今日除o左我生日之外，仲要祝好多朋友仔生日快樂呀﹗其實都幾多人同我同一日生日呢~有法國女生charlene、以前同班同學溫雞、譚咏謙、麥穎怡，佢o地都係六月一號o架﹗大家都生日快樂﹗

慶祝呀？由下午開始啦~今日係星期日，當然要俾D時間天主啦﹗我成個幾月冇參加過彌撒lu~係印度o個段日子日日schedule都咁full~今日去o左九點半彌撒，係關神父主持，好耐冇見﹗其他教友，特別係同爸媽好熟o既送聖體員們，對我都好熱情咁打招呼問候呢~之後去孝女會，哈，陸太話我黑o左好多﹗都真o既，真係黑o左好多下~我帶o左D腰果cookies請大家食o羅~

之後開始慶祝啦，約o左day午飯同埋睇戲行街街，一來時間唔多，二來都唔想太勞累，所以留番係屯門咋~咁仲好，唔駛諗去邊度食，就去我最愛o既惠比壽啦﹗仲要食我最愛o既迷你魚生冷麵添﹗太好了，美食+day﹗

食飽飽距離睇戲2:30pm仲有一段時間，所以我o地去逛逛揀禮物﹗day話送我一個手錶喎~開頭諗住揀個baby-G，一完細個時o既心願，但試過係手都係唔好lu，又唔係特別特別靚，另外又有兩個小妹係度試，似乎baby-G對我o黎講真係太年輕o左D呢~

結果揀o左呢款focus o既蘋果綠鋼帶錶﹗好喜歡啊~而且都好襯我膚色呢~多謝day﹗平時我一番到屋企就除錶啦嘛，但今日唔捨得除住﹗戴到而家夜晚十點幾﹗heehee~ 閱讀全文 →