之前有寫過關於孕婦瑜伽嘅blog啦(請參閱：3-12-2014：懷孕扎記19w4d．孕婦瑜伽@香港瑜伽舍)，原來我都上咗11堂了～其實早前老師都講過有得五六個月都可以開始上分娩球班，只係偏偏weekdays之中分娩球班就係星期二、五，正正係我上班嘅日子，放咗工又累、星期六又想留係屋企陪老公，所以一直都未行動～
直至今嚟到30w3d，我終於踏出第一步了，事緣適逢農曆新年，平時星期三上開瑜人伽班嘅我哋，因為老師放假，要連續兩個星期冇星期三嘅堂，老師就建議不如嚟試下分娩球班啦，我都唔想咁多日冇得做運動，反正我都想上嘅，就試下啦～星期二嘅分娩球班17:50開始，我放工過嚟都唔算太趕，嚟到仲可以透順條氣至開始～
其實都好適應Miss Lee嘅課堂，話晒之前都跟佢上瑜伽咁多堂～雖然以前未preg都有自己練下fitball，但做嘅係toning嘅動作多啲，stretching嘅少啲～加上而家多咗個大肚，又少少緊張自己企得唔穩會跌親阿B，所以第一堂嚟講唔能夠太relax咁去上，反而覺得累啲、muscle仲緊咗添～我諗上多一兩堂會習慣啲個感覺就可以放鬆啲，好好enjoy啦～
首先係啲basic嘅動作，坐係波波上面上下上下郁動啦，坐住波波打圈郁條腰啦，左右左右、前後前後啦～warm up過之後多少少有難度嘅動作，其中一個鐘之中重覆幾次嘅一個stretching都算係重點項目，我哋坐係波波度慢慢向前行讓波波貼係背，跟住躺係波上面，慢慢再伸長對腳，咁個身就伸長晒extend係波上面，對於腰背容易疲倦嘅孕婦嚟講係好好嘅伸展～係地面再做各種其他動作之後，我哋移司到牆邊，背貼住波波、波波貼住牆再做一系列動作～一個鐘嘅課堂非常充實﹗
慢慢接緊生產日子，希望身體預備得好啲去迎接啦，做多啲運動fit啲，柔韌性好啲、體力好啲對於生BB都有幫助吧～希望可以keep到一星期一堂瑜伽、一堂fitball班到生得嗰陣啦～
各位準媽媽參加呢啲班時，其中一樣關心嘅都係收費嗰啲，我覺得香港瑜伽舍好嘅係收費明碼實價，係網站全部列明，而且仲可以俾錢試堂添，大家不妨試下，睇下啱唔啱自己～
香港瑜伽舍網頁：
前往其他懷孕扎記blog