6-3-2011:澳門戒指團第二部day 2.璀璨澳門+水舞間

話明係度假嘛,所以旅程o既第二日都要晏啲出動,要盡情咁瞓丫﹗呵呵~所以定o既limit係…自助早餐o既最後時間﹗去到餐廳,啲食物賣相認真麻麻地,而且啲品種好「鄉村」,例如會有就咁蒸熟o既一堆蕃薯同埋南瓜之類…但諗法係,都食啦~唔夠飽再去小湯鎮搵嘢食,點知食落嘛,味道樣樣都ok喎,真係唔好睇小佢﹗

我哋訂咗搭十一點幾o既shuttle出番去拱北,因為我哋今日要過去澳門了~重點項目呀~

過關時已經肚餓得不得了,正係度商量去邊度食好,開頭都諗住直接過到關就搭免費shuttle過去新濠天地威尼斯人嗰邊,但出去時見到MGM Grand o既shuttle喎,諗起Las Vegas o既超豪華MGM Grand,都好好奇究竟澳門呢一間比唔比得上佢,不如先搭shuttle去MGM睇一睇再算啦,可能嗰邊都有嘢食呢~

雖然冇Las Vegas o既MGM咁華麗,但呢個室內庭園都好優雅好靚啊~ 閱讀全文

5-3-2011:澳門戒指團二部day 1.relax@珠海御溫泉

其實去完美國返嚟都只係一個月,都唔係咁快真係要逃離工作去旅行散心,不過有「任務在身」,所以決定係三月頭過去澳門一趟﹗heehee,事關今年年尾就結婚了,之前係日本睇中咗結婚戒指,係佢o既網網問可唔可以趁我去日本影pre-wedding時訂(by the way,我打呢篇blog時其實已經cancel咗去日本o既pre-wedding lu,天災o既嘢冇辦法啦…),但佢話戒指要送番去廠度刻字,前後都要兩星期,所以佢suggest我去佢哋o既澳門分店度買﹗我哋十二月時去咗訂戒指,所以而家有得領取咯~

十二月嗰次已經逛咗澳門,咁短時間之內唔想又花咁多時間係嗰度,所以就決定先去珠海o既御溫泉度一度假,休息一晚,第二日下晝先去澳門拎戒指,睇埋個「水舞間」至走囉~

我哋book咗ok早o既船飛,未夠十一點就已經去到珠海九洲港了,有專車接我哋去御溫泉,係車上當然呼呼大睡啦﹗

去到御溫泉時大概中午吧,都未係好肚餓,所以隨便逛一逛先食lunch,而且我哋間房都未available~ 閱讀全文

5-4-2008:盤龍峽+金水台溫泉 day 2

第二朝好早就起身lu~morning call其實係七點鐘,但六點鐘矇矇矓矓之際聽到爸媽話要出去行下,哇,唔好漏低我呀,我又要去,咁就冇賴床,急急忙忙起身梳洗了﹗

「晨運」完畢﹗其實都只不過係我o地自己o個間小木屋附近o者~

出門口lu~呢度咪就係我o地住o個間小木屋o羅~真係俾森林包圍住o架~ 閱讀全文

4-4-2008:盤龍峽+金水台溫泉 day 1

辛苦o左咁多個月,終於有機會同屋企人一齊出去玩幾日~本身想自遊行o架,但因為我o地單數人數,自遊行唔得,咁我o地咪跟旅行團o羅~超早集合呀﹗6:30am就要去到中港城碼頭lu~天未光就要出門口o羅~

原來我o地搭7:10am o既船去順德,難怪要咁早集合啦~

早餐都未食,想去碼頭買麥當勞都趕唔切,唯有上船食啦,hee,搭船一定要食麵﹗但呢碗麵好貴呀~好在有醒目爸﹗由屋企帶o左盒裝飲品o黎,起碼可以慳番買o野飲o既$$~ 閱讀全文

24-5-2007:小小trip@深圳仙湖植物園

記住scroll落去睇補寫o既23-5-2007 diary呀~

佛誕o既公眾假期﹗咁好~一家人出去玩下先~今日節目豐富呀,上晝一家四口去o左深圳玩,黃昏左右番到o黎香港,仲約o左中學時學生會o既舊莊友聚聚去唱K﹗好高興呢~

我o地大概九點幾十點出發吧,一路上去深圳o既車程都好順利,去到深圳要搵220號公車(好搞笑,D巴士分「冷巴」同埋「普巴」…我鍾意個名﹗哈~),因為我o地o既目的地係「仙湖植物公園」,去睇下D湖光山色,親親大自然﹗

車程上,睇下家姐做緊乜?縫縫縫﹗佢近年最大o既興趣之一,就係整十字繡﹗佢而家用絹布繡呢個花花,話係用o黎結婚時做放戒指個小枕頭o架~ 閱讀全文