繼續遠雄海洋公園o既行程﹗行完水族館，出番o黎戶外~
哇，睇見了，睇見了﹗就係呢種多個顏色o既海呀~好似旅遊書上面咁﹗真係好想跳落去游下~不過我同connie都覺得，應該未算係最最最最靚o既時候，如果個天D雲再少D，個海應該仲更藍D添~ 閱讀全文
25-6-2009：花蓮day 3 (part 2)．遠雄海洋公園下集
4
標籤彙整: 台灣
25-6-2009：花蓮day 3 (part 1)．遠雄海洋公園上集
開始第三日o既行程lu~
鳳梨阿姨係e-mail o既承諾果然逐一兌現﹗第三天o既早餐有佢講過o既「公正街包子」，好出名o架喎，要排隊買添o架~
配埋豆漿一齊食~D包都幾好味o既，但可能因為比起蒸好時都一段時間了，D汁有少少俾個包吸收o左，腍o左少少~我o地笑說，陳先生一定係按自己o既食量o黎買俾我o地﹗每人有五個包丫﹗不過嘛，偏偏我o地都食得晒自己o個份喎… 閱讀全文
24-6-2009：花蓮day 2 (part 3)．陶醉小熊森林
遊覽完七星潭，時間尚早，我o地決定趁今晚出去花蓮市最熱鬧o既地方逛一逛，同埋食個晚飯~雖然去台灣好多人都主攻地道小食、夜市之類，但我覺得，靚靚o既cafe都係台灣一大特色o黎o架~
未肚餓，我o地逛逛街先~見到一間原住民特色o既舖頭，入去睇下有冇咩souvenir買先~話說入到去望下o野時，個老闆娘對我部相機大sony powershot HX01非常感興趣，我就借俾佢睇下試下啦~
呢張相就係老闆娘操刀o架啦﹗佢即刻拎俾佢老公睇下，於時，佢老公就用手上o既東西o黎同我交換o左部大sony… 閱讀全文
24-6-2009：花蓮day 2 (part 2)．單車暢遊七星潭
遊完山梗係要玩水啦~其實當初點解吸引到我要揀去花蓮旅行，就係因為呢個海﹗去台東o個次家姐買o左D旅遊書，通常都係「花東、花東」咁通稱呢個地區~望見靚靚超藍o既太平洋就令我好想親歷其景了~
為o左要趕係關門前參觀，我o地先o黎「七星柴魚博物館」~
呢個博物館入場就免費，入面有展品、短片介紹花蓮海岸o既捕魚業同埋柴魚製作﹗所謂o既柴魚其實並非我o地廣東人煲花生粥o個D柴魚，而係比較似日本o個D「鰹魚節」o羅~柴魚其實就係鰹魚乾，要經過切件、風乾、熟成等等過程，製成品可以用o黎煮湯呀咁~間博物館點賺錢？哈，其實真係幾似去沖繩o個次o既菠蘿園，參觀完之後有個好大o既紀念品店，有勁多o野俾你試食，你jap jap jap之後，自然會買買買啦~我都買o左柴魚、柴魚麵豉、柴魚零食、tee之類o既東東，滿載而歸~ 閱讀全文
24-6-2009：花蓮day 2(part 1)．漫步太魯閣
瞓醒覺，準備出發咯~今日有豐富o既行程﹗會去太魯閣國家公園同埋七星潭風景區~「望下山，望下海，花蓮旅行…啦啦啦~」睇下民宿老闆為我o地準備o左咩早餐呢？天氣咁好，就出去露台享用呢份早餐啦~
原來係美味o既雞蛋肉鬆青瓜三文治﹗鹹鹹溫熱o既三文治好好味啊~之不過…旁邊o既飲品係…？有一杯係冰茶…另一樽﹗oops﹗係新鮮o既羊奶呀~我未飲過羊奶o架~究竟係俾我o地就咁飲羊奶丫，定係將佢o地變成奶茶呢？﹗唔好理lu，試少少羊奶先…哇，超級大陣羶味丫﹗我o地倒o左少少落去杯凍茶度…都頂得住，諗住唔好浪費，一人一大啖飲埋佢，但我飲過之後都發覺唔係好習慣… 閱讀全文