元旦日是爸爸的生日，應他想吃素菜的要求，我們去了妹妹的同學介紹的素菜餐廳 — 功德林。
很早以前途經加拿分道時已見過這家素菜館，都不知道原來已遷往北京道一號。
香港大部份素菜館所供應的食物外觀通常都不太吸引，所以我說功德林所供應的是素食宴客菜，每一道菜都很精緻。
功德大拼盤 – 凍豆腐、炸脆鱔、素鵝、矮瓜以及烤夫 (樣樣都好味，不過最難得係個矮瓜，清甜得黎一D都唔油膩)
酸辣湯 (我最鐘意飲酸辣湯，正呀﹗)
咕嚕肉 (用猴頭菇扮肉，好味~)
素小炒 (鮮百合和大磨菇都好清甜)
酸甜魚 (其實係芋頭魚，外表真係比平時係外面素菜館吃的靚得多，不過味道就真係一般喇~)
豆腐餃子 (味道一般，不過手工真係一級棒，竟然諗到用豆腐當餃子皮，厲害厲害﹗)
三絲炒麵
素蒸餃
棗泥鍋餅 (我都係鐘意食豆沙多D)
還有水果拼盤
這店價錢一點也不便宜，但食物不錯，環境一流，還可欣賞維港夜景，時間配合到更可以像我們一樣一邊吃晚飯一邊觀賞幻彩詠香江。如果要宴請吃素的朋友，這兒真是一個不錯的選擇呢﹗
