又一個trip﹗今次呢個trip都唔係話萬分期待咗好耐嗰種，事關我哋去上海主要係影pre-wedding相相，但係我哋原先係去日本輕井澤影嘛，而且早在上年年中時就報咗名lu，一直都期待著+plan，後來酒店機票都book好晒日本先發生咁慘o既大地震，冇辦法啦，cancel咗個trip，好在同我哋影相o既Picasso Wedding可以俾大家改去上海、澳門or留番係香港影，選擇十月時再去日本影紅葉都得~咁我哋就揀咗去上海了﹗

行李都多丫，因為係香港公司，所以我哋要自己帶啲禮服上去，租咗兩套婚紗一套男裝禮服，另外自己係淘寶淘咗一套晚裝，一個大袋裝住晒，同埋仲要帶埋啲皮鞋呀、花球呀、公仔呀咁，所以行李特別多﹗day一大早上嚟我屋企，pack埋佢啲個人行李一齊去隻大喼度，好在有咁做咋，如果唔係兩隻喼+大袋真係唔知點算﹗

一個good morning就由麥當勞開始啦~係屯門市中心食完早餐，坐B3X巴士，十幾分鐘就去到深圳灣口岸喇，我哋買咗深圳飛o既機票，比起香港飛每人平$1500呢~其實都唔少人會咁樣飛，但唔知我哋點解次次都咁唔好彩…上次去世博，來回兩程都delay兩個鐘，搞到係地面食飛機餐…今次嘛，去機場時就趕趕趕﹗架機場8線好似啱啱走咗架車，我哋決定搭的士，但塞車塞咗成個鐘呀﹗去到機場時離起飛只剩半個鐘﹗day卸緊行李之時，我就飛奔去攜程個counter換機票，大家再一齊飛奔去check-in、飛奔去安檢、飛奔去閘口，去到閘口時已經last call，好在趕得切~不過嘛，上咗飛機之後又坐多大半個鐘至起飛…(差﹗)

去程時覺得東方航空都ok o既，坐位都幾舒服，飛機餐質素都ok，但…回程時就知味道﹗哼哼~大家要留意我之後的blog blog~

上次飛上海就飛浦東機場，今次就飛虹橋，而家虹橋機場勁咗好多，新淨咗不特止，最重要係要打造成一個交通樞紐﹗機場、高鐵、長途巴士一站式﹗非常好~所以我哋之後來往杭州都係呢度o架~而且相比起浦東要先搭貴貴o既磁浮列車再轉地鐵，係虹橋呢度直接就有兩條地鐵線了，而且去我哋今次入住o既華美國際酒店仲唔駛轉車添~幾好~

華美國際係婚紗公司建議我哋入住的，因為佢哋隊crew都住嗰度，位置都ok，係老西門站同大世界站中間，房間都ok啦，唔係特別靚，但總算物有所值，早餐就認真麻麻地，我哋食過一次之後第二朝都出咗街食~

我哋第二日先影相，第一日有半晝時間，決定去世博o既中國國家館行下，我哋上次入唔到去嘛~

我哋去到時已經三點半，官方話四點鐘停止入場，見售票處又係遠遠o既另一邊，而入口呢邊又有個大嬸向我哋兜售門票，於是我哋就以貴RMB 5 o既價錢，買咗RMB 25黃牛飛﹗都有少少擔心會唔會係假飛o架~

重拾世博時o既感覺﹗好逼好逼好逼~好多人好多人好多人~大家打尖打尖打尖﹗

即使已經買好門票，檢票前依然排咗一個半鐘隊先入到去~

呢度等候入去劇院睇video~

180度超大screen，講述中國幾十年來o既變遷，期間特別講及四川地震同埋重建，都好感動呢，睇到我少少眼濕濕~不過呢，佢放咗超過座位數目o既人入去劇院，所以有唔少人包括我哋都冇位坐，係後面企嗰堆人就特別嘈雜…冇辦法啦，快要閉館了，大家都一場嚟到，都entertain咗你哋先咁囉~

呢度就展示咗過去幾十年唔同裝潢o既家居~

重點項目—-清明上河圖電子動態版﹗係香港展出時其實我哋去睇過啦，所以今次只係快快咁行過就算，不過呢，香港展出時個screen係波浪形的，而係國家館展出o既就係有菱有角的~

係清明上河圖o既正前方係呢個「國之瑰寶」，唔知係乜，但勁多人，要排隊，咁好似係唯一出路，都要排啦，係好逼好逼好躁之下，入到去個小小o既門，大家仲要爭先恐後咁…

原來係睇兵馬俑之類的東東，但一入到去，有條電動扶手通道，睇咗唔夠半分鐘就送番你出嚟﹗吼~逼咁耐原來只係咁﹗雖然係好珍貴o既展品，但之前o既逼逼逼真係好討厭囉~

之後呢part我都幾鍾意，叫做「童心暢想」，展示全國好多小朋友o既畫作，內容都係同世博有關o架~而且呢一段路比較鬆動，行得舒服自在少少~:p

「探索之旅」其實我都幾期待的，雖然之前媽咪話冇乜特別嘢睇，但呢個有少少係要一完我之前o既心願，世博期間我哋專登揀咗一日o既morning dash衝去瑞士館，目的就係想坐佢o既纜車，但好不幸地排到佢先啱啱維修要暫定運作，勁失望，所以都想今次坐下國家館o既ride，補償一下﹗

我同day被逼分開坐兩行呀，因為三人一排，佢唔理你同幾多個人一齊，總之就以最快o既方法fill up成架車﹗umum…都有少少好處o既，我哋而家咁樣坐反而可以互相影到啲相~入面的確唔多嘢睇，但啲燈光、亭台樓閣都幾有藝術感o既~

講環保呢part都唔錯，太陽能啦、培植藻類發電啦，唔同電燈類型o既分別啦，各種交通工具啦，presentation幾好~

出口時仲經過一個室內花園添~

我哋返出去時，時間都緊緊地，因為我哋約咗攝影師化妝師六點九係酒店見面呢~拿拿聲搭番地鐵返去先~

決定好了，我哋只去兩個地方拍攝，一大早去車墩影城，又有草地、湖、教堂，又有上海舊街道o既風情，之後就出番去外灘~

我哋掛好婚紗禮服出嚟先~唔好皺晒~我個花球又係淘寶o既傑作﹗yeah~

之前去大世界站搭地鐵時經過呢間餐廳，叫做「掌櫃的店」，覺得幾得意，所以想去食~

我哋食咗兩個頭盤，有炸帶魚、菠菜蛋捲，一個熱葷蕃茄黃豆牛肉，一個蔬菜羮同埋一份餃子，味道都幾好丫，但個蔬菜羮就油咗啲，都飲唔晒添~右下角嗰篇文章呢，大家有冇發現？係改遍自「陋室銘」o架~

待續

前往其他中國旅遊blog

Comments

comments