再次回到美麗海水族館的入口。
看到的已經是午後的太陽。
長長的影子明明是告訴我們應該要回家的時間，不過這時的我們才預備進入美麗海水族館觀。
這兒有介紹昨天我們浮潛時摸過的BLUE SEA STAR藍海星，就是石頭上面好像有保護色的那一隻，不過好像我們浮潛時見的那一隻顏色比較鮮艷。
平日去參觀水族館都有看到珊瑚礁，但今天再看感覺卻迵然不同，突然好掛住昨日浮潛時看到的水底世界。
熱帶魚之海
HELLO毛仔~
咩叫相由心生？依種魚個樣一望就覺得係壞人奸角，佢地果然係珊瑚礁的危險生物。
好大隻的龍蝦
打直行有啲似海馬的RAZORFISH
佢係海蛇，聽SOPHIA講沖繩有好多，佢仲話自己親身係沖繩的沙灘游水時見過添~
依仲奇怪的海洋生物叫做哈氏異康吉鰻，2007年來美麗海水族館時見過，當年寫BLOG有關美麗海水族館只放咗三張相，其中一張相就係佢地，所以印象好深刻。
可怕的鯊魚
同美麗海水族館的大明星 – 鯨鯊的單獨合照，依張相簡直係美麗海水族館入面的PHOTO OF THE DAY﹗
可能依家海洋公園的海洋奇觀都有類似的大魚缸，所以無上一次來的時候感覺咁震撼，依度都可以係魚缸旁邊食TEA，逸逸都話想食，不過我地今次真係唔夠時間喇~
一家三口同鯨鯊合照
再近距離欣賞水槽的動態，魚魚們都充滿活力~
我們遇上了可以前往黑潮探險的時間，從上方觀賞飼養鯨鯊的大水槽 – 黑潮之海。
水槽上面有條橋
原來係俾工作人員行上去餵食，仲可以左右移動添~
水槽的玻璃有成60CM厚
依度有GLASSFLOOR，今次可以從高處向下望搵下鯨鯊的踪影。
依度仲有介紹水族館點樣移送大型魚入水槽
之前真係從來無諗過其實運送大型魚真係一啲都唔簡單
水族館出口有專業攝影師幫遊客影相，免費送細相年曆卡，我地都唔錯過。
影完一家三口合照再幫逸逸影獨照
攝影師影得咁靚，梗係要俾錢買留返個紀念。
離開的時候已經7:15PM了，正好趕及欣賞沖繩的日落。
大鯨鯊再見
噴水海豚再見
係度買咗枝沖繩限定FANTA，係柑橘類水果的味道，酸酸地都幾好飲。
阿SAM由沖繩兒童王國動物園載我們回那霸的時候曾經傾過迴轉壽司的話題，佢講到好多迴轉壽司店都有俾小朋友的驚喜小禮物，其中一間就係無添くら壽司，上網GOOGLE一下，今晚就去名護的無添くら壽司吃晚餐吧。
同壽司郎一樣，可以用平板電腦點餐，亦可以係迴轉帶拎壽司。
我地叫咗好多食物，仲食埋甜品。
枱面近迴轉壽司帶下方的投入口，是讓客人自己把吃完的碟直接丟進去回收。
淨係放個碟入去已經夠有趣
不過有趣的唔止咁少，這間迴轉壽司最大的特色，就是邊吃壽司還可以邊玩扭蛋遊戲，每回收5個碟就可以玩扭蛋遊戲一次。
中獎會同你歡呼慶祝
上面就會跌個扭蛋落嚟
打開就知有乜嘢禮物
除了回收空碟子之外，點兒童餐又可以抽扭蛋一次，每食滿特定金額又可以抽一次，我地總共中咗三個扭蛋，又食又玩真係好忙碌。
最重要係埋單唔駛HK$200，實在太便宜了吧﹗
食飽飽去埋便利店採購先返酒店
駕車一整天，晚上一定要有酒精讓神經輕鬆一下，順便食埋之前係大阪買的送酒小吃，唔好帶返香港喇。
仲有食埋昨晚係超級市場買的蘋果
悠閒的度過了今次日本大阪沖繩之旅的最後一個晚上。