今日冇乜特別o野要做，全日都留係屋企「忙碌地無聊」﹗好多o野做咁，不過全部都唔係咩重要事啦~

星期六早上以為屋企人會睇唔過眼叫我起身，所以故意唔較鬧鐘，點知冇人叫我喎，一瞓就瞓到十點半lu~食過早餐、hea下，朝早都冇乜做o野~都係睇下書呀、上下網呀咁啦~

下晝勞動呀~因為由大學搬番o黎、去完旅行番o黎，一大堆我o既o野未執好﹗呢D終需處理啦~但空間有限，點算好？我終於丟棄o左D year 1、2 notes了﹗同學仔們都講得o岩o既，第時都唔會拎番出o黎睇o架啦，即使要reference，都會睇textbook或者上網，呢D pre-clinical years o既notes，用o既機會微乎幾微啦~個書架即時多o左一格﹗可以將地下D雜物塞入去(問題依然冇解決，只係轉移，哈哈~)﹗

仲做o左D乜呀？睇下旅遊書o羅~可能冇同大家提起過，我下星期又出門啦﹗因為之前個trip太搶，所以冇乜點講，我星期四同家姐去日本呀~因為我之前咁長時間唔係香港，由佢plan好大部份o既o野lu，謝﹗咁我都唔可以一無所知嘛，所以今日都睇一睇D書~了解多DD~

最令我興奮o既就係試新電話﹗連我o個部舊電話都有自己揀o既mp3鈴聲咯，呢部新o既點可以冇呢？之前聽家姐講可以自家製作電話鈴聲，所以我都試下﹗上網睇下D forum，哇，搵到software了﹗而且操作非常簡單呀﹗我而家用緊o既鈴聲係yui o既「life」，暫時用住先啦~其實我想整一個係印度時o既電影音樂，又或者整個「alvin and the chipmunks」入面o既「christmas don’t be late」(<–或者到年底先試呢個﹗)…同埋遲D周國賢又會出新歌新碟呢~部電話一定要多用D功能呀~咁先抵﹗我羨慕人o地有D勁勁電話好耐啦~

仲有咩呢？我upload o左三篇印度新blog blog o羅~大家記住click過去睇同埋留言啊﹗陸續有來﹗

今晚爺嫲都係度，一齊食飯o羅~聽日係一個大日子嘛(細心諗諗﹗或者click去舊年、前年o既呢一日o既blog，睇下有冇clues﹗)，所以家姐、姐夫，同埋day都會上o黎食飯~

o岩o岩睇o左齣戲o羅~而家hit「indiana jones」嘛，電視又重播一套舊的﹗都幾好睇丫~成套戲keep住緊張刺激冇冷場，而且又恢諧幽默~聽日我同day會去睇最新o個套啦，唔知會點呢？其實我不嬲都唔係indiana jones o既fans o架，不過做o左咁多套咁出名，一定有D料到o既~最令人深刻就係首主題曲﹗

Comments

comments