食肉粽時我覺得全部食物都非常美味,但食呢一餐時既狼狽其實係相片入面睇唔到既,事關全部小朋友經過咗博物館同西湖公園既大量步行之後,個個都好攰想瞓覺,長輩們包括大舅公大舅婆、爺爺嫲嫲亦都好想休息,所以四位長輩暫時離隊去休息,小輩們就係車上大瞓特瞓,司機就載住我哋一行八人,包括幾隻熟睡既豬仔去我哋下一個目的地—-海絲公園~
出發前見到「海絲公園」呢個行程,我專登上網search下,但居然搵唔到喎,原來,「海絲」係海上絲綢之路既簡稱,呢個休憩公園係以海上絲綢之路為主題既,而我既印象嚟講,係非常、極之、十分大既公園﹗
個個都未瞓醒~
落車時啲小朋友仲係矇矇鬆鬆,俾我哋帶咗落車,好快就俾呢個非常大既空間吸引住,毫無原因都可以跑跑跑,呢啲咪就係年輕囉~個公園有幾大?導遊叔叔落車話要去一去洗手間,明明都見到個廁所牌,但佢去咗好耐都未返嚟,耐到有少少我哋想send個message同佢講我哋唔等佢咁耐,結果都等咗既,等佢可以履行佢既職責~
非常宏偉既立體大招牌~
大到可以藏一個人係中間,R is for Regina﹗
大到可以瞓係上面,詩詩學表姐~>v<
咁多位唔駛爭~
要組合幾個小朋友一齊影相真係唔容易,我俾day捕捉咗呢個場面~
因為太自由奔放了~
攬住就影到既~
有咁大地方最開心就係,跑﹗跑﹗跑﹗
同埋擺啲奇怪pose影相﹗
其實要點行都冇乜idea,導遊帶我哋去睇完啲必睇景點,突然間發現咗個指示牌話有得坐船,朝早係西湖公園坐唔成,而家有得坐梗係要心理補償啦~
細細粒既詩詩係度行,更加體現出有幾大~
所以行下又要抱下,家姐幫我哋影相~
大家即刻好積極咁過去遊船嗰邊,跑下跳下行下抱下,行過去時既過程,覺得個公園非常大﹗好適合練習長跑~但似乎唔算係一家大細日常去既公園囉,跑跑跳跳野餐吹泡泡等等都可以,但我哋叫做行咗好一段路都見唔到兒童遊樂場,廁所亦非常稀疏,廁所太遠既話,帶住小朋友有少少風險~
路上見到有粉紅色花花既樹,詩詩見到家姐影又唔執輸~
曉曉拎咗導遊叔叔嗰支國旗,一邊唱住學校教既「國慶,國慶,中國生日真高興~」
海上絲綢之路主題既公園,當然有啲相關既藝術作品啦~曉扮飲酒中~
表姐更加入戲﹗
扮得好似喎~
終於見到遊船碼頭啦~吸引我哋眼球既,係碼頭前面既吹氣彈床,一問之下,付費入場之後係不限時任跳﹗﹗而且我哋入場時冇其他小朋友,即係四個可以包場~對於先坐船定係先跳彈床,我堅持一定要先跳彈床,因為小朋友見到彈床時,實在無可抵擋佢既吸引力,如果先坐船的話,我100%肯定佢哋會不停問「幾時落船呀」、「幾時到呀」之類既掃興說話,與其係咁,不如先滿足慾望,之後就大家可以爽爽快快高高興興去坐船喇~
精力旺盛穎妍、大無畏詩、深水炸彈穎彤、仲有同小朋友一齊玩時會情緒up既曉,當然跳得非常高興,平時我哋不停阻止詩詩係屋企用pat pat嚟係床度跳,而家終於可以大跳特跳了,雖然佢唔夠能耐爬上去高既滑梯,但矮嗰邊就駕馭得非常好,由滑梯頂跳落嚟嗰下,被爸爸形容為似Tony Jaa(大圖)~哈哈哈~
兩個媽媽難得可以休息一陣~
有表姐一齊玩,曉都比平時活躍,真係有啲dynamics~
即使跌倒都係開心既~
跳完彈床,四個小朋友非常滿足,輪住去洗手間之後就可以去上船啦,呢度好玩係好玩,但碼頭旁邊只有一個半荒廢既小賣部,仲有一個冇水沖廁冇水洗手既廁所~
可以著救生衣上船啦,著晒救生衣,影到啲相好似好刺激咁~好好彩有大既電動船可以載晒我哋八個人,咁就高興啲啦~
八個人之中、四個大人之中,我哋挑選咗爸爸做「爹哋船長」(請參閱Peppa Pig卡通片),不過我要睇住隻詩似乎比起揸船更緊張,哈~
詩詩,你係咪擔心爸爸船長既駕駛技術?我估應該唔係太需要技術吧?
大家開心坐船~
我哋租咗船既時間,足夠俾我哋explore晒成個湖了,沿途見到其他遊船,有一隻船不停原處打圈,原來俾咗一個小朋友掌舵﹗佢睇落仲細個曉,難得佢爸爸媽媽咁夠膽~
我哋睇住時間,差不多要回程啦,晚上要參加宴會,時間唔好搞到咁趕呀~
回程時大家仍然充滿活力跑跑跑,如果香港都有咁大個公園就好lu~
待續
前往其他中國旅遊blog