25-2-2010:海洋神話號day 6.暖暖早晨@維多利亞港

其實基本上最後一日都只係一個朝頭早,食完早餐,馬上就要落船lu,因為已經番到嚟香港lu~

我哋去Romeo and Juliet餐廳食最後一個早餐~

平時都好少覺得呢個落地大玻璃咁正呢,因為茫茫o既大海,四面八方都只係海﹗但香港嘛,維多利亞港o既景色就非常豐富,又充滿親切感,不由得令人擰下個頭,周圍望下,認下啲地方﹗

由港島南區進入香港水域,目的地係尖沙咀海運大廈o既郵輪碼頭﹗你睇﹗我spot到港大醫學院出嚟呀~唔係對佢有番咁上下熟悉,都唔能夠係芸芸building之中搵佢出嚟~heehee~

最後一個早餐,我食咗水果platter~

同埋omelette、薯餅﹗

食飽飽,我哋就走上甲板睇下風景,吹下海風,影下相~

海面o既船隻都非常多~

中環上環區﹗

到達尖沙咀lu~

check-out找數時有少少不快o既經歷,話說check-in時可以選擇以美金結算或者用船公司o既匯率兌換至港幣後結算,我因為有citibank嗰張premier miles信用咭嘛,梗係想用海外簽賬有雙倍積分啦,而且佢個rate又唔好喎,都差唔少錢o架,但佢搞錯咗用咗港幣同我結算,同佢理論嘛,個中國藉o既服務生不但非常唔helpful,推說話呢一刻處理唔到,首先游說我放棄,就咁港幣結算就算數,後來居然叫我自己call去美國總公司o既customer service,仲黑埋面﹗結果我哋堅持嘛,最後佢咪又係即場搞得掂~對於呢個有少少失望囉~其實做邊行都係o架啦,有嘢處理唔到就要call大佬o架啦,唔可以推番個責任俾個客度…

落船都花咗唔少時間排隊呀~好在婆婆都有個位置坐下,我哋排就好了~

番到香港啦~幾時又再去下個旅行呢?呵呵~

————————————————————————————————
郵輪旅行小貼士:

*船上有好多活動,最好留意定時間表,按有興趣o既去參加~

*咁多間餐廳,盡可能試下唔同食物啦,一場嚟到~亞洲航線都有供應亞洲食品,唔怕食唔慣,但因為係美國公司,食物質素都係西方食物較好~

*因為係亞洲航線,所以服務生都有唔少來自亞洲,會講普通話o既都唔少,佢哋胸前掛住襟章,顯示可以用咩語言同佢哋溝通﹗

*挑選你喜愛o既港口,事先編定行程,or參加船o既guided tour,guided tour一般會比較貴,不過好在就係唔駛煩,佢帶到你去,又有導遊講解~

*船上消費用信用卡結賬,現金只需要帶上岸用o既零錢就ok~

*日用品最好都自己帶上船啦,我哋以為好似酒店咁,即使你肯俾錢都冇用,船上o既商場都唔係乜都有得賣~結果姐夫冇牙刷用…我又去到越南至買到護髮素~

…等我諗到再加上去啦﹗:)

前往其他遊輪旅遊blog

Comments

comments

在《25-2-2010:海洋神話號day 6.暖暖早晨@維多利亞港》中有 2 則留言

  1. 雖然離船前有點不愉快經驗,但花點時間去處理仍是必要的。其實大家都上了一課,那名中國籍職員也可見識一下,不是所有中國人都是「差不多先生」,事實上帳單入數時因疏忽而出錯,也不是他個人的問題,客人堅持要改正,他應該直接處理就是了,要客人打電話到總公司,分明是不合作,叫客人知難而退。我們據理力爭,不動氣,不退縮,最終也取回公道。
    [版主回覆08/19/2010 11:24:00]replied

  2. Re爹爹: 佢都經一事長一智吧,原來有啲客人係的確咁堅持的﹗同埋,世上無難事,只怕有心人丫,佢最後咪又係解決到~ 我嘛,唔係存心找麻煩,搞番掂我就好高興了~

發表迴響

你的電子郵件位址並不會被公開。 必要欄位標記為 *