1-10-2019:home-made生日蛋糕–老公生日快樂

上次母親節day同曉曉合力整咗個朱古力慕絲蛋糕送俾我,今次day生日,我同曉曉點樣同爸爸慶祝時,提到整個生日蛋糕俾佢,問day想要咩蛋糕,因為佢近年不停發福,好多批褲都陸續唔啱著,所以佢既要求係—-唔肥既蛋糕~上網搵下「低脂、低卡」蛋糕食譜,就search到今次整既乳酪蛋糕喇﹗食譜本身係芒果乳酪蛋糕,但靚既芒果可遇不可求,好多時仲要買返嚟放幾日先熟(買既時候唔知究竟係放三日五日定七日囉,可能道行未夠深),我睇,轉藍莓或者士多啤梨應該都ok~呢排啲藍莓又大粒又甜,就藍莓啦﹗結果變成藍莓乳酪芝士蛋糕,day話,點解變成曉曉鍾意既蛋糕既?umum…我真係諗住整俾你食架,唔知點解會發展成咁…

材料都好容易係Taste買齊,Taste搵唔到既魚膠粉呢,上次有用剩咗可以用番~除咗水果主題改動之外,個乳酪由原味改咗做藍莓味乳酪,噢,似乎越嚟越唔瘦了~

我見個蛋糕容易整,打算安排適合既steps俾曉曉幫我手,但估唔到既係,詩詩都好想幫手囉﹗﹗﹗詩話:「我要攪呀~我要攪呀~」兩姐妹仲要爭住幫,搞到我一頭煙~哈哈~要係廚房加熱既部份我就禁止佢哋入嚟,但我一拎任何嘢出嚟佢哋就擁過嚟啦~

大家整碎個餅底,多數用桿麵既木棒,我哋屋企有玩具鎚仔喎,好啱用~好在入咗double膠袋咋,如果唔係一定一地都係餅﹗ 閱讀全文

3-9-2017:Bruno再出擊之烤牛仔骨&自家pancake

買咗Bruno返嚟之後,一直只係用個陶瓷深鍋盤,其他烤盤未出動過,好啦,今次要試下其他嘢啦~其實我一早就預備好(材料)啦~

星期五晚烤咗牛仔骨﹗

早前買落嘅急凍牛仔骨(只係First Choic牌,並非咩名貴靚肉),解凍後用韓式烤牛肉汁醃一醃,就可以用Bruno平烤盤嚟烤啦﹗ 閱讀全文

29-7-2017:潮流末端Bruno第一擊之一鑊熟白汁意粉

之前見到人哋用Bruno其實都有興趣,不過覺得屋企咁多嘢邊有位擺丫,又覺得自己未必好堅持用落去,所以都冇諗住要買~早排行書局時見到一本Bruno嘅食譜,一揭就不得了,愛不釋手,好想自己都整下呢啲美食~同老公講起,佢居然又冇潑我冷水喎--「買囉~」咁⋯我就買咗喇﹗其實對於顏色我都冇乜太大強烈嘅要求,當然有我喜愛嘅粉紅色就梗係好啦,其實其他色靚都ok,不過我唔知點解俾個百老匯sales sell咗我買咗Winnie the Pooh特別版,哈哈~本來明明話買普通家嘛,我又唔係特別鍾意Pooh Pooh~因為想用嚟整各式各樣嘅食物,所以其他烤盤我都一次過配埋lu~

anyway,買咗返到屋企當晚就試機了﹗其實拎啲嘢太多已經冇辦法額外買餸,就住屋企有嘅剩餘物資,決定整個一鑊熟白汁意粉~上網啲人教整一鑊熟嘅白汁意粉,意粉:水:牛奶嘅比例係1:1.5:2,即是100g意粉就用150ml嘅水同埋200ml嘅牛奶嚟煮,除咗跟呢個配方之外我就freestyle啦~洋葱啦、少少蕃茄啦、薯仔啦、蘑菇啦、莎樂美腸,其實最後仲可以加啲芝士,不過後來唔記得咗加~

開始煮lu~因為廚房冇位擺,係廳度煮仲熱鬧~ 閱讀全文

27-7-2017:麵包機自家小餐包

繼上次拎番部麵包機出嚟整pizza餅底之後,今日又再試新嘢﹗家姐話,你唔借部麵包機俾我就直接整包包俾逸逸bb食啦~講得出做得到,今日我哋就整俾逸逸bb啦~我不嬲都覺得之前整嘅方包都唔太好食,好想試下個裝麵包,咁不如試下basic少少嘅小餐包先啦~

今次我跟呢個點煮網嘅食譜(其實都係search麵包機小餐包等嘅關鍵字,再搵個合眼緣嘅食譜嚟整):

http://www.dimcook.com/recipe/b738d88c4c/%E7%89%9B%E6%B2%B9%E9%A4%90%E5%8C%85%EF%BC%88%E9%BA%B5%E5%8C%85%E6%A9%9F%E7%89%88%EF%BC%89

其實做法係好簡單,最需要嘅只係時間同等,不過比起方包快(我指嘅係麵包機全自動programme),頭尾只需要兩個幾三個鐘左右~量晒材料放入麵包機度攪成麵團(~1hr),拎出嚟分成九份放入焗爐再發酵(45min-1hr),塗上蛋汁焗(20-25min),所以都冇乜技功㗎咋~非常適合我呢啲煮嘢食方面一啲都唔仔細嘅人~

初初放入焗爐發酵嘅樣~ 閱讀全文