21-4-2008:attachment有著落

上課第二週,今日MICU o既主管終於出現了,之前佢放緊假,叫做Dr Karnad,好似我o地o既attachment有D轉機~上星期成個省o既公立醫院醫生大罷工o左三日嘛,所以成間KEM都空洞洞的,patient少、人少~我o地o既attachment都冇o野做﹗今日KEM開始回復正常啦~ward入面o既patient數目都漸漸增加~

如常的9:30am去到MICU諗住跟round,遇上四個美國o黎o既elective student女生,umum…寸寸共…不太討好~後來Dr Karnad叫我o地五個人分成兩group,分別去搵兩個doctor,因為九個student跟住round實在太擠逼啦~結果我同kelvin被分配去搵呢個Dr Bichile,經過幾個check point(即是去到一個地點,o個度D人話佢唔係度,我指我o地去第二度…好累呀~),終於見到佢,原來係department head﹗wow~佢再分派我o地跟另一個doctor,輾轉之下,終於有著落了,聽朝9:30am去ward 12跟另一team~應該ok??不過今日呢,未有o野做﹗結果又係跟番MICU team o既round o羅~「眼仔碌碌」醫生(我o地俾佢的代號,因為佢o地D名太難記了~食物名還好…人名就…唔ok~)帶round時就教下o野(之前提過怒抽書的醫生),又俾我o地檢查下D病人,不過後來換o左professor之後,就變得少少無聊了,因為佢唔教書,而MO report D patient o既進度時,個MO D英文又極難聽喎~所以好想快D round完呀~

今日o既奇怪case都有一個,個patient本身有OA knees(膝關節炎),哈,估下佢因為咩原因要入院?因為,腳痛–>坐係屋企唔郁–>靜

十二點幾終於結束了,後來join埋chan’s team(佢o地三個都姓陳﹗)一齊去食飯,呢間餐廳就係醫院對面,有AC hall,裝修、食物都唔錯,不過係素菜餐廳o羅~上次食過一次,印象都唔錯﹗

下晝番去跟OPD,哈,明明我o地attach medicine(內科),而家居然又走去paediatrics(兒科)o既OPD喎~嗚哇呀~~~~~勁多人﹗勁辛苦﹗8個印度醫學生+4個美國elective students+5個我o地,係一間房度,團團圍住個professor同埋patient+家長,間房好大,聲音好空曠,出面好嘈,所以只有最內圈o既人先聽到professor講咩,其實佢應該教得幾好o架,但只要我個位冇咁有利時就乜都聽唔到﹗真糟糕﹗下次真係唔想再去~umum…或者下次D美國人唔想去??﹗可以鬆動少少?﹗

三點半左右就完o左OPD lu~我o地決定去churchgate附近o既tourist information centre拎D資料,睇下weekend同埋之後o既行程如何~而家有定案了,今個weekend會留係mumbai,其中一日去mumbai好近o既一個國家公園,另外一日再睇下去邊啦(有人話想去上post-grad o既infectious disease course乎?﹗)~再之後o既weekend就去alibag同埋murud(都係我o地呢個省,去o個度睇海灘同埋水上城堡~有冇機會游水呢?)~我o地都買到火車時間表o個本書了,真好~咁又唔緊上o個個差差網度click o黎click去啦~雖然今日rao先生唔係度,不過呢位女士都好helpful﹗thanks~

之後去o左…睇睇附近間戲院啦,因為都會搵一日放學之後去睇bollywood電影~churchgate呢邊就有一間﹗行過少少去上次間高級素菜餐廳買麵包~hee~難得的好味麵包呢~學校附近士多買o既包裝麵包簡直不能同日而語﹗經過一間書店,買到女人雜誌同埋靚靚postcard~買雜誌又因為我o地貪小便宜性格令我買多o左啦~原本只諗住買Rs30 o既印度版seventeen magazine(即是ANTM冠軍有得上封面o個本﹗)o架咋~點知個老細同我sell另一本,話買o個本Rs30 o既雜誌就送另一本價值Rs75 o既創刊號雜誌,跟住…我就買晒三本了﹗都唔緊要o既,加埋都係HK$12之嘛~就有三本了﹗平時一本係香港買都要HK$30以上啦~

去食dinner~呢個就係「賓至如歸」o既menu lu~我o地總共去o左呢間餐廳三次啦~

晚飯後就番酒店lu~根據上次o既經驗,如果我o地由churchgate搭火車番cotton green的話,係mahim有絕對大o既機會因為太逼人而落唔到車,所以嘛,今日o既決定係,行路過去CST,搭o個邊條線番酒店o羅~成功了﹗雖然落車都有D困難,但總算…落到﹗

係火車自拍逼o既情境…個印度人…heehee,佢都想上鏡喎~

由火車站行番o黎時見到煙花呀,唔知係咩節慶呢?問問守門口o既職員,佢話係「sadi-sadi」喎~都唔知係咩?﹗發生一段勁好笑o既小插曲…

聽日應該會wi-fi放D blog blog上網了﹗面世啦~

媽咪話我冇提過食生果…其實有食o既~不過平時要講o既o野太多,未講食生果o者~之前買過橙、柑,今次係蕉~之後仲買o左芒果添~

待續

前往其他印度旅遊blog

Comments

comments

在《21-4-2008:attachment有著落》中有 8 則留言

  1. 嘩﹗依間醫院都接待幾多ATTACHMENT喎…
    咁迫都影到相…真係要俾我服字你地…
    [版主回覆04/29/2008 00:14:00]replied

  2. 中國人、日本人、韓國人、英國人等的姓名都各有特色,也反映了各自的文化。據說印度人的姓名是名在前,姓在後。姓名愈短愈好,這顯示他們是貴族。因為姓名加長了,正表示其屬於某某人,或某人加某人之下的。我猜印度也該有幾個大姓吧!例如:中國人的陳、李、張、黃,日本人的田中、三島、村上,或者韓國人的姓金、姓李等。
    [版主回覆04/29/2008 00:16:00]replied

  3. 爸爸:印度的大姓當然是"SINGH"了
    [版主回覆04/29/2008 00:17:00]replied

  4. d 名很長? 定是因為d 音很怪丫?! 因為警犬ta 只限於嗅覺!!~ 聽覺是弱少少的了…~ 那d 印度人會唔會成日都落唔到車的呢?!
    [版主回覆04/29/2008 00:22:00]replied

  5. Re家姐:
    係呀~可能因為佢o地個網寫得詳盡,所以D人都覺得信得過吧?
    影下D奇觀嘛~

  6. Re day:
    又長又怪啦~好難記啊~(應該話,佢一講完我知我都覆唔到一次﹗)
    只有嗅覺靈敏,咁咪做唔到一級警犬o羅?
    唔會啩?佢o地應該搵到方法去adapt呢D情況吧~

發表迴響

你的電子郵件位址並不會被公開。 必要欄位標記為 *