游完水各自返到自己既艙房休息、梳洗,但距離約定既午餐時間只有一個鐘頭多啲啲,曉要瞓一覺又好似太少,所以我哋索性冇瞓覺lu~哇,原來有得點播電影呀﹗我哋揀咗之前去戲院睇過既卡通片「Sing」,講既係一班平凡小動物變成舞台歌舞巨星既故事,入面好多好聽既歌,精彩豐富既畫面,搞笑既場面~不過印象中好似冇粵語配音,所以要不停解釋俾曉聽劇情講緊乜,但到唱歌跳舞時就冇晒語言障礙,人人都可以投入喇~一家人窩係張梳化上面一齊睇戲其實都好幸福丫~
夠鐘我哋就去約定既星夢餐廳集合,點知…話成個午市已經full晒﹗﹗吓?等位既機會都唔俾呀?因為缺少船上彼此既聯絡方法,所以唯有派部份人去其他餐廳張羅,部份人留係原位等未到既人,去咗其他餐廳搵位既人有咩消息又要靠一對腳去番原本既地方,搭郵輪搭成咁真係慘~記得之前去海洋神話號嗰次,基本上去到免費餐廳都一定有得食,晚餐分開兩個時段,仲一定會留咗位俾你添~今次想食個飯都有啲狼狽~後來知道原來下一層既星夢餐廳仲有位(點解唔同層既餐廳要改同一個名咁混亂),但都要等一陣,原先我哋打算去既上面星夢餐廳食中式套餐,而下面星夢餐廳就食自助餐,乜都好啦,有得食就好啦(點解坐郵輪食餐飯都咁可憐?)~
原來食個飯都要睇notice,要避開peak hours先有得食~慘~
職員安排座位都亂糟糟,搞一輪總算安頓落嚟,大人+小朋友12人坐埋同一張枱,逼少少但可以一齊坐都好既~跟住就係出去拎嘢食,小朋友都攰想瞓覺,好在有啲薯條、pizza、漢堡包、蕃茄仔呢啲受小朋友歡迎既食物,媽媽都冇咁辛苦~我唔記得邊樣食物特別好味唔好味lu,印象中好似有啲湯幾好飲,開頭要顧住啲小朋友,由day代表出去拎食物,總之拎咗咩就放咩入口咁上下啦~
食飽飽我哋一齊決定埋晚餐既booking時間,大家大共識希望試一次付費餐廳,決定去可以睇到無敵海景既戶外火鍋餐廳,book好枱就各自活動了,我同家姐都趕住分別帶曉同逸返房午睡啦~
因為詩詩游完水時瞓咗啦嘛,所以而家仲係精力充沛,為咗俾曉有個寧靜既環境瞓覺,就由day帶住詩出去行下先,我叫day隔一段時間之後自動返嚟,就可以換佢返嚟瞓覺,等我繼續帶詩去周圍走啦~曉攰到咁,當然好快瞓著啦,我陪瞓成功,任務完成﹗
以下為爸爸同詩詩既約會:
睇風景
打乒乓波
玩西洋棋
兒童繩網
我同詩出動時又去explore下之前未去過既設施,睇下攀石、繩網、滑水梯等等…等你哋大個啲啦,你哋大個啲…媽媽全部都好想玩呀﹗﹗﹗細膽曉未必會陪我玩,詩,我指望你了~
郵輪啱啱搞緊個日本祭,周圍有啲日本主題既活動,又有免費和服體驗,我哋冇特別去join,剛巧碰到有個祭典活動~
許願用既牌
個海好靚呀~
媽媽自己好想玩既滑水梯,但唔知我越嚟越老會唔會越嚟越細膽,可能第時有得俾我玩都唔敢玩了~
攀石—-上次去海洋神話號都有玩呀~
啱晒爸爸既射箭,爸爸讀科大時有學過嘛~
繩網
真正玩既話要上到去咁高,都咪話唔驚~
隨意走走
再一齊歎個簡單tea
jap jap jap~
我哋返房,家姐都未瞓醒~
為咗阻隔詩詩既聲浪,我同詩詩係露台聽歌,消磨時間~
家姐醒咗,又到詩詩差唔多要瞓多一覺,咁我哋睇埋套戲,詩詩奶奶瞓多一覺啦~
待續
前往其他遊輪旅遊blog