我哋先喺自動售票機買飛入場,我對於韓國嘅「兒童」定義唔係好掌握到,搭交通工具時,6歲以上先要買飛,我記得之前喺網站睇過美術館嘅門票資料,印象中今次曉同詩都要買飛,但佢哋屬於唔同種類嘅「兒童」,自動售票機又冇咁多種飛賣,亦冇顯示幾多歲至幾多歲買邊一種飛,結果我哋買咗2大1小,之後再去有職員坐嘅counter先買到詩詩嗰張飛~
直至入場前一刻,兩個小朋友都未知入到去實質係睇乜,要行入去黑麻麻嘅門口入場都有少少緊張,但一入到去就靚到嘩一聲,發現唔係驚驚嘅內容~
第一個主題係—-花~
光影展現嘅粉紅色花海,好浪漫呀~所以好多情侶嚟拍拖呢~
小美少女們比較可愛
除咗有小花,仲有大花~
但係咪職業病發作?我覺得呢啲大花比較似紅血球囉~^^”
花花區中間有個特別展區,入面係一隻可以同遊人互動嘅小鹿~
佢非常仙氣優雅,身上面有各種鮮花裝飾,小鹿由遠處小跑步咁過來大家前面,你摸摸佢個頭,佢就會好似小狗咁嗲嗲你,非常可愛~
跟住我哋去咗玩韓文老師推薦嘅互動展區,佢拍心口保證話小朋友一定鍾意~嗰度有幾種動物嘅填色紙同埋蠟筆俾大家隨便拎嚟晝,有小鹿、烏龜、老虎、孔雀、小狗,大家填完色之後,可以用提供嘅電腦將你嘅作品放入去大螢幕入面~
Step 1:填色
Step 2:scan入電腦
Step 3:電腦確認你嘅作品
Step 4:可以去大螢幕度搵你嘅獨一無二小動物啦
詩詩用佢創作嘅烏龜嚟示範咗俾大家睇,曉曉就畫咗孔雀~
出現啦,大人小朋友都玩得咁開心~
頭先話嘛,好多情侶嚟拍拖,所以螢幕上出現好多有愛嘅憑證嘅動物行嚟行去,我結果冇整到「Rita心心David」,但就畫咗我哋一家四口嘅頭像喺老虎上面,都係我哋愛嘅憑證呀~
我哋每人畫咗兩幅,好落力~
下一個展品係—-太陽~呢度要排長龍呀,輪流去影相,睇啲相片嘅時間,我哋應該排咗25分鐘左右,排隊期間一度有懷疑值唔值得排咁耐,但出嚟嘅效果真係好正,我仲用咗一家四口嘅合照嚟做fb嘅背景照片呢~大家排得好有秩序,亦等得好有耐性,既然排咁耐,每一伙人都影多幾張,擺多幾個唔同嘅pose,仲互相幫忙影添~
三母女
一家四口
再嚟多張
之後我哋參觀—-星星﹗
好靚呀~每場「演出」大概幾分鐘,所謂演出,就係燈光嘅變化會不斷重覆,由頭到尾一次大概幾分鐘,好靚好精彩~今次星星係立體展品,真係一個個可以觸摸嘅燈籠,溫柔啲係可以摸嘅~
好多種變化~
無盡瀑布
經過呢個部份我都冇得仔細睇,因為曉曉好驚嗰條龍,我要帶住佢合埋眼衝過去~
係咪有少少嚇人?
真正嘅江陵海邊好澎湃,唔可以咁近啲水,呢度就唔同,可以坐低感受,聽下(假)海浪聲~
即使個浪高個成個人都好安全~
呢個洞穴有螢火蟲架~
呢度係對於曉嚟講嘅另一個驚位,呢度叫做GARDEN,所有嘅牆上都投映好多唔同嘅名畫,我哋初初入去時,啱啱係好多人像畫,入到去好似好多栩栩如生嘅人望住,可能因為咁講得驚吧?要我攬住佢,佢合埋眼行過去,後來變成風景畫、芭蕾舞,曉都唔肯睇了,但詩詩又好有興趣,好想慢慢睇喎~
GARDEN係離開美術館嘅必經之路,要走都要頂硬上,曉曉,你逃脫成功了~
係小部份驚驚啫,大部份都好好玩嘅~
江陵Arte Museum網站:
https://artemuseum.com/GANGNEUNG
前往其他韓國旅遊blog