今朝由aurangabad番到o黎mumbai lu~係火車度?o左一晚，我覺得sleeper class都ok丫，同大陸o既火車差不多，呢種係最普遍o既長途車車廂，冇冷氣，價錢約係二等冷氣車廂o既四分之一，真係平好多o架，我o地搭八個鐘o既車程都只係Rs188(大約HK$35)，真係離晒譜~如果之後o既trip o既長途火車都係搭sleeper class的話真係慳番唔少$$~

番到cotton green，我o地間酒店附近，食o左個早餐，我叫o左個原味dosa(脆脆的薄餅)同埋咖啡，自從係KEM o既canteen飲過咖啡之後，對呢度o既咖啡o既戒心降低了，其實用熱水開o既飲品照理上都冇問題o既~咖啡就好似latte，因為佢o地用勁多奶o黎沖，而且好甜﹗不過未至於甜到打冷震o既(day可能會，因為佢飲得更唔甜﹗)~

我o地打算下晝先出動，始終搭完長途車都累啦，休息一下，settle down番D o野先~我洗o左四日o黎o既衫﹗總共洗o左七件衫褲同埋一堆底衫褲襪，筋疲力盡了，其實仲有兩條褲o架，但一來冇地方晾，二來都冇力氣洗啦~都可以拎俾酒店laundry洗o既，不過呢，我休息一下，今晚再洗或者都有心情+力氣~

一點鐘左右出去午飯，去o左酒店附近一間餐廳，都ok靚喎，我o地坐o左去outdoor o既位，開住風扇都涼o既，間餐廳有幾勁？侍應打煲呔﹗係呢度好少見呢~不過食o既o野都係平時叫o個D飯呀、汁呀、餅呀o個D o羅~味道樣樣都唔錯﹗

去到火車站發現今日唔知點解冇車去CST，本身諗住下晝去睇戲家嘛，上次發現CST o個頭有戲院~要改變行程lu~結果決定hea hea地~去網吧上上網，順便去買下D日用品下、生果呀、水呀之類~

試下遲一個站落車，原來係醫學院正門喎~

係招牌度影張相先~

一班學生係度搞乜鬼？

買晒所有東東網吧都未夠鐘開門喎，要搵個地方等到4:15pm，決定…學D大叔咁飲chai﹗簡單o黎講就係去下午茶~醫院正門對面有一間小餐室，我o地之前去食過咖喱角做早餐o既呢~我o地今日入去一人一小杯chai，chai即是印度奶茶，好甜好甜好甜、好奶好奶好奶的奶茶﹗唔係人人飲得慣o架~買奶茶又居然可以買一杯或者半杯喎，我o地只係想搵地方坐之嘛，所以只飲半杯，埋單五人總共Rs15(HK$3)﹗

上網o個度其實係佢o地特登早開俾我o地o架，真係要10個感激~我re o左少少blog blog啦，check o左D e-mail、facebook咁啦~一個鐘好快就過去lu~

番o黎酒店休息一下，寫寫postcard先再出去食飯~(p.s.一問之下，先知道酒店旁邊就係郵局﹗)

D差差postcard居然要自己剪出o黎﹗

根據上次o既經驗，太早去餐廳係冇用的，佢o地晚市7:00pm先開始，廚師太早未番工﹗我o地去o左今朝食早餐o個間食，上次好熱情幽默o既侍應又係度啦，我o地叫o左dal rice(佢問：「你o地知唔知咩係dal rice？」我o地答：「唔知呀，試下丫嘛~」佢：「呵呵呵…」)、dum alu masala(之前叫過幾次有alu呢個字o既東東，學試o左alu o既意思係薯仔)配chapati(最平o個種薄餅) o黎食、chowmein(雖然係中式炒麵，但似煨麵多D，超多汁﹗)、veg chinese chopseuy(以為係鬼佬中餐館o既炒雜碎，點知係紅當當o既煨麵，又係勁多汁﹗)~雖然今日叫o既食物唔係我最愛o個D，但都有賓至如歸o既感覺，服務好丫嘛~

總括o黎講，今日係食–>hea–>食–>shopping–>食–>上網–>hea–>食–>hea…呵呵~好撻皮啊~

去完trip番o黎換o左新房間，睇落麻麻地咁，但其實我o地就覺得樣樣都進步o左少少啦~乾淨o左D﹗不過而家(22-4-2008晚上)先發覺有個大問題﹗wi-fi接收得唔好，要落lobby上網﹗

晾衫o既地方都多o左~

待續

前往其他印度旅遊blog

Comments

comments