其實今篇又冇話辛唔辛酸嘅，不過係同一個系列，都加埋落去啦⋯:p講起辛酸，唔唔，少少啦，曉四月頭出世，坐月初段天氣仲涼涼地，都要著薄長袖衫，開頭埋身餵奶嘅姿勢都未掌握好，感覺開胸衫容易啲，所以大肚時淘返嚟嘅幾件餵奶衫都冇著住，感覺我唔知點餵，曉唔知點食～但後來越來越慣就發現餵奶衫實在係人奶媽媽嘅恩物，輕易可以拎奶奶出嚟，太方便了﹗後來買下幾件買下幾件，而家長期用嚟替換嘅短袖都有十件八件嘅，不過嘛，成個夏天都係洗乾淨又著，著完又洗，無限loop⋯都唔知換季拎其他衫出嚟做乜⋯^^”
而家九月底都仲係超級熱，但總要未雨綢繆嘅～到十月隨時都會轉涼啦～
夏天嗰一轉衫，淘寶嗰堆呢，平嘅就質素參差，三件只有 閱讀全文
人哋話嘅時間過得好快，曉曉滿月了﹗作為媽媽，無分晝夜咁餵奶、換片、照顧哭啼嘅B，一個月嘅時間一啲都唔快，但我都好開心曉曉滿月啦～大粒咗，肉肉多咗，眼仔開始識得望人，夜晚瞓得長咗，又可以同佢出街街，實在太好了～
滿月嘅早上﹗之前去健康院同母乳姑娘度覆診密啲，就一直知道佢嘅體重長成點，但而家退黃同增重穩定咗就要打一個月針至返去健康院覆診了，每一日都覺得佢大粒咗、重手咗，滿月嘅呢一日實在好好奇而家曉曉有幾重﹗雖然 閱讀全文
先前講到由兒科回家度假要好好餵飽曉曉，等佢排多啲屎屎尿尿、排多啲黃出嚟，咁降低啲黃就可以正式出院啦～當我個乳頭仲未恢復之際，既然係醫院都食過兩次奶樽，我就暫時做個全泵媽，用樽嚟提供全媽媽奶先啦～係醫院用嘅係Nuk嘴嘴，我哋自己買嘅樽係同買泵時一整系列嘅Tommee Tippee，闊樽配唔到細嘴，但之前好朋友金金俾咗幾個佢個仔唔再用嘅窄樽俾我哋，既然醫院度講到Nuk個軟橡膠嘴嘴似乳頭，我哋專登落樓下百貨公司配番兩個Nuk嘴嘴嚟用～不過用咗冇幾多日，見佢用個Nuk嘴嘴食得麻麻地，啲奶又要闊樽窄樽倒嚟倒去，我哋索性俾佢試番Tommee樽，居然食得好好喎～good﹗
同朋友講起乳頭損同埋泵奶嘅情況，大家都介紹咗好多product俾我丫～
當乳頭損嘅時候，姑娘醫生都只教你搽番自己啲奶落乳頭度，心裡面好想好想：有冇藥膏可以搽咗快啲好㗎？﹗因為真係好痛，好心急想好，又好想快啲埋得番身餵～朋友介紹我買 閱讀全文
到咗最後一次產前講座啦，第七講我係上一個循環時已經上咗，如果大家有興趣想知多啲可以經呢篇blog底部條link去目錄度搵番﹗其實對於第五第六講我都特別有興趣，因為真係唔識湊baby呢～
關於嬰兒餵哺我都好sure會講餵人奶，以前medical student時都講好多關於餵人奶嘅東東，但主要講餵人奶好處呀、點樣餵呀、常見問題及處理等等，都係以醫生角度出發～但原來以媽媽角度出發都有好多其他考慮㗎， 閱讀全文