重要o既日子到咯~今日就係我哋拍攝pre-wedding photos o既日子﹗

點解會join Picasso呢？其實行過一兩次婚紗展，又係網上睇過，都決定唔到去邊度影好，總之就想去海外o既地方啦~有次逛下金都見到Picasso去輕井澤影，啲景呀、風格呀，勁鍾意﹗馬上就決定—-係佢了﹗所以係最近o既一次婚紗展落咗訂~不過唔好彩啦，日本又發生天災，冇辦法，係幾個可以更改o既options之中我哋揀咗轉去上海影~

對於上海點都唔會陌生了，我去過前後四次吧，中學時第一次同屋企人跟團去，仲去埋蘇杭無錫南京添，第二次就大學時去短期交流，係上海stay咗一個月，學啲中醫o既東東，第三次就係舊年啦，可以睇番我去世博o既blog呀(前往其他中國旅遊blog)，所以今次係第四次去了﹗

先要食飽飽先行動，華美國際酒店附有自助早餐，但質素嘛，就認真麻麻地﹗:p最好o既都係多士同埋中國包…其他啲腸呀、火腿個樣怪怪的都唔係好想食…anyway，主要都係填飽肚子啫~

我哋約好化妝師Queenie九點鐘左右去到我哋房間，扮靚靚﹗講開又講啦，好多去海外影婚紗相o既都係當地公司，但Picasso係香港公司，所以化妝師同埋攝影師都係香港派上去o既，口味當然較合香港人啦~呢個都係一個優點嚟o架~

以前見過朋友們化新娘妝，但我自己就第一次呢~:)第一次用雙眼皮膠紙，第一次用假眼睫毛~(大鄉里﹗:p)我問Queenie點解本身雙眼皮都仲要黐，原來係因為本身對眼唔對稱喎~黐咗呢兩樣嘢之後都唔係幾慣添，對眼感覺重咗，用埋有啲嘢遮住咗視線﹗(所以之後影相時好猛大陽我都唔覺得曬囉~)

原來都花唔少時間o架，我哋都要十一點幾至出發~

我哋想影相方面啲時間自由啲，所以自己一架車，之前都有offer可以同其他新人夾埋一架車~咁樣嘛，坐得都舒服啲~

去車墩影城要一個鐘鬆啲車程呀，但我唔敢瞓覺呢，怕整亂個頭髮~

去到了，day同攝影師raymond先去買門票入場~

raymond話我哋先去影啲「綠色o既嘢」(泛指草地、樹林、小湖等等…)，我有兩套婚紗，第一套就係呢件有少少粉紅色邊o既小拖尾，第一個造型queenie同我整咗個盤起頭髮o既頭，而且佢有啲鮮花呀，正好襯我有少少粉紅邊o既婚紗﹗like~有啲鮮花感覺都青春嫵媚啲呢~

影咗有兔子o既唔係好多張咋~似乎呢啲唔係raymond o既style吧~

佢指導得我哋好清楚，每一part要點擺呢，手呀、膊頭呀、面呀、胸口呀、眼睛呀…一一指導清楚，都handle得到佢講乜，但效果如何呢，heehee，都要睇咗相至知o既~

只有教堂呢一組相相有頭紗，係長長o既頭紗呢~要專人幫手掀起頭紗呢~

之後我哋就去餐廳落order叫lunch o既食物，順便係嗰度換埋第二套婚紗，影多一個鐘頭就啱啱好去食飯了~

第二套婚紗係直身百褶裙，queenie同我換咗一個珠珠頭箍，我哋用呢個look嚟影啲上海舊街景~

影咁長時間笑容都會有啲僵硬呢，呢個時候raymond就會話「笑容有啲假喎，傻笑一下」，or「笑得真心啲」，heehee，我同day都要鬆一鬆番啲面部肌肉再笑過~

lunch就係影城o既一間餐廳食，我食咗雞排蛋包飯，day就食咗個炒飯，味道都唔錯，但佢哋個個都熱到冇乜胃口﹗我就胃口開多咗，因為換咗第三套衫，我套晚裝唔需要著girdle嘛，肚子都鬆動好多~食飽飽之後，queenie幫我換第二個look，個妝花得濃少少，同埋換咗個髮型，今次前面啲頭髮梳到all back，然後後面盤起，比較高貴o既look~我呢條裙就唔需要頸鍊，queenie就幫我襯咗對閃閃耳環，好襯呀﹗thanks~

我哋係影城著住晚裝影埋少少樹木同埋鐵橋，就出發去第二個景點外灘了~

雖然我哋影相呢日係raymond同queenie呢個上海project o既last day，但佢哋都好專業呢，去到外灘都仲好落力咁樣影咗好多個地方呢~

大功告成﹗

我哋收隊了~係外灘等司機接我哋返酒店時，queenie幫我同day影咗一張合照﹗暫時「私伙」相之中，只有呢張合照影得靚靚的，所以已經成為咗我同day o既facebook profile pic啦~好鍾意﹗

返到酒店了，司機大佬幫我哋影張相留念，相中o既就係raymond同queenie了~多謝你哋呀，辛苦了﹗期待快啲睇到啲相相呢~

我正係度憂愁點樣搣番啲雙眼皮膠紙同埋假眼睫毛出嚟，原來queenie幫我落埋個妝至走，真好~

隨意束好頭髮就出去食飯先~唔想沖完個涼出一出去又污糟~

我哋係附近o既商場搵到一間韓國餐廳~

入到去二話不說就放低生菜、醬料、泡菜~莫非大家都一定會食烤肉乎？

犀利咯，個烤肉用o既火係炭火嚟o架~啲遠紅外線係咪會好啲？

餐廳叫韓膳宮，我哋叫咗牛仔骨同埋五花肉嚟燒烤，另外叫咗一份紫菜包飯同埋冷麵，我就飲咗桔子汁，味道樣樣都唔錯呀~都幾抵食﹗

埋單時都好搞鬼，附送好經典o既綠箭香口膠呢~我哋都不負佢所望趙咗舊香口膠嚟清新一下口氣~

雖然影咗成日相，但我哋都唔係太攰喎，所以去逛多一陣街先返去~行過去淮海中路，有好多著晒燈光靚靚o既building呢~

其中令我哋讚歎o既就有LV o既舖頭，好靚~

跟住行多兩步…

突然變咗紅色，我哋兩個異口同聲咁「哇~」咗出嚟，真係大鄉里~:p

蘋果o既show room都好簡約時尚~

Cartier o既閃法唔同，但一樣華麗﹗

今次個trip去上海杭州，感覺上要聞二手煙少咗好多，可能同大陸o既禁煙政策流行起來有關吧~非常好﹗

我哋係酒店附近食埋個乳酪做甜品先返去，個甜品都係其次，其實係想R上下佢個wifi，係呢度我哋send咗少少「花絮」相俾大家睇囉~

好喇，主要任務完成，剩低o既幾日都係玩玩玩了~yeah~

待續

前往其他中國旅遊blog

Comments

comments