，個MO D英文又極難聽喎~所以好想快D round完呀~

今日o既奇怪case都有一個，個patient本身有OA knees(膝關節炎)，哈，估下佢因為咩原因要入院？因為，腳痛–>坐係屋企唔郁–>靜

十二點幾終於結束了，後來join埋chan’s team(佢o地三個都姓陳﹗)一齊去食飯，呢間餐廳就係醫院對面，有AC hall，裝修、食物都唔錯，不過係素菜餐廳o羅~上次食過一次，印象都唔錯﹗

下晝番去跟OPD，哈，明明我o地attach medicine(內科)，而家居然又走去paediatrics(兒科)o既OPD喎~嗚哇呀~~~~~勁多人﹗勁辛苦﹗8個印度醫學生+4個美國elective students+5個我o地，係一間房度，團團圍住個professor同埋patient+家長，間房好大，聲音好空曠，出面好嘈，所以只有最內圈o既人先聽到professor講咩，其實佢應該教得幾好o架，但只要我個位冇咁有利時就乜都聽唔到﹗真糟糕﹗下次真係唔想再去~umum…或者下次D美國人唔想去?？﹗可以鬆動少少？﹗

三點半左右就完o左OPD lu~我o地決定去churchgate附近o既tourist information centre拎D資料，睇下weekend同埋之後o既行程如何~而家有定案了，今個weekend會留係mumbai，其中一日去mumbai好近o既一個國家公園，另外一日再睇下去邊啦(有人話想去上post-grad o既infectious disease course乎？﹗)~再之後o既weekend就去alibag同埋murud(都係我o地呢個省，去o個度睇海灘同埋水上城堡~有冇機會游水呢？)~我o地都買到火車時間表o個本書了，真好~咁又唔緊上o個個差差網度click o黎click去啦~雖然今日rao先生唔係度，不過呢位女士都好helpful﹗thanks~

之後去o左…睇睇附近間戲院啦，因為都會搵一日放學之後去睇bollywood電影~churchgate呢邊就有一間﹗行過少少去上次間高級素菜餐廳買麵包~hee~難得的好味麵包呢~學校附近士多買o既包裝麵包簡直不能同日而語﹗經過一間書店，買到女人雜誌同埋靚靚postcard~買雜誌又因為我o地貪小便宜性格令我買多o左啦~原本只諗住買Rs30 o既印度版seventeen magazine(即是ANTM冠軍有得上封面o個本﹗)o架咋~點知個老細同我sell另一本，話買o個本Rs30 o既雜誌就送另一本價值Rs75 o既創刊號雜誌，跟住…我就買晒三本了﹗都唔緊要o既，加埋都係HK$12之嘛~就有三本了﹗平時一本係香港買都要HK$30以上啦~

去食dinner~呢個就係「賓至如歸」o既menu lu~我o地總共去o左呢間餐廳三次啦~ 閱讀全文 →

20-4-2008：小休息的星期天

發佈日期: 作者:
10

今朝由aurangabad番到o黎mumbai lu~係火車度?o左一晚，我覺得sleeper class都ok丫，同大陸o既火車差不多，呢種係最普遍o既長途車車廂，冇冷氣，價錢約係二等冷氣車廂o既四分之一，真係平好多o架，我o地搭八個鐘o既車程都只係Rs188(大約HK$35)，真係離晒譜~如果之後o既trip o既長途火車都係搭sleeper class的話真係慳番唔少$$~

番到cotton green，我o地間酒店附近，食o左個早餐，我叫o左個原味dosa(脆脆的薄餅)同埋咖啡，自從係KEM o既canteen飲過咖啡之後，對呢度o既咖啡o既戒心降低了，其實用熱水開o既飲品照理上都冇問題o既~咖啡就好似latte，因為佢o地用勁多奶o黎沖，而且好甜﹗不過未至於甜到打冷震o既(day可能會，因為佢飲得更唔甜﹗)~

我o地打算下晝先出動，始終搭完長途車都累啦，休息一下，settle down番D o野先~我洗o左四日o黎o既衫﹗總共洗o左七件衫褲同埋一堆底衫褲襪，筋疲力盡了，其實仲有兩條褲o架，但一來冇地方晾，二來都冇力氣洗啦~都可以拎俾酒店laundry洗o既，不過呢，我休息一下，今晚再洗或者都有心情+力氣~

