繼續第二日o既行程﹗

晨早我間房露台幫出去o既景色，有個小山坡，有綠綠o既樹木咁啦~望下都叫人心曠神怡~ 閱讀全文 →

都好耐冇同埋爺嫲一齊出外旅行了，佢o地年紀大了，體力冇以前咁好，兩日一夜o既行程可以應付到o既﹗所以今日我o地一家六口一齊去深圳蛇口o既青青世界(evergreen resort)渡假，青青世界同深圳灣口岸好近，所以我o地搭經西部通道o既巴士去過關就最o岩了﹗

由屯門市中心開出o既城巴B3X只需要15分鐘就去到深圳邊境了﹗經過西部通道真係好爽呢，又快又舒服﹗過關仲好少人添~零排隊﹗ 閱讀全文 →

首先祝我遠在美國o既老友康熊貓珊珊生日快樂先~~~~~~~

今日有好節目，約o左angela同connie去深圳o既「歡樂谷」玩呀，原本應該連埋dor先算齊齊整整的，可惜佢今日有事唔得閒啦，下次有時間我o地再一齊plan去第二度﹗

要全力玩﹗所以約o左9:00am係上水集合~路程都好順利呀~其實去歡樂谷都幾簡單，係羅湖過關之後答地鐵一線，搭到尾就到lu~

我o地搭14個站就去到「世界之窗」站了，睇個名都知，o個度除o左有歡樂谷之外，仲有其他景點，分別係錦繡中華、中華文俗文化村同埋世界之窗，呢D我細個D時同屋企人去過，不過都咁耐咯，再去下都好﹗ 閱讀全文 →

記住scroll落去睇補寫o既23-5-2007 diary呀~

佛誕o既公眾假期﹗咁好~一家人出去玩下先~今日節目豐富呀，上晝一家四口去o左深圳玩，黃昏左右番到o黎香港，仲約o左中學時學生會o既舊莊友聚聚去唱K﹗好高興呢~

我o地大概九點幾十點出發吧，一路上去深圳o既車程都好順利，去到深圳要搵220號公車(好搞笑，D巴士分「冷巴」同埋「普巴」…我鍾意個名﹗哈~)，因為我o地o既目的地係「仙湖植物公園」，去睇下D湖光山色，親親大自然﹗

車程上，睇下家姐做緊乜？縫縫縫﹗佢近年最大o既興趣之一，就係整十字繡﹗佢而家用絹布繡呢個花花，話係用o黎結婚時做放戒指個小枕頭o架~ 閱讀全文 →