WOW~2008年了﹗祝大家新年快樂﹗事事順利﹗勁過呀~
祝爸生日快樂﹗仲有葉嘉欣都生日快樂啊﹗
每年o既一月一號係孝女會o既大日子,會慶+入會儀式﹗夜晚我當然要同爸食飯同佢慶祝啦,所以每年o既呢一日都好忙碌o架~
今年o既會慶係太子道o既聖德肋撒堂舉行,約好聯會o既女生們大概2:00pm去到,所以我有一個早上係屋企作最後o既準備﹗好多文件o野要處理呀,又要預備俾佢o地一人拎住係手o既稿啦,又有D指示牌啦,又有D小單張啦,好多o野要用word處理,再印晒出o黎,好慶幸尋日係文具鋪買o左一疊有好多唔同顏色o既A4紙,而家一樣o野一種色,咁就一目了然啦~
係屋企食埋飯就出去lu(雖然有少少困擾,但總算食o左餐屋企飯+陪下爺嫲啦~)~多謝day特地過來幫我手拎D重重o野~謝﹗我o地出發去聖德肋撒堂啦~
set up好晒D o野,等D入會小妹到齊晒就開始綵排了﹗今年係第一次我帶佢o地綵排呢~要練習讀經、讀信友禱文、試演入會程序…都要用足一個鐘o架﹗好在大家都表現得好好~
禮儀正式開始lu~見到我帶領住D入會小妹進堂嗎?我已經隱沒係人群之中了…
好多謝孫神父仗義幫手主持彌撒啊﹗超級感激﹗今年入望o既小妹只有一個,但入正o既都ok o既,有七個,而且來自各個堂區,都幾熱鬧﹗下年要由我o地堂區撐撐場呀~希望我o地D小妹勤D番o黎開會,下年到你o地啦~
我o地堂區o既兩個新成員今日有出席會慶,就搵佢o地幫手奉獻酒水啦~
禮成lu~入會姊妹+神父+神師們+新舊會長o黎個大合照﹗
我o地贖世主堂當然都自己影下相啦~鄧修女都係第一次出席聯會o既會慶呢~
兩年一任o既聯會幹事任期屆滿,今日又從新宣誓,我總算放下呢個擔子,明明,加油呀﹗我當然會繼續幫手聯會啦~不過我而家o既身世,唔係好適合揹起會長呢個位o者~其實之前都同各位女生們合作得好高興啊﹗我o地時不時就出o黎食飯+開會我都幾enjoy o既~雖然我已經「榮升」顧問,但約食飯記住預我呀~
累得不得了~茶點後,執拾好就要過去會合爸媽lu~我o地今晚去「嚼江南」同爸慶祝生日,其實我o地都算嚼江南o既常客,自從爸做o左「dining club」o既會員之後,時不時就會去食,確實佢o既食物質素都幾高+有保證o既~食飯樣樣都好好味,但我都真係好累了,所以都吱喳唔起o黎~另外著住件樽領冷衫又真係好痛苦呢~我好怕D毛毛吉住D皮膚家嘛,今日個樽領就貼住我咁耐,好辛苦呀~我今個冬天,唔要再著呢件冷衫呀﹗救命﹗
唔,番到o黎屋企,舒服埋今晚咋~聽日開始番學lu~唔係last teaching day o左呢咩?而家開始revision lecture丫嘛,每日番兩個鐘,之後D時間就要超級搏盡溫書了﹗加油呀﹗全力溫﹗
好忙,但好有意義既一日呢
[版主回覆01/02/2008 21:33:00]replied
Re uHnsUi:
是啊﹗而且以我扮演聯會會長o既角色o黎參與呢件事,可能係最後一次添lu~
好得意呀!我現在先知有這樣的儀式
[版主回覆01/04/2008 19:46:00]replied
Re小姑娘:
係呀~我o地係天主教o既「聖母孝女會」,有好幾十年o既歷史lu,我都參加o左接近十年,最近呢幾年有去聯會幫手添~我o地每年一月一號都慶祝會慶,有個咁o既典禮,又有新會員入會咁o羅~
我見過有些堂區的「孝女」的衣著真不敢恭維:戴頭紗,但衣著就… 。
[版主回覆01/05/2008 10:57:00]replied
Re樂業修士:
你係第一次留言喎,歡迎﹗
係呀,可能佢o地唔知道咁樣唔恰當啦,你有機會不如提醒下佢o地啦~
聯會d 野一向都是難搞的了!!~ 因不是成日見,不可以得閒便傾下要點~ yeah!!~ 你卸任我都好開心!!!! 不過顧問真的不用做野?!?!~
[版主回覆01/09/2008 18:23:00]replied
Re day:
而家都算好D o架啦,大部份聯會職員都係後生女,容易D溝通,約出o黎又方面D,又可以多D用e-mail呀、msn o黎溝通~
因為我唔駛成日都苦惱+煩煩煩?
唔…唔駛做D實質o野o羅~同佢o地開下會呀o個D o羅~