記住scroll落去睇補寫o既23-5-2007 diary呀~

佛誕o既公眾假期﹗咁好~一家人出去玩下先~今日節目豐富呀，上晝一家四口去o左深圳玩，黃昏左右番到o黎香港，仲約o左中學時學生會o既舊莊友聚聚去唱K﹗好高興呢~

我o地大概九點幾十點出發吧，一路上去深圳o既車程都好順利，去到深圳要搵220號公車(好搞笑，D巴士分「冷巴」同埋「普巴」…我鍾意個名﹗哈~)，因為我o地o既目的地係「仙湖植物公園」，去睇下D湖光山色，親親大自然﹗

車程上，睇下家姐做緊乜？縫縫縫﹗佢近年最大o既興趣之一，就係整十字繡﹗佢而家用絹布繡呢個花花，話係用o黎結婚時做放戒指個小枕頭o架~

去到「仙湖植物公園」lu，首先要坐園內巴士上山，車行o左冇幾耐已經勁開心﹗因為好似入o左森林呀﹗

今日勁多人，因為公園入面有座佛寺，叫做「弘法寺」，適逢佛誕，咁咪有好多人o黎禮佛o羅~呢張相我o地上到寺o既高處影番落去，見到對面個矮山嘛？D樹修剪到好似中國版圖咁呢~

有一座香爐，哈，有好多人拋D銀仔入去，真係會帶o黎好運乎？

同香港唔同o既係，呢度D人禮佛鍾意用鮮花，而香港主要都係用檀香了吧？

行完弘法寺都肚子餓lu，佛寺旁邊有齋菜館，我o地就應下節食個齋啦~

一就座，見到個餐具，哇，「放心餐具」？﹗乜原來而家興咁樣o架？要用膠袋包住D餐具好似唔係幾環保，但比起使用即棄o既發泡膠餐具，其實已經環保得多了﹗

我o地叫o左四餸一湯，湯o黎先，叫「八寶湯」，材料主要係紅蘿蔔同埋蓮藕，濃郁o既味道來自各式各樣o既豆類，之後o既餸有麵醬炆茄子、腰果鮮百合炒西芹、松子粟米，呢幾味都ok咁啦，不過確實一味比一味差…最後o黎o既雜錦豆腐煲真係要高呼oh no﹗哇呀~~~~~~~~~~採用勁多o既「假肉」，係我o地最討厭o既齋﹗見到o既有假肉片、假肉丸、假蝦，仲有假魷魚同埋假海蜇，反而豆腐就唔係好覺眼o羅~我試o左食「肉丸」同埋「蝦」，真係吞唔落…因為佢做到好似真咁o既質感，但零味道﹗完全淡﹗好恐怖，感覺好肉酸呀~下次叫呢D「雜錦xx」時真係要問清楚有乜﹗

之後我o地就坐上觀光巴士，買呢種$5 o既車票可以隨時上車、隨時落車，大概每15min一班車，都幾free~第一站落車o既係「湖區」~

我o地沿住個湖行o左半個圈吧~沿途見到有人釣魚呢~

「水生植物區」，有荷花，背景係茂密o既樹林﹗

下一個景點係沙漠植物區，有幾個館o架，美洲館、亞洲館、非洲館，第一個入去o既美洲館，見到o既仙人掌形狀係最typical o個D o羅，所以好清楚知道，我o地細個睇o既圖畫書，入面有仙人掌的話，作者一定係美洲人﹗

亞洲館o既代表作：蘆薈﹗各式各樣o既蘆薈﹗睇到就覺得棵棵都好似我o地屋企種o個D(其實係我分辨唔到D品種﹗)~

最後係非洲館，見到中間個雕塑就知道了﹗

跳上車搭去另一個景區，呢度有四個景點o架，有呢個「香港回歸紀念林」，話種o左1997棵某種樹喎(唔記得係咩樹添~)﹗去到呢個位時…勁…熱﹗好辛苦呀~個人已經變得懶洋洋、慢吞吞…

幫我把呱遮影張相先~哈﹗

呢個景區入面仲有一個化石林~

呢D話係將變成化石o既樹切割成一截截喎~

孢子植物區﹗充滿住ferns﹗我唔記得D AL bio了，fern係咪用spore o黎繁殖o架？係o既話就解釋到點解叫做孢子植物區了﹗

行到呢度，仙湖植物公園o既行程都差不多了，我o地搭番220出去羅湖口岸o個邊~食o左個大家樂下午茶先過關~一入去間大家樂，哇，好勁呀，有無線上網﹗但一落order，哇，好差呀，因為我o地買完俾完錢，去到counter拎o野食先話我知冇晒烤雞翼，要叫過第二樣…味道都中規中矩咋~不過一家人一齊食o野都愉快o既~另外，我發現而家香港所有食肆全面禁煙真係好good，胃口都開D，係深圳要聞住煙味食o野真係唔係幾爽﹗

爸媽姐番屋企，我就繼續我o既行程，今晚約o左學生會o既舊同學仔係尖東唱K﹗人唔多，計埋day都係得七個人，有brenda(主席，CU translate今年畢業)、昌仔(內務副主席，而家係sina.com o既員工，之前出過場了﹗)、祺佬(外務副主席，CU human畢業後工作一年，準備開始去UST讀master)、阿乳(康樂幹事，UST CS今年畢業)and女友翠兒，仲有day同埋我(我係另一個康樂幹事﹗)o羅~好可惜見唔到其他人(聽聞葉嘉欣去o左肯雅…)呢~

雖然人唔多，但都幾高興丫，中學同學即是中學同學，即使好耐冇見，見番都唔會生疏~高興﹗

番到屋企都好夜lu~累~第二朝仲要早起呢~

前往其他中國旅遊blog

Comments

comments