11-11-2007:渡假@蛇口青青世界 day 2

繼續第二日o既行程﹗

晨早我間房露台幫出去o既景色,有個小山坡,有綠綠o既樹木咁啦~望下都叫人心曠神怡~

package包括自助中式早餐,有生滾粥添呀﹗另外有有D包點、豆漿、水果…睇下D粥滾得幾澎湃﹗

食早餐o既「田園餐廳」附近望到一棵大木瓜樹﹗D果多得好誇張﹗﹗﹗媽就咁數o左眼見o既都有48粒木瓜~哇~兒孫滿堂呀﹗我叫家姐要拜下呢棵多仔樹呀~呵呵~早生貴子、早生貴子﹗

之後我o地出發行行山,只係短短o既40分鐘路程咋~由香草園出發,沿途有好幾個景點可以影下相~

其中係呢條靚靚o既橋呢~唔記得o左叫咩名添~

難得影到的四人合照﹗可惜背光呢,影得人o黎又影唔到景添~

由山上面望落去,紅色頂o既就係我o地住o既酒店了,你睇,俾好多樹木圍住o架~近山邊少少o既有D木屋o既屋頂,其實呢D木屋仲貴呀,因為係樹林之中夠舒服丫嘛~

之後爺嫲join埋我o地去參觀青青世界o既大熱景點「熱帶雨林」,人造o既熱帶雨林展示o左D參天古木(有真有假吧)、動物、魚類、仲有恐龍模型﹗沿途煙霧彌漫,好有探險氣氛,有一段路仲會落雨添呀,要擔遮擋雨﹗

恐龍~

係樹木之間透入o黎o既太陽光好靚呢~

莫非呢隻雀姓「薛」乎?﹗

探險完畢,到達終點lu~yeah~

完成熱帶雨林之旅,青青世界o既悠閒渡假兩日遊就差不多結束啦,我o地搭專巴出去深圳灣口岸就番屋企lu~要番去好好休息一下

夜晚仲有節目呢~阿姨們舅父們約o左今晚一齊去三聖食海鮮,o黎個突如其來o既家庭聚會,大吃大喝一番,又吱吱喳喳一番,係我婆呢邊呢,大家傾計都要大叫o架,如果唔係就冇發言權了﹗今日先知道,原來我又有另一個表弟想讀醫呢(之前不嬲有一個都話想讀)~如果佢o地兩個都讀得成,咁我o地家族入面咪有好多個醫生乎?﹗有趣有趣﹗

番到去搞呢樣搞o個樣,又睇電視,好夜先瞓到lu~

前往其他中國旅遊blog

Comments

comments

在《11-11-2007:渡假@蛇口青青世界 day 2》中有 4 則留言

  1. 48粒木瓜真的很多bor!~ 唔… 大家好似不太有神呢?! 但隻燕的兩眼之間沒有痣吧!!!~

  2. Re day:
    是啊﹗但實際上o既數目起碼係double,因為我o地只係望到一邊之嘛~
    未瞓醒﹗一早起身就上山去丫嘛~
    heehee~佢長大少少粒痣就會出來吧﹗

  3. Re uHnsUi:
    因為我只係帶o左o個條裙去之嘛~所以都冇辦法﹗好在都冇乜蚊蚊﹗
    睇下佢o地到時係咪真係讀啦~讀醫係好辛苦,但一家人入面咁多人讀又好似好高興咁~

發表迴響

你的電子郵件位址並不會被公開。 必要欄位標記為 *