度假村嘅spa位於離酒店房嘅Garden Wing同Ocean Wing有啲距離嘅golf club，Google map話要行十幾分鐘，我都係預多啲時間好啲，免得遲到會蝕咗歎嘅時間，點知做完treatment返嚟時先知有車接送^^”~平時行慣路嘛，屯門區內移動多數都靠對腳~

自己出發去做spa~

條路唔算太遠，確實係有啲曬~

預約spa treatment時我都苦惱咗一陣點揀好，本來想做好長好多item嗰啲package，因為太懷念上次同家姐去曼谷嗰次(請參閱：19-8-2013：即興曼谷day 4．至高享受Oasis Spa)，隔咁多年都咁深刻~但用個網上系統預約時，估計係按treatment長度、人手、房嘅availability之類自助sort出可以選擇嘅時段，但長spa的話啲時間全部都唔靚，我手動揀下唔同combination試下，最後決定做body scrub (60min) + express refresher facial (30min) + hot oil hair and scalp treatment (facial時同時做)，唔好離開三父女咁耐，冇咁有罪惡感~哈哈~

做spa當然係舒服到瞓著啦，做完scrub皮膚滑一滑成個人refresh晒﹗個hot oil hair and scalp treatment感覺就係倒啲熱油係頭髮上面，有幾潤我都唔知，不過佢recommend要keep啲油越耐越好，咁我唯有keep到夜晚沖涼先洗走佢啦~

所以呢一日稍後嘅相片全部都係肥淋淋頭，要提自己唔好用手摸個頭，如果唔係又要用梘洗手先得~

我哋睇下三父女係呢段時間做咗啲乜~

度假村嘅兒童俱樂部

迷你足球機，仲細過屋企嗰部~

有戶外嘅遊樂場呢，好熱丫~

可能因為太熱，冇乜其他小朋友係外面玩~

平時去屯門公園打鞦韆要排長龍，呢度唔駛爭~

呢個小繩網我後來有同佢哋再玩多次呀~

yeah~

爸爸幫佢哋影咗好多靚相呢~

砌lego

畫畫畫

冇力了吧？

做完treatment我坐番shuttle返Garden Wing lobby，同三父女會合，發現有個檔口幫人畫手，之前去Mari Mari文化村錯過咗畫henna嘅機會，今次好想畫呀﹗記得當年去印度時第一次體驗(請參閱：11-5-2008：udaipur的庭園與文化)，嗰陣襯埋成套印度傳統服裝好靚，今次都想俾兩個女試下~我就叫佢哋過來會合~

詩通常義無反顧，乜都想試下，曉就比較深思熟慮，個叔叔話圖案會keep到一個星期左右，佢擔心畫咗會影響返學著校服，所以有啲猶豫~傳統henna係畫係手背至前臂位置，但個叔叔提議小朋友唔一定要畫呢啲圖案，可以畫下其他，所以結果兩姐妹一人一隻蝴蝶，曉唔想返學露出嚟嘛，就畫係手臂啦，詩冇乜所謂，畫咗係手腕位置，我揀咗傳統款，畫係手背~

叔叔好犀利，唔駛對住圖樣嚟畫，直接落筆，應該係直接落唧，好快，一隻bling bling蝴蝶就出現了~

詩詩畫手腕

同家姐嗰隻又有少少唔同架~

佢結果都唔係跟住我揀嘅圖樣畫^^”，只係跟嗰種風格而已~

返房時喜孜孜地討論大家嘅圖案，我哋話我哋三個要保持距離呀，唔好咁近，唔係花咗就太可惜了~

果然真係keep一星期左右，我印象中嗰陣印度嗰啲好似耐過一星期架，唔通材料唔同？定係耐得滯記錯咗？我返工時露咗啲圖案出嚟，「識貨」嘅patient就會知道我去旅行畫咗手，應該唔會有啲新patient覺得我「紋身」而影響印象啩？

前往其他馬來西亞旅遊blog

Comments

comments