的士一直係highway都好暢順，但返到曼谷鬧市範圍就塞得不得了，明明知道轉個彎就到都坐多咗幾個字，好在坐的士唔貴，如果唔係個錶都一跳一驚心~
好不容易到咗酒店，小朋友可以落地即刻非常開心啦~ 閱讀全文
29-6-2019：曼谷華欣暑假快人一步親子遊day 1(part 2)．酒店開心upgrade、商場遊樂場Central World
回覆
分類彙整: 泰國旅遊blog
29-6-2019：曼谷華欣暑假快人一步親子遊day 1(part 1)．出發lu~Sawadee Ka﹗
因為曉學校暑假放足全個七月同八月，上年N班升K.1暑假我哋都善用呢個六月底七月初去咗韓國旅行(真係唔好意思，個blog只打咗一篇)，希望稍稍避開人潮同埋稍稍平少少，今年都一樣，我哋星期五散學禮星期六就出發啦，利用七一紅日加埋啲星期六、日，爸爸可以請四日放九日，一方面去完旅行番嚟要休養生息一下，二來去泰國唔駛去九日既，所以就定咗星期六到星期六既八日行程~
其實原本諗住呢個假期去日本東北，事緣係fb見到朋友去咗銀山溫泉，靚得不得了，靚到想即刻去，我連旅遊書都買埋~但準備book機票時，日本就爆麻疹，兩個小朋友都未打第二針，冇理由明知有疫情都去嘛，所以趁未買機票就改目的地啦~排除咗最近去過既台灣同韓國，曉已經去過既馬來西亞同埋新加坡，近近地既東南亞地區之中揀咗泰國﹗其中一個重要因素當然係我好掛住泰國既spa啦~
去泰國當然希望住resort同做spa啦，搵行程時發現原來曼谷都有好多親子景點，所以又住下曼谷市區，又去下海邊既度假村~我哋頭兩晚住曼谷，跟住華欣stay三晚，之後再返曼谷兩晚，就完成八日之旅啦~除咗book機票同酒店之外，今次我仲用心良苦咁為曉張羅各種消暑用品，佢由細就特別怕熱，一出熱既戶外就會dur晒，一入冷氣又會醒晒，為免破壞旅行氣氛，我買咗個掛頸風扇同埋一對冰袖俾佢，希望幫到手~
出發前幾日我好唔好彩咁係街市跣親扭到腳，休咗一日病假，之後幾日又食止痛藥又貼膠布又搽藥膏，行路都仲行得勁慢，我都好擔心會影響行程~曉既安慰非常有效：「咁我拖住你行啦~」心都甜晒~行程頭兩三日比較痛要食藥，著波鞋行路就舒服啲，著拖鞋就痛多少少，後尾好啲唔駛食藥添了~
中午飛機，我哋係屋企食完早餐，執好行李都差唔多出門口lu~雖然帶住小朋友要帶多好多嘢，但湊住佢哋根本唔得閒執，執咗落去啲嘢又俾佢哋拎番出嚟，兩隻喼放係地下又阻住行路，而家反而越嚟越遲執行李，結果係執到最後一分鐘囉~
出發﹗ 閱讀全文
19-8-2013：即興曼谷day 4．至高享受Oasis Spa
嚟到最後一日行程，一定要講last but not least，其實呢個係我心目中最重要o既行程，就係去做spa了﹗﹗
之前講過啦，上一次嚟泰國時考完A-level(如果咁啱有而家o既中學生入嚟睇我個blog，就唔知A-level係乜東東了，咪就係類似你哋而家考DSE咁o既公開試囉~)，嗰陣用咗係惠康做咗兩個幾月part-time o既人工，一個月o既人工用嚟買咗部數碼相機，一個月o既人工去咗曼谷旅行，當年仲係趁住SARS完咗啲旅行團好平至去得到(heehee，暴露年齡﹗)，我哋嗰陣去o既曼谷芭提雅6天團團費只係$899咋，當然加埋啲林林總總都要二千幾啦~講咁多唔關事o既做乜？