母親節快樂﹗我都由遙遠o既印度打電話俾媽媽啦,你又點樣同媽媽慶祝呢?
第一次著印度衫露面﹗大家感覺如何呢?
平平酒店雖然冇冷氣,但都瞓得ok o既~而且服務非常殷勤~佢o地晨早就拍門問下男生們要唔要早餐了,所以我o地先係酒店食早餐,再出門口~我要o左butter
toast同埋coffee~都幾好味呀﹗而且感覺好悠閒,好舒服~
搭auto rickshaw出發去第一站「侍女的光榮花園」,呢個庭園係被喻為全印度數一數二靚o既庭園o黎o架~雖然入場費只係Rs5(~HK$1),但本本旅遊書都有介紹~地方唔大,但景色、陳設果然唔錯﹗而且仲有盛放o既花添,同我套衫襯到絕呀~另外又有個荷花池,荷花都盛開~
Saheliyon-Ki-Bari with the girls~ postcard background!!
Saheliyon-Ki-Bari with stanley!!~ 盛放o既花花
Saheliyon-Ki-Bari with lotus flowers
仲有荷花池添呀~
之後我o地打算出番去食lunch、行bazaar~係一間veg餐廳叫o左D小食,我食o左onion uttapam(記得uttapam係咩嗎?我都提過好幾次o架~),點解要食小食唔食正餐?因為如果食正餐就只有thali(套餐),咁D食物就會好辣啦~冇得special request佢煮得唔辣o羅~
bazaar呢?bazaar呢?點解稱為babo bazaar呢條街咁少鋪頭開門o既?﹗餐廳老闆話,星期日有好多鋪頭都唔開,即使係開都係開到下晝兩點幾咋~oh no no(真係同中國人唔同,星期日D人放假出o黎行街先至商機處處丫嘛~)~冇o野睇,唯有…改行程﹗
係條街度睇D單張,好啦,就去決定去一個民族文化小型博物館,o個度特別之處係有得睇puppet show,rajasthan省D木偶戲係好出名o架~果然好有趣,D木偶o既pat pat跳舞時可以擺動得好有動感,好真實﹗睇到我o地笑瞇眯呢~我o地睇o既只係小型show咋,每晚六點鐘有個special show添~應該會精彩得多﹗
之後差唔多時間可以去bagore-ki-haveli(巴勾奇哈維尼宅第)了,呢度係以前官員o既宅第,有百幾年歷史啦,而家變成一個博物館,展覽民族民化o既東東,要o黎o既特別原因係,夜晚會有rajasthan省o既傳統舞蹈表演﹗
bagore-ki-haveli o既正門口
裡面o既building,都好有特色o架~
由宅第望出去可以見到尋日遊過o個個湖o架~湖上面o既白色建築物咪係lake palace o羅~而家只有皇宮酒店o既住客先可以入去o架咋~
舞蹈表演就夜晚先睇,我o地逛完博物館,中間有段時間,可以逛逛街同埋食dinner~
本身諗住同女生們睇下o野o架,點知發現一間鋪頭有得幫人畫mendee﹗即是用一D香草o既顏料係手背手掌、腳背腳掌上面畫上圖案~我o地第一次見有人畫mendee就係o黎到印度第二日參加婚禮o個次喇﹗
我當然要試下啦,揀o左一個孔雀圖案,o個位女士就幫我畫了,畫一隻手大概需時20分鐘啦,要Rs100,我都冇講價呀,都唔知點講~畫o既時候o既感覺?我覺得自己好似一個蛋糕,整餅師係上面擠朱古力花紋o羅~ 一pat pat的黑色物質係我手上面~
完成了﹗好靚吧~不過要等外層乾o左、剝落,入面正常o既啡色圖案先會顯出o黎~要等一晚啦~
我o地去番尋日食lunch o個間roof top restaurant食dinner,今日試下佢o既「continental」菜色,叫o左兩個pasta試試,umum…味道很好,不過係印度風格o既西餐o羅~食完未夠鐘,同伙計們一齊睇電視直播o既cricket,都唔係太明白呢~
番去bagore-ki-haveli睇跳舞,都唔錯呀,令人最印象深刻o既就係最尾o既頭頂水罐舞同埋木偶戲了~因為rajasthan省氣候乾躁,降雨量少,所以以前D人要趁落雨時儲水,咁個頭就要頂好多個水罐,從而衍生呢種舞喇,o個位跳舞o既女士最多頂住十個水罐係頭頂呀,真係睇到人心驚肉跳~另一個印象深刻o既係木偶戲,除o左木偶跳舞之外,仲有「魔術師」木偶,其實係個木偶拋起自己個頭,同個身o黎頂下頂下,同個pat、同對腳o黎把玩個頭o羅,好有趣~
睇完表演我o地就番去酒店拎行李,跟住就搭火車,出發去下一站jaipur啦~
待續
前往其他印度旅遊blog
你着住件印度衫仲畫埋mendee, 真係十足十印度西施咁喎. 好靚呀!! 哈哈, 我之前俾人畫mendee時都有你咁既feeling呀 ~ ~ 我隻手係一件西餅.
