我仲以為日o既diary轉載o左可愛「alvin and the chipmunks」o既動畫，會有好多朋友blog友回應添，知得咁少﹗﹗如果你未睇o既就去睇番啦
~
一早約o左day去睇早場，打算睇「蜜蜂電影」嘛，呢套似乎係聖誕檔期裏面，唯一一套我同day都同樣有興趣，同埋保證好睇o既電影﹗所以就決定睇呢套啦~屯門UA新開之後，我去試睇過一次，day都未去過，決定睇9:40am o既早場﹗全日有兩場，早場$35，下晝$55，哇，差$20喎
﹗可以食到餐飯lu~早D起身都值﹗
9:00am左右去到買飛，居然…居然只賣剩第一行
﹗oh no no~真係有咁旺乎？好，去「巴倫紐」睇﹗hee，唔係屯門人就唔明o架啦，華懋院線係屯門有間戲院叫做「巴黎‧倫敦‧紐約」，近年好似加多個「米蘭」添~屯門人叫間戲院做「巴倫紐」o架~哇，因禍得福﹗
個售票大姐同我講，兩位$50，我仲以為佢話每張飛$50，原來係總共$50﹗仲抵﹗我o地仲完全冇用信用咭or學生優惠添o架~
不過呢，呢D舊式戲院就冇咁靚o羅~殘舊少少…但最緊要都係套戲好睇﹗
「蜜蜂電影」﹗果然冇令我失望﹗真係好好睇呀
~3D動畫質素高係預料之內，表情、對白生鬼都係意料之內﹗但最好o既地方係，全套戲由頭至尾都係咁有娛樂性，笑料一浪接一浪，大家o既嘴角一直都係keep住向上的，睇到人笑瞇瞇
，離開戲院時都係笑瞇瞇﹗而且佢係一個虛擬o既世界入面，帶領住你去一個新o既領域，真係好似去主題公園咁o架~10個推介
﹗
睇完戲同day去食上次講過o個間讚岐烏冬，今日食o左無骨雞翼烏冬，D湯烏冬真係冇得彈，質感煙靭，湯底清澈，味道濃淡適中~我o地又加o左個小食，係煙肉炸薯餅？食到瞇眼﹗但我一向鍾意食o既三文魚壽司就麻麻地
，果然，壽司係要去壽司店食o既~我o地逛一陣街(day送我一本書，超正的，聽日先介紹﹗)，買D o野就上家姐屋企lu~
坐下，打下NDS，上下網，撻下皮~進入戲肉﹗
今日我o地煮(後補的)聖誕大餐食呀~我係大廚，day係二廚
﹗餐單包括：南瓜忌廉湯(一D都唔勁，因為係金寶出品~)、黑椒雞扒(吉之島買，醃好o架啦~)、德國腸(同雞扒一樣，煎就ok~)、牛油炒雜菜(茄子、粟米芯、洋葱、蜜糖豆)、洋葱磨菇蕃薯茸、菠蘿啫喱~
day咁落力做緊乜？
係度搗碎D蕃薯﹗呢個係我最滿意o既食物呀
﹗其實做法同平時o既薯茸差不多，不過我用o左蕃薯代替，感覺特別多了~除o左鹹味、牛油香味、餸o既味道之外，仲有蕃薯o既甘甜味﹗蕃薯比起薯仔仲有益啦~大家不妨試下﹗
開飯lu~較好時間掣，行過去先發覺我個位冇椅子﹗oops﹗好狼狽~
之後一齊睇戲，睇o左劉若英、林嘉欣o既「綁架」，係家姐同day決定租呢套o架，估唔到都幾好睇~佢o地兩個做戲做得好睇就人人都知o架啦，戲情都唔錯，就咁睇又冇乜漏洞喎(精明媽睇就唔知睇唔睇得出)~而且都幾緊湊，如果去戲院睇大銀幕一定會睇到好勞累﹗值得推介﹗
番屋企時搭車又經過「巴倫紐」，哈，細戲院果然係細戲院，你睇個「蜜蜂電影」廣告牌幾慘？﹗要讓一半俾「投名狀」呀，蜜蜂barry冇o左個頭…oops﹗
冇錯﹗今日係零溫過書﹗聽日番HKU潛lib lu~mer-yao-堅啦
~
我真係好少去戲院睇戲…一年平均最多一次度… 係一個唔睇電影嘅電影學生呢！
假期冇周圍去呀~ 只係留喺屋企執吓野，瞓吓覺咁…好懶啊！除咗電視，就係睇花師奶~ 殭屍仲話自己好似花老爺呢！ 佢仲叫自己做屍老爺添！
[版主回覆12/28/2007 00:08:00]replied
「綁架」確實係一套不錯的電影，近日同大腩係家中都看了好多爛港產片，但想到耐唔耐又有一Ｄ好像「綁架」的港產又幾好睇時（好早之前已租來看過了），還是會用十元租下其他來看的，但近期我們看的真係好 ，例如出埃圾記，鐵三角咁，真係 ．．．．．
如果大家看到有什麼好片，不妨推薦給大家。
[版主回覆12/28/2007 00:10:00]replied
Amy TO Amy:
我仲對「出埃及記」和「鐵三角」滿有期待添﹗
[版主回覆12/28/2007 00:10:00]replied
真的勁平…~ 點解可以咁ga?!?! 不是說物價高漲麼?!?! 二廚是負責切所有野加做d粗重野(壓番薯)!! 唔… 沒我想像中那麼好看!~ 因林嘉欣死得古怪左d…! 其他都幾好ge~
[版主回覆12/28/2007 00:15:00]replied
Re墨西:
睇戲好開心o架喎~投入感大過睇碟好多﹗
平時工作忙丫嘛，放假梗係盡情休息啦~
呀，我又冇乜點睇過花師奶咋喎~
Re amy:
oooooo~~租o左D唔好睇o既戲番o黎真係會覺得好沮喪﹗不過唔睇過都唔知好唔好睇o既~
好呀，互相推薦下D好戲﹗
Re家姐:
睇下o羅﹗可能人人口味、觀感唔一樣呢~
Re亞夢:
你都係因為要離開香港讀書，所以先冇屋企人係身邊o者~咁佢o地都關心你、錫你家嘛~平時少見面，見到面時就加倍開心了﹗唔好咁愁啦~
Re day:
好似真係仲平過平時﹗離晒譜~回應佢o既做法…多D去睇﹗yeah~
你都做得恰如其份丫~good﹗你切洋葱真係好過我切，我一定會切到勁喊，你睇喇，今次你切，我只不過企係旁邊之嘛，都喊晒咯~仲有，我整o野那西丫嘛，冇你切得咁碎咁好﹗
林嘉欣o個下係增加impact丫嘛，o個下唔係嚇一嚇親+驚慄感咩？同埋，如果佢唔死的話，事情都好難解決~一家三口都難以安寧…
Re亞夢:
咁就要由自己行出第一步，多D親近屋企人啦~黐實佢o地﹗同佢o地吱喳﹗