我想講o既係，自己出錢去旅行已經好難得，其實已經冇太多extra錢可以做啲自費項目，我有花o既鉅款除咗加多一個鐘做泰式按摩之外，就係玩咗香蕉船了﹗記得嗰陣團入面有兩位女士參加咗spa o既自費項目，好羨慕﹗我不嬲都鍾意按摩，而且其他spa treatment都好喜歡﹗係香港只能夠趁住團購or其他特殊機會做一至兩項treatment，要好大陣象咁幾個鐘o既spa，真係要去泰國至捨得呢~數做過o既spa，之前都有o既，第一次係去宿霧時，嗰個係按摩+facial+pedicure，都唔係好經典o既項目(請參閱：17-12-2008：海裡水中游)~真正做過spa o既，應該係honeymoon時去Fiji，嗰次有scrub+wrap+massage+facial，個blog我就未寫，完成今個曼谷blog之後我會補寫2011年o既honeymoon trip個blog~另一次係有spa氣氛，去海南島三亞o既Renaissance酒店o既spa，但因為價錢太貴，我哋只做咗夢寐以求o既熱石按摩only(請參閱：1-10-2012：三亞悠閒遊day 2．全程hea@Renaissance)~
我同家姐講，我o既要求係要有好多item，做好多個鐘，乜都有嗰啲~我哋都冇咩特別心得，上網click click click，揀咗呢間Oasis Spa，主要睇佢啲圖片見到環境好靚，而且睇spa menu，啲package有我所期待o既四個鐘treatment樣樣有啲嗰啲，所以就book咗喇﹗﹗
大家可以入佢個website度睇下：
http://www.oasisspa.net/home.php
其實要講做spa之前都要講一講我哋前往spa時o既討厭經歷，我哋做完spa就直接去機場啦嘛，所以我哋帶埋啲喼搭的士出去，由酒店出發搵咗concierge同我哋call的士，職員已經一再交帶司機一定要用跳錶，佢司機起勢咁應承，但架車轉咗個彎，離開咗酒店門口o既視線範圍之後，司機就同我哋講價錢囉，我哋堅持要跳錶，搞到要同佢講跳車佢至肯，結果跳錶o既價錢好似係佢開價o既三分之一左右，唉，我哋見佢哋曼谷時時塞車，生活都艱難，所以俾番多少少tips佢囉，但佢咁樣監人唔用錶真係叫人生氣丫﹗
好喇，嚟到Oasis Spa，要放低憤怒，要平靜心境，好好享受未來呢幾個鐘了，個大堂已經好寛敞舒適，有個泰國版梁烈唯職員接待我哋， 閱讀全文
18-8-2013：即興曼谷day 3(part 3)．年青的Asiatique吃喝買玩夜市場
我哋去到碼頭時好似啱啱miss咗一班船，所以係個碼頭度都等咗幾耐下，我哋坐低休息下、闔下眼瞓、又上下網咁，到上船再出發時天色都開始暗暗地lu~不過唔緊要，我哋今日剩低落嚟o既行程係去行夜市，天黑都唔怕~行程係家姐編的，我對佢完全冇懷疑，家姐揀的一定好，所以我都唔知我要去邊…哈哈~總之佢簡介話我哋要去o既夜市係由舊貨倉改建，我心目中係一個陰陰暗暗o既大室內空間，然後啲攤檔好似會展擺美食展咁乎？後來先知原來呢個叫做Asiatique o既活化夜市係好潮o既東東嚟o架~
開始少少日落，太陽映落去河上面閃閃的更靚呢~ 閱讀全文
18-8-2013．即興曼谷day 3(part 2)．金碧輝煌大皇宮
食飽飽就行過去大皇宮啦﹗大皇宮可以話係今個曼谷trip唯一o既經典景點，因為冇好落力刨旅遊書，所以都冇乜認識，去之前唯一o既印象就係爹媽幾年前嚟曼谷時中咗「大皇宮騙案」o既伏，不過精明o既佢哋雖然進入咗騙案o既行程，但零損失~
當時有人係大皇宮外面同佢哋講今日大皇宮遲啲開放，不如以一個實惠o既價錢載你市內遊啦咁，於是就上咗tuk tuk，確實有去啲景點，但就只係停留一陣，跟住去咗寶石店就留好耐都唔載佢哋走，佢哋不太喜好shopping，逛完就係門外等司機返來，但一直未見有人，後來好似有人同佢哋講唔駛等喇，先自己再截車返去大皇宮~原來呢啲「焗你買嘢手法」到今時今日已經變得好出名，旅遊書都有教你提防呢~我哋今次就算中其他伏都唔會中呢招啦，因為入場時間都晏晏地，要拿拿林係關門之前完成~
沿住大皇宮o既外牆行過去入口，跟住人潮就應該冇錯了~ 閱讀全文