28-3-2020:美味香甜蕃薯糯米餅

上次買落既糯米粉,整過一次湯圓(請參閱:14-3-2020:甜甜蜜蜜朱古力湯丸),又加咗少少落去個蛋餅粉漿度(請參閱:15-3-2020:台式蛋餅早餐),剩低既糯米粉仲有咩作為呢?

上網利用材料嚟search,搵到一個蕃薯波波既食譜,因為唔太想開油鑊嚟炸嘢,所以就改成煎既~

真係非常簡單,蒸熟蕃薯壓碎成蓉,加糯米粉、麵粉、糖,用水調節粉糰黏度,搓圓壓扁放落去煎,搞掂~自從買咗個德國寶變頻鍋之後,煎嘢食實在太簡單了,一定成功﹗

今餐我哋配咗粟米粥嚟食,yummy~

15-3-2020:台式蛋餅早餐

今次疫情都唔知會持續到幾時,冇得出街食飯,冇得去外地旅行,反而造就咗不停挑戰新菜式﹗先前買落咗麵粉、糯米粉係度,利用材料嚟search下有咩新搞作,發現原來台灣食到既蛋餅早餐原來好容易整咋~

睇咗幾個icook愛料理既食譜,綜合咗之後就整咗個粉漿,主要都係麵粉、少量糯米粉(如果屋企冇應該可以唔落,只係令口感更煙韌)、少量鹽、水嚟撈成~

我用Bruno嚟煎,比較容易控制,首先倒粉漿落去,等佢自然散開成圓形薄餅,大半熟之後反轉,加蛋液,再鋪芝士片,同埋先前蒸熱咗既急凍粟米粒,煎熟咗捲捲捲就食得喇﹗

本來台式蛋餅應該要落葱花,但因為兩隻嘢唔多食葱,屋企恐怕已經有一兩年冇買過葱了(平時即使蒸魚都冇落^^”),感覺係差咗少少~但係食咗個新鮮熱辣既蛋餅,我已經當咗自己去完台灣旅行啦~

自家廚房blog

25-12-2014:自家製作聖誕大餐& sweet sweet聖誕禮物

19-7-2017:麵包機自家Pizza

27-7-2017:麵包機自家小餐包

29-7-2017:潮流末端Bruno第一擊之一鑊熟白汁意粉

3-9-2017:Bruno再出擊之烤牛仔骨&自家pancake

1-10-2019:home-made生日蛋糕–老公生日快樂

6-12-2019:小孩必食懶人南瓜飯

1-2-2020:燕瘦環肥100%自家餃子

14-3-2020:甜甜蜜蜜朱古力湯丸

15-3-2020:台式蛋餅早餐

28-3-2020:美味香甜蕃薯糯米餅

14-3-2020:甜甜蜜蜜朱古力湯丸

停課咁耐,每一日都不停諗下有咩同啲小朋友玩,少出街少外食就成日都想食濃味嘢同埋甜嘢,又要有得玩又要有得食,最好就係屋企整嘢食啦﹗所以停課早期我就買定麵粉呀糯米粉呀呢啲必備材料係屋企,睇下幾時整~

呢一個星期六,夜晚過去婆婆度食飯,不如就整啲甜品一齊分享啦~湯丸其實好耐之前都有搓過,記得嗰陣仲住係華都,曉都未出世,嗰次唔記得用咗蕃薯定南瓜嚟搓啲湯丸,因為冇再放內餡,印象中味道係比較淡,質感係比較實多過軟滑~事格咁多年,今次上網搵定食譜,決定集眾家之大成~

用熱水+糯米粉+少量糖+少量食油嚟整個皮,比例略略參考網上食譜,不過都係靠手感去調整,搓好粉糰就可以包內餡啦,我帶咗片糖同朱古力粒嚟,決定試下朱古力粒啦,其實呢啲係焗曲奇餅或者muffin用既朱古力碎,用嚟包入湯丸都好方便~

原本想叫曉嚟一齊包,佢上次包既餃子都似模似樣,不過呢一日曉冇午睡,狀態不佳,包咗一粒就走咗~結果都係兩母女一齊包,不過係我同我媽既親子活動,哈哈~ 閱讀全文

1-2-2020:燕瘦環肥100%自家餃子

小朋友停課最起碼到三月頭(我估應該唔止停咁短),日日窩係屋企又悶又冇得放電,家長最頭痛,買咗activity book又教佢寫多啲字都消磨唔到幾多時間~我知道,又kill time又開心又實用既,一定係同小朋友一齊煮嘢食,所以到咗星期六放假,可以試下啦~

平時兩隻都鍾意食屋企自己包既餃子,平時我多數係街市買餃子皮,自己整內餡嚟包,星期五嗰日去街市,年初七未有得賣餃子皮,星期六早上去超級市場都搵唔到~把心一橫,即管試下自己搓皮啦,又唔係未試過,20+年前讀中學時家政堂都試過自己搓皮整鍋貼啦,而家又有網絡可以睇食譜,屋企又有廚師機可以幫我出力,應該ok啩?所以買唔到餃子皮,買咗包麵粉嚟代替~

小朋友午睡醒咗就可以開工了﹗用廚師機絞碎急凍梅肉豬扒(今時今日既新鮮豬肉太貴,又儲存得耐),打碎咗紅蘿蔔同雲耳,解凍咗粟米,跟住就預備今次既重頭戲—-餃子皮了~

曉曉幫手絞肉~ 閱讀全文