2-5-2020:熱烘烘墨西哥烤餅

上次姑仔生日,老公親手整咗個紅蘿蔔蛋糕俾佢,本來食譜係要用中筋麵粉+發粉嚟整,但因為疫情關係個個人都留係屋企整嘢食,最近確實好多食材都頻頻缺貨,買唔到發粉,唯有買自發粉嚟代替麵粉+發粉啦~平時我都好少用自發粉,始終自由度冇咁高,用中筋麵粉+發粉話比例有變都可以郁得到,咁剩低未用晒既自發粉用嚟做咩好呢?

好在而家啲食譜網越嚟越進步,可以用材料嚟search食譜,我用icook愛料理嚟search自發粉,就搵到今次既黑西哥烤餅既食譜~

我唔知似唔似真正既墨西哥烤餅,但材料真係好簡單,只需要用自發粉、鹽、油、水嚟搓成麵糰,唔加油直接放係Bruno上面烤到微焦就食得﹗

可能因為新鮮啱啱整起,真係好香,yummy,就咁食其實都好味,但小朋友更加鍾意點茄油嚟食,今日午餐我哋整咗煙三文魚雜果沙律,用嚟配搭一流呀﹗

Comments

comments

發表迴響

你的電子郵件位址並不會被公開。 必要欄位標記為 *