一點鐘左右出去午飯，去o左酒店附近一間餐廳，都ok靚喎，我o地坐o左去outdoor o既位，開住風扇都涼o既，間餐廳有幾勁？侍應打煲呔﹗係呢度好少見呢~不過食o既o野都係平時叫o個D飯呀、汁呀、餅呀o個D o羅~味道樣樣都唔錯﹗

去到火車站發現今日唔知點解冇車去CST，本身諗住下晝去睇戲家嘛，上次發現CST o個頭有戲院~要改變行程lu~結果決定hea hea地~去網吧上上網，順便去買下D日用品下、生果呀、水呀之類~

試下遲一個站落車，原來係醫學院正門喎~ 閱讀全文 →

16-4-2008：上課日第二天

發佈日期: 作者:
15

因為尋日o既狼狽相，今日要好好考慮一下出去o既行裝﹗淨係咩個細側揹袋應該放唔晒所有o野喇，而我覺得揹住個背囊跟round都ok，所以目標係以減重為主。照揹兩個袋袋，放低上ward其他工具，只帶白袍同埋stetho(聽診器)，放低旅遊書，唔帶咁多支水，唔，滿意了，輕盈得多。到上堂時將細袋放入大袋，咁淨係揹個背包咪ok o羅~不錯不錯﹗

今日約好英國女生Amy 9:30am去到MICU(內科深切治療部)，我o地跟o個個doctor o既ward round由o個度開始，去到要換拖鞋，哈，好難湊夠一對相同款式o既，所以人人都鴛鴦鞋﹗哇，入面真係勁多千奇百怪o既case﹗cerebral malaria(腦瘧疾)、幾個GBS(平時係QMH最多咪一個半個﹗)、又有placental abruption整到DIC同埋acute renal failure﹗總之好多平時少見o既case啦~

照理上個MO present俾o個個doctor聽時講緊英文，但…umum…都唔係聽到太多，有時甚至以為佢o地講緊印度文﹗﹗主要教我o地o個個doctor講o野就聽得清楚D~

round o左MICU、男同埋女o既general medical ward就結束了，完結時doctor仲請我o地飲咖啡添~o黎到咁多日第一次飲咖啡﹗如果canteen o既咖啡飲o左唔肚痛的話即是以後都可以飲啦~

lunch去o左學校附近一間靚靚地o既餐廳食，有AC hall o架，都幾抵食，味道樣樣都唔錯~下次都好有機會再去~叫o左hong kong fried rice， 閱讀全文 →

15-4-2008：KEM-O

發佈日期: 作者:
5

先祝家姐生日快樂﹗~~~~~~~~~~~~~~~~~~~~

終於第一日番學了，十點幾去到office，搵o個個miss beena desai，佢話elective student o既學費加價了﹗?？﹗有冇搞錯？﹗加o左價都唔通知我o地？﹗唔係話俾唔俾得起o既問題，而係點可以咁o既行政o架？而且仲加得唔少添啊~我o地係度爭論啦，佢叫我o地去見department of anatomy o既某個doctor，哎??，o個個doctor咁陰聲細氣，溫柔的同我o地耍太極，我o地要發火都發唔出啦~唯有乖乖就範~最唔憤氣就係輸o左俾faculty office o個個女人…

交好錢，辦好手續喇，faculty office叫我o地搵department of medicine o既office問下上堂o既東東了，哇哈哈，「KEM-O」開始啦，D人o’camp時咪要玩HK-O o既，即是好多check point，要跑o黎跑去衝station呢，我o地今朝就係做D咁o既o野了，係成間醫院度東奔西跑，搵到office了，又叫我o地去邊度搵邊個醫生，o個個醫生又叫我o地去邊度搵邊個~奔跑o左個幾兩個鐘先到最後一站﹗係OPD跟o左一個case之後，就有個doctor o黎接走我o地去ward round了~

個general ward超大，所有床，幾十張，唔知有冇五六十張？係一大個hall入面~香港o個D病房係一個個cubicle家嘛，每個cubicle六張床左右~個doctor怒抽書，仲要係抽D physical sign同埋D basic o野，harsh程度同平時上bedside差唔多，但平時好少問呢D o野家嘛~唉，對住外面o既人又唔想丟自己大學、香港、祖國o既假…真係想答得好D呢~我o地仲要係pass o左final o既medical student添~

係呢度睇到好多平時香港見唔到o既case o羅~TB pericarditis、empyema…所以平時唔多用o既knowledge都要搵出o黎﹗

同Amy於canteen合照 閱讀全文 →