[版主回覆06/04/2008 18:58:00]replied
你個袋同套衫好襯喎…
[版主回覆06/04/2008 18:59:00]replied
妳同學套橙色都幾靚呀~ 當然就唔及妳黃色咁搶鏡呢!著埋印度衫影相同畫mendee,真係襯好多呢!
[版主回覆06/04/2008 19:06:00]replied
之前我去了旅行 所以而家先追返你d blog~~ 你套印度衫,令我諗起古古的ARHHHHH (唔知有無串錯,,,你明就得啦~)
我都收到你的post card啦~~
[版主回覆06/04/2008 19:15:00]replied
你地著度印度衫幾靚呀, 好特別! 點解男生們唔都試下? 😛 d中文地方名好"型" ar, 起碼比d印度名令人深刻D, hahha~~
[版主回覆06/04/2008 19:18:00]replied
Re uHnsUi:
多謝讚賞﹗多謝讚賞﹗heehee~
咦,係喎,點解你會畫mendee o既?係英國時畫o既?
Re家姐:
兩樣都係印度買o架丫嘛~而且我買個袋袋時有刻意襯過顏色﹗不過呢,印度D平平o野實在太唔耐用了,個袋用o左兩三星期之嘛,就爛得好緊要,番到香港我就丟掉了…要補都難﹗
Re墨西:
hee,我去揀衫時一見到呢件就喜歡了﹗唔知呀,平時我都好少著D顏色好sharp o既衫,但去到印度,人人都咁鮮色,所以我先會試D咁sharp o既顏色o羅~我好喜歡呀﹗
Re mandy:
我見到自己著我都有諗起「arhhhhhhhhhhhh!!!!!!」呀﹗同埋呢,我都唔知係咪因為佢o地個gradx,我先至覺得呢兩隻色好襯?﹗
咁你收到第二張未呢?我後來寄多一張俾你添呀~
Re sandy:
如果男生們都著的話會仲突出呢~因為好多印度女人都著傳統衫,但印度男人就好少~
哈,我覺得D印度地方名好難發音呢﹗最初唔知道D音點樣發,講錯晒﹗好似孟買有個火車站叫mahim,我o地最初讀成「ma-HIM」,高音放係後面,點知俾人笑﹗原來係讀做「媽-im」呢,高音係前面,H音又唔發~而買火車飛去dadar,售票員聽錯做thane,真糟糕﹗
係呀, 起英國畫架. 0個時學校搞 cultural week. 唔同國藉既同學介紹自己國家既文化, 咁其中一個攤檔係幫人畫mendee, 有好多人排隊去畫架, 咁我又貪得意咪走去畫埋一份囉. 同我畫0個個女仔好勁架, 佢起英國出世長大, 但係印度人黎既, 佢唔駛睇d sample 花紋都識畫架, 仲要係個個都唔同款添
[版主回覆06/13/2008 23:10:00]replied
Re uHnsUi:
咁勁o既?其實我覺得畫mendee都幾好賺o架,材料本身應該好平,賣o既係手藝,如果去到外地就會好值錢了~
係英國係咪好多印度人o架?我係印度都遇到D印度裔o既英國交流生呢~
嗯…………..英國其實咩種族既人都有啦, 唐人, 印巴人, 黑人, 白人都有. 起某d城市例如 Luton 咁, 就係出名多印巴人. 佢地仲有條印巴街起 Luton 添, 即係好似唐人街咁, 專賣印巴人既野囉. 不過起英國土生土長既印巴人真係一眼就分得出架喇, 佢地d 打扮, 行為同英國人一樣架.