太熱係個沙灘度逗留都唔係辦法，我哋決定去經過嘅餐廳Lucy’s Kitchen坐低、飲杯嘢，等太陽落山~
餐廳有QR code可以掃電子餐牌，但依然係寫紙仔落單~
點飲品時充份睇到兩姊妹性格上嘅分別，詩鍾意靚嘢，充滿好奇心又唔怕撞板，點咗杯唔知係乜內容嘅Blue Ocean特飲，結果？甜囉，啱晒佢~曉係實用穩陣派，點咗杯平凡嘅檸檬水~
老公影得我咁好嘅~
休息一陣，整理下啲相，慢慢太陽開始落山啦，我哋決定埋單出番去沙灘欣賞~
對著爸爸鏡頭甜笑嘅小寶貝
轉眼變咗調皮家姐
被譽為全球十大日落沙灘靚景之一，果然名不虛傳，因為沙灘對出嘅一片海一望無際，就好似提供咗一塊超大畫布俾個日落去發揮咁，顏色嘅變化，加上雲嘅各種模樣，畫面真係好豐富~
既然有咁靚嘅天然佈景板，當然要影多啲靚相啦~
唯美浪漫
靚
有啟發性
搞笑
奇怪
開始走火入魔
當然要四人合照啦
話說影頭先嗰啲奇奇怪怪嘅相嘅同時，原來爸爸拍攝咗「幕後花絮」^^”
證明我平時做gym有認真做squat
我哋身處嘅位置離落車嘅市集比較遠，一路行返去時，個沙灘真係超多人，我哋開始愁啦，咁多人，點call到車？咁塞車，啲車都唔想嚟接啦，大鑊了~果然用app call車真係冇回應，但又未肚餓，夾硬食晚餐先又唔太適合~冇車搭時最可靠係咩？自己對腳囉﹗我哋決定步行出去最近嘅十字路口再call車~好多人都同我哋做差唔多嘅事，行路時都好多人，好不容易終於上到車，大家都攰得不得了~
好在記得酒店附近都有啲食肆，我哋就試下酒店正對面嘅sports bar Upper Star啦，我覺得佢二樓嘅戶外位置好吸引，好似好有氣氛咁~上到去原來露台得二人枱，咁唯有坐室內啦~
室內都唔錯，卡位好舒服
未有嘢食搞搞陣
有嘢食
食物就啱晒兩個小朋友啦，最鍾意，呢度環境似我哋平時去開黃金海岸嗰間sports bar，但價錢就只係薩莉亞，正呀﹗本來一場嚟到間bar想飲下啤酒襯下，點知叫一樣又冇兩樣又冇，咁，同佢哋飲可樂啦，day叫咗杯detox果汁，又幾好飲喎~
呢啲時候就會提起我家姐，我家姐係史官，一定要記錄好每一樣食物，我哋又衰咗，切開咗個漢堡包先醒起未影相，個湯直情連影都唔見埋~
冇得係露台位食，坐下影下相都好~
想去買少少嘢，餐廳不遠處就有呢間local迷你超市了，估唔到後來幫襯咗幾次，而家返咗嚟個幾月，屋企仲食緊呢度買嗰包餅添~
仲有發現咗一間新開張嘅洗衣店~
打blog呢一刻係二月初，上次一月跑渣馬時有個禮物係洗衣珠，雖然洗衣珠比平時用開嘅洗衣液香，但大家都一致同意，洗衣珠都冇呢間洗衣店洗完嘅衫咁香~
食飽飽要早啲休息啦，我哋第二朝要超早起身呀，因為book咗神山tour，lobby集合時間係—-6:50，yeah，早餐6:30開始有得食(有得食算係咁)，即係要5字頭起身梳洗執袋出門啦~
前往其他馬來西亞旅遊blog