遊輪旅遊blog

遊輪之旅.7-6-2019~9-6-2019.世界夢號海上假期

7-6-2019:世界夢號家族海上假期day 1(part 1).提早10小時的準備

 

遊輪之旅.20-6-2010~25-6-2010.香港.越南下龍灣.會安.海南島三亞

20-2-2010:海洋神話號day 1.上船囉~

21-2-2010:海洋神話號day 2.at sea (part 1)

21-2-2010:海洋神話號day 2.at sea (part 2)

22-2-2010:海洋神話號day 3.越南下龍灣坐船仔篇

22-2-2010:海洋神話號day 3.下龍市內越南生活

23-2-2010:海洋神話號day 4.越南小鎮會安

24-2-2010:海洋神話號day 5.再訪海南島三亞.郵輪say goodbye

25-2-2010:海洋神話號day 6.暖暖早晨@維多利亞港

7-6-2019:世界夢號家族海上假期day 1(part 1).提早10小時的準備

本來菊姨未約大家一齊去呢隻船既三日兩夜海上假期之前,我其實都有留意過呢隻船,諗過去,但上郵輪網站話bb唔可以著游水尿片入泳池,我就打算等詩詩戒埋片片先去郵輪啦~後來菊姨邀請大家一齊去,咁多人咁開心,即使唔游水都好玩既,咁就即刻舉手報名~菊姨幫我哋同郵輪公司確認,話bb可以落水,咁就更高興了~既然去三日兩夜唔算太貴,試下住下未住過既露台房啦,好期待呀~

因為傍晚先上船,適逢上船呢日係端午節假期,為咗令個旅行睇落長啲,我有研究過要唔要早少少帶埋啲行李出去玩,之後發現,郵輪碼頭冇得寄存行李,加上曉都係瞓一個好啲既晏覺,儲備充足精力先上船好啲,所以決定午睡後先由屋企出發~為咗要令曉及早入睡,一定要係屋企食飯,為咗逼自己一定要係屋企煮飯,我提早一咗舊叉燒等自己炒飯,為咗放晒兩隻嘢啲電,我哋安排上晝一定要有活動~所以午睡大作戰就由早上開始了,我哋去咗市鎮公園玩沙+玩水,咁就肯定可以放晒啲電啦~呵呵呵~

先玩沙… 閱讀全文

25-2-2010:海洋神話號day 6.暖暖早晨@維多利亞港

其實基本上最後一日都只係一個朝頭早,食完早餐,馬上就要落船lu,因為已經番到嚟香港lu~

我哋去Romeo and Juliet餐廳食最後一個早餐~

平時都好少覺得呢個落地大玻璃咁正呢,因為茫茫o既大海,四面八方都只係海﹗但香港嘛,維多利亞港o既景色就非常豐富,又充滿親切感,不由得令人擰下個頭,周圍望下,認下啲地方﹗ 閱讀全文

24-2-2010:海洋神話號day 5.再訪海南島三亞.郵輪say goodbye

又可以以一個旁觀者o既角度去影番海洋神話號,意思即是我哋個人又離開隻船了~我哋嚟到上岸最後一個port,係舊年有嚟過o既海南島三亞~我同爹媽就嚟玩過四日,不過家姐姐夫婆婆菊姨大姨佢哋就未嚟過~我哋其實一早就係船上book好上岸o既tour,打算去我哋三個都未去過o既南山佛教景區逛逛,呢個係國家5A級景點嚟o架,上次o既4A大小洞天都唔錯lu喎,南山應該更有看頭,又有海邊宏偉o既超大觀音象呢~

不過好可惜嘛,都唔知搞乜鬼,過關啲procedure搞得勁慢,比起原定上岸o既時間遲咗好多﹗郵輪職員話,南山tour去唔切了,大家可以選擇退部份$$改去三亞city tour,或者退晒全部$$乜都唔參加都可以~我哋見city tour不太吸引,而我哋又對呢個地方「熟熟地」,所以決定唔跟了~ 閱讀全文

23-2-2010:海洋神話號day 4.越南小鎮會安

去咗下龍灣玩咗一日之後,上船休息一晚,第二日又抵達另一個越南港口lu~今次落船o既港口叫峴港,因為峴港係一個偏遠o既地方,大家可以join唔同o既郵輪搞o既tour去唔同目的地遊覽,我哋就決定去會安,感受一下小鎮風情~

因為上岸o既時間比較晏,所以早上我哋都仲有好多時間係船上享受一下先呀~我哋去咗Romeo and Juilet餐廳,慢慢嘆咗個早餐~

環境好啲﹗氣氛好啲﹗比起上去Windjammer更有情調呢~

帶咗嚟…佢只有一次出場機會﹗ 閱讀全文