18-2-2015:送馬迎羊之逛年宵、食湯圓團圓

今年早係年廿五時行過一次荃灣嘅年宵市場,嗰日年宵市場啱啱開幕,同事話不如食完lunch去行一趟,所以毫無預兆之下就去行咗一圈,不過好多檔口都準備完成,而且下晝要繼續工作,大家都冇收獲~年三十晚食完團年飯,不如都去行一行屯門年宵市場啦~

我哋由屋企沿住屯門市鎮公園河邊再過河到對岸,抵達天后廟前嘅年宵市場~年三十晚果然係年三十晚,人超級多,為咗保護30週嘅肚子,我哋採取「火車頭式」嘅動作前進,即是老公行前面,我搭住佢膊頭行後面~人太多令興緻減少,我哋行濕貨行咗兩條街,買到花之後,決定行乾貨一條街就返屋企了,頂唔順丫~下年都係要趁人冇咁多嘅時間來~螢幕快照 2015-02-20 下午6.39.40

今年我哋買咗一盆蘭花,結婚三年幾我哋今年一齊經歷第四個農曆新年了,第一年買咗菊花,第二第三年都係水仙﹗其實老公最想買水仙,不過見好多水仙都未開花,感覺唔太應節,而其他花嘛,見到啲百合麻麻地靚,劍蘭的話我哋屋企個花樽唔夠高又support唔到,桃花我年年都想買㗎啦,不過大嘅又唔捨得,散散地細細束嗰啲又唔靚,結果呢盆$100嘅蘭花吸引咗我哋,雖然平時花墟買可能只需要$30,但以過年嚟講$100買花都ok啦,而且檔主話可以擺兩三個月喎,花謝晒之後剪走佢繼續養住啲葉,仲可以期待下年會唔會再標新芽出來~另外仲買咗雪寶氣球(我同家姐都係千尋睇Frozen,所以不約而同都叫佢做雪寶,今次行花市見大家推銷叫賣先知道香港譯名叫做小白,哈哈,變mainland添~),今年佢真係hit爆呀,咁又係嘅,Frozen咁hit,但Elsa同Anna似乎只會吸引到小女孩,但Olaf就大人小朋友都會咁鍾意佢,鍾意夏天嘅雪人喎,so cute~~

螢幕快照 2015-02-20 下午6.39.48

不過唔知係咪我個雪寶氣球係不良品,氦氣之中滲咗空氣乎?好似唔係好飄起咁嘅?當人哋嗰啲氣球甩咗手會飄走嘅時候,我感覺即使我放手佢都只會跌係我腳旁?﹗所以係人多嘅時候我要抱住佢行instead of炫燿飄起嘅氣球囉~

螢幕快照 2015-02-20 下午6.39.54

後尾入到商場冇乜風好似好少少,識得飄起了﹗yeah~

螢幕快照 2015-02-20 下午6.39.57

年三十晚兩夫妻團團圓圓當然要食下湯圓啦,不過仲好飽丫,share啦,解決任何問題~

Comments

comments

在《18-2-2015:送馬迎羊之逛年宵、食湯圓團圓》中有 2 則留言

發表迴響

你的電子郵件位址並不會被公開。 必要欄位標記為 *