我個speclerk組都係第一次搞大型活動咋，估唔到第一次搞就係接近speclerk尾聲先o黎搞~今次我o地去梅窩宿營，兩日一夜﹗不過唔係好多同學仔可以朝早一齊集合出發咋，最初只有我o地10個人先去梅窩報到~我o地係中環集合之後就坐高速船入去梅窩lu~

第一站先去食個lunch先~係碼頭旁邊就有個熟食中心了，我o地揀o左一間有海景座位o既大排檔，打算叫D海鮮呀小菜呀食咁~個景幾靚~

結果叫o左個好抵食o既餐﹗$388就有七餸一湯，可以8至10人食lu~當中仲有幾味係海鮮添~先上菜o既係椒鹽瀨尿蝦同埋椒鹽九肚魚(點解兩樣都係椒鹽o既？其實個九肚魚唔係個餐入面，只不過餐入面個蒸雞今日冇，所以叫我o地揀過另一個小菜代替o者~)，好靚好澎湃吧﹗我學識o左食瀨尿蝦o既正確方法，而家有把握唔會咬到D肉爛晒mix埋D殼度了，可以充份感受瀨尿蝦o既美味~多謝joe~

食到飽飽之後，我o地就去supermarket買夜晚燒o野食o既東東，行入去渡假屋啦~間渡假屋都幾好喎，多謝steven﹗我o地個單位係二樓連天台，個flat有兩間房，個廳就好大好闊落，好適合人多多玩集體遊戲~

稍為休息一下就出去沙灘玩咯~原來打算戶外game有好多，踩單車呀、行山呀甚麼的，點知一個波就解決o左我o地成個下晝了，數字球、正宗o既排球、閃避球…另外又玩下其他mass game…大家平時太過sedentary lifestyle了，難得可以係大自然跑跑跳跳﹗

冇錯﹗我o地係沙灘度玩到天黑﹗哈，真係好誇張~

之後係天台燒o野食啦，除o左一般o既腸、丸、肉類、蕃薯、粟米o個D之外，今日有新嘗試，有由trevor製作o既烤香蕉朱古力，將香蕉劏開一半，放D一片片o既朱古力係中間，然後用錫紙將原條香蕉連皮包好，好似煨蕃薯咁放條香蕉係炭火旁邊，大概10分鐘就可以拎出o黎，烤到熱熱軟軟o既香蕉，混和埋熔o左o既朱古力，兩者實在非常匹配﹗

夜晚係渡假屋活動當然係入camp o既重頭戲啦，首先大家分開兩堆，有D打下牌，有D玩下board game(多謝alvin帶o左酒店大亨入o黎~)，有D玩下UNO之類…joe早排跟埋D freshmen入o左astron club o既O’camp嘛，學o左唔少新遊戲，其中一個就係相入面呢個了，我o地係旁邊睇就好搞笑，其實玩法同一般o既「呯、嘭、哇」差唔多，但懲罰就係要俾枕頭打，有兩個情況要受罰，一係就玩game輸o左，一係就笑o左出聲，佢o地成個game都要非常嚴肅+寧靜o架，好好笑~

入camp當然唔少得打下牌啦，相入面o既四個參賽者都係今次入camp學打牌o架，開頭o既景像搞笑D，佢o地每人一個private tutor，我o地D本身識打o既坐係佢o地隔離作私人指導，但而家呢個stage似乎已經學滿師，可以自己打啦~

之後仲玩o左D mass game添，其中一個好正o既係類似「紅綠燈」o既game，但我o地o既task唔係淨係要去到終點，而係要偷一個放係終點o既水樽，暗地裏帶番去起點，捉o個個每次擰個頭過o黎時，都可以估下個水樽係邊個手上，估中了佢就贏，估錯了我o地就繼續偷運，直至番到去起點，玩o左好多次先成功到呀~好好玩~

大概五點幾鐘大家都去瞓了~

Comments

comments