19-8-2013:即興曼谷day 4.至高享受Oasis Spa

嚟到最後一日行程,一定要講last but not least,其實呢個係我心目中最重要o既行程,就係去做spa了﹗﹗

之前講過啦,上一次嚟泰國時考完A-level(如果咁啱有而家o既中學生入嚟睇我個blog,就唔知A-level係乜東東了,咪就係類似你哋而家考DSE咁o既公開試囉~),嗰陣用咗係惠康做咗兩個幾月part-time o既人工,一個月o既人工用嚟買咗部數碼相機,一個月o既人工去咗曼谷旅行,當年仲係趁住SARS完咗啲旅行團好平至去得到(heehee,暴露年齡﹗),我哋嗰陣去o既曼谷芭提雅6天團團費只係$899咋,當然加埋啲林林總總都要二千幾啦~講咁多唔關事o既做乜?我想講o既係,自己出錢去旅行已經好難得,其實已經冇太多extra錢可以做啲自費項目,我有花o既鉅款除咗加多一個鐘做泰式按摩之外,就係玩咗香蕉船了﹗記得嗰陣團入面有兩位女士參加咗spa o既自費項目,好羨慕﹗我不嬲都鍾意按摩,而且其他spa treatment都好喜歡﹗係香港只能夠趁住團購or其他特殊機會做一至兩項treatment,要好大陣象咁幾個鐘o既spa,真係要去泰國至捨得呢~數做過o既spa,之前都有o既,第一次係去宿霧時,嗰個係按摩+facial+pedicure,都唔係好經典o既項目(請參閱:17-12-2008:海裡水中游)~真正做過spa o既,應該係honeymoon時去Fiji,嗰次有scrub+wrap+massage+facial,個blog我就未寫,完成今個曼谷blog之後我會補寫2011年o既honeymoon trip個blog~另一次係有spa氣氛,去海南島三亞o既Renaissance酒店o既spa,但因為價錢太貴,我哋只做咗夢寐以求o既熱石按摩only(請參閱:1-10-2012:三亞悠閒遊day 2.全程hea@Renaissance)~

我同家姐講,我o既要求係要有好多item,做好多個鐘,乜都有嗰啲~我哋都冇咩特別心得,上網click click click,揀咗呢間Oasis Spa,主要睇佢啲圖片見到環境好靚,而且睇spa menu,啲package有我所期待o既四個鐘treatment樣樣有啲嗰啲,所以就book咗喇﹗﹗

大家可以入佢個website度睇下:

http://www.oasisspa.net/home.php

其實要講做spa之前都要講一講我哋前往spa時o既討厭經歷,我哋做完spa就直接去機場啦嘛,所以我哋帶埋啲喼搭的士出去,由酒店出發搵咗concierge同我哋call的士,職員已經一再交帶司機一定要用跳錶,佢司機起勢咁應承,但架車轉咗個彎,離開咗酒店門口o既視線範圍之後,司機就同我哋講價錢囉,我哋堅持要跳錶,搞到要同佢講跳車佢至肯,結果跳錶o既價錢好似係佢開價o既三分之一左右,唉,我哋見佢哋曼谷時時塞車,生活都艱難,所以俾番多少少tips佢囉,但佢咁樣監人唔用錶真係叫人生氣丫﹗CAM00594

好喇,嚟到Oasis Spa,要放低憤怒,要平靜心境,好好享受未來呢幾個鐘了,個大堂已經好寛敞舒適,有個泰國版梁烈唯職員接待我哋, 閱讀全文

18-8-2013.即興曼谷day 3(part 2).金碧輝煌大皇宮

食飽飽就行過去大皇宮啦﹗大皇宮可以話係今個曼谷trip唯一o既經典景點,因為冇好落力刨旅遊書,所以都冇乜認識,去之前唯一o既印象就係爹媽幾年前嚟曼谷時中咗「大皇宮騙案」o既伏,不過精明o既佢哋雖然進入咗騙案o既行程,但零損失~

當時有人係大皇宮外面同佢哋講今日大皇宮遲啲開放,不如以一個實惠o既價錢載你市內遊啦咁,於是就上咗tuk tuk,確實有去啲景點,但就只係停留一陣,跟住去咗寶石店就留好耐都唔載佢哋走,佢哋不太喜好shopping,逛完就係門外等司機返來,但一直未見有人,後來好似有人同佢哋講唔駛等喇,先自己再截車返去大皇宮~原來呢啲「焗你買嘢手法」到今時今日已經變得好出名,旅遊書都有教你提防呢~我哋今次就算中其他伏都唔會中呢招啦,因為入場時間都晏晏地,要拿拿林係關門之前完成~SONY DSC

沿住大皇宮o既外牆行過去入口,跟住人潮就應該冇錯了~ 閱讀全文

18-8-2013:即興曼谷day 3(part 1).Running Man足跡之美食市場

今次旅行雖然只有四日,但都唔想衝行程,我哋兩個都好多年冇去泰國,當然好多地方可以去啦,但旅假都係要relax下o既,除咗去按摩同埋做spa之外,都好想好好享受下酒店o既泳池,我哋決定第三日o既早上就游下水啦~IMG_2331

酒店泳池係大廈o既中層位置,同層仲有gym room添,更衣室內有sauna同蒸氣浴室添~唔知係咪時間問題呢,我哋去時冇其他客人,可以獨霸個(不太大o既)泳池﹗ 閱讀全文

17-8-2013:即興曼谷day 2(part 3).Amphawa水上市場食食食

我哋食飽飽自己o既傑作之後就出發去下一個目的地啦,本來就plan咗要去Amphawa水上市場,我哋曾經討論過要唔要去埋途中o既一個市集,我係電視都睇過介紹,唔知「世界那麼大」定「世界正美麗」嗰啲,話說個市集開係路軌上面,車一到就要四散,讓番條路俾火車行咁喎,聽我哋今次o既導遊家姐講,嗰個市集位於去Amphawa途中,但估唔到上晝個cooking class咁充實,食埋嘢都咁晏,所以見時間咁趕我哋就放棄唔去個市集了~SONY DSC

我哋嚟到小巴總站,買好票就問下職員要上邊架車,但奇o既係啲小巴冇明確站number顯示邊架車目的地去邊幾點鐘開車,我哋認為好基本o既資訊係冇的,售票處職員只叫我哋坐係長椅等,但有啲不安呢,因為啲車好似都幾疏下,miss咗一班等好耐點算?由精明o既家姐去查探一下,似乎係最早開嗰班full咗,我哋已被安排搭下一班o架喇~anyway,我哋結果都上咗正確o既車~ 閱讀全文

17-8-2013:即興曼谷day 2(part 2).學做泰廚之實戰篇

我哋逛完市場,跟兩位導師搭番BTS返去廚藝學校,被領到上去最頂嗰層,我哋網上預約o既group要先交學費,跟住就入去課室啦,我哋o既靚仔廚藝老師Nut已經等緊我哋啦~SONY DSC

課室分兩邊,一邊就係以上o既示範室,老師用o既工作枱、爐灶都一應俱全,我坐緊嗰度有成三四排椅,一班廿幾個學生就坐係度聽課﹗我哋o既上午課程有四道菜,形式上都係逐道菜先睇老師示範再過去實習,所以都來來回回兩邊走咗幾次~大家領取咗禮物包就紛紛坐低了,禮物包有咩? 閱讀全文