雖然之前照過好幾次超聲波，早嘅時候就固然未知啦，但最近兩次其實都有機會見到男定女，但BB呱次次都好怕醜，夾埋雙腿丫﹗我估計到咗20週嘅結構超聲波應該知道啦啩？﹗連心臟內部結構都要檢查時，有冇小雞雞應該係好明顯嘅事吧？所以20w0d嘅呢一日就充滿期待咁去檢查呢﹗早前係FB朋友之間開盤，俾大家估估我嗰個係男仔定女仔(當然係毫無根據嘅直覺啦)，好似一半之中估男嘅多啲啲，我可唔可以問下大家點解咁估呢？
咁當然男仔定女仔呢啲唔係今日課題嘅重點啦，最緊要都係由頭到腳睇睇有冇咩重大結構問題，咁萬一有咩事，出世前都可以做好準備嘛～仔細檢查之後，頭仔大脾size都啱啱好20週，而大致結構檢查都正常，非常好﹗
BB呱塊面丫﹗見唔見到骷髏頭咁嘅頭骨？兩個黑色嘅 閱讀全文
女人之中我平時都自係比較食得嗰type，人人first trimester作嘔作悶時都胃口減少，所以我一公佈咗有baby之後周遭嘅人問候我嘅頭兩件事都係有冇嘔同埋食唔食到(估下第三件事係乜？﹗)，我都完全no problem～進入咗second trimester之後仲要變得大食咗添，好似之前我都寫咗篇blog講成日想食下午茶啦～
我開始懷疑裡面嘅都係「大衛junior」，或者叫做「大胃」更合適，因為 閱讀全文
呢排技術上問題個blog唔係好穩定，呢篇blog要面世時可能已經係一至兩星期後，那管我之前仲構思咗幾個想寫嘅懷孕扎記topic，但呢個題目唔可以拖﹗﹗
繼幾時見肚之後，下一個問題就係幾時會感覺到BB郁動，一般資料都會話16至20週之間，之前生過嘅媽媽會早少少，因為一來有經驗知道感覺係點唔駛估估下，而且子宮鬆少少BB多啲空間郁，而第一次懷孕嘅媽媽就大概18至20週吧～至於感覺係點，其他人講嘅都只能係用文字去形容吧，有啲話好似bubble冒出來，有啲話好似爆谷爆開，有啲話好似金魚係肚皮下游動，有啲就話好似腸腸蠕動，媽咪話當年覺得好似心跳噗噗噗，而Helen就19週時經歷第一次，佢話好似flutter一樣喎～
我呢？？幾時會感覺到BB呱嘅第一次呀？17週後我就開始仔細留心有冇類似嘅情況﹗首次有懷疑係17w6d，嗰晚去聽「港樂星夜交響曲」，放工後食個tea之後出發過去中環，其間行路時感覺好似有東東係肚皮下左內側篤咗我一下咁﹗不過只此一次﹗﹗我都唔知係唔係嚟嘅～之後嗰日18w0d完全冇感覺，所以我都唔敢抱咁大奇望呢個就係傳說中嘅「第一踼」(應該係「第一篤」至啱…^.^”)～
但到咗18w1d連續成個星期都間歇感覺肚皮有不尋常感覺﹗有時係 閱讀全文
第一次同BB呱見面係8w2d嘅時候，嗰陣佢係超聲波上面只係一團白色嘅物體，唯一感受到佢生命力嘅，就係噗噗噗噗嘅心跳聲，當時已經好感動了～之後我就一直期待著同佢嘅下一次見面﹗
12w3d係Down screening嘅日子，因為要照bb頸皮厚度，所以包括超聲波檢查﹗哇， 閱讀全文