最後一日啦~旅行中病病豬既詩詩狀態依然唔太好，day 4既行程都係以輕鬆為主啦~大家都冇再回味酒店既早餐，爸爸，你幫忙出去買早餐俾大家吧~原本諗住爸曉組去買，媽詩組留係酒店休息，點知曉冇義氣唔肯出去陪爸爸，爸爸唯有孤獨咁去買早餐啦~留係度做咩？睇電視囉~去到外地旅行總會睇得特別多電視，台中呢次仲有邪惡既卡通片台，可以non-stop咁睇，不過四歲半曉都有preference，佢話鍾意「女仔卡通片」，唔鍾意「男仔卡通片」，所以播到男仔卡通片時都有機會轉台，而且佢都鍾意睇真人show或者選秀節目之類，所以都可以睇下唔同既嘢，不過啲品味嘛，有時唔太一樣囉，有啲唱得勁難聽既都要繼續聽，好在睇過一個跳舞比賽既就跳得幾好睇~
爸爸結果係附近café買咗啲熱既三文治同飲品返嚟~
食完肚仔暖笠笠，yummy~
酒店部lift個地板有個電視，不停播放台中既觀光資訊，兩個小朋友每次入lift都要「哇」一下~
慢條斯理咁出發今日第一站—-勤美誠品綠園道~即使香港而家都有誠品，但去親台灣依然都想去一轉誠品，可能係香港出師無名唔會點買書吧？去旅行見到啱既就有理由買，哈哈~我之前search去彩虹眷村、高美濕地嗰啲day trip時，見到都會安排大家去勤美誠品綠園道自由午餐，我估應該都好多好嘢食，我哋唔join day trip都去逛逛啦~
比起台北既誠品信義店，呢間誠品一啲都唔大，書店連精品連食店先得四層，但都好夠高興了~今日係星期一，香港係假日，但台灣可能冇放假？總之人唔多，行得好舒服﹗兩隻嘢可以周圍跑睇嘢~
好靚既佈置~
女孩最愛~
包括我﹗
有咩收獲？書方面，爸爸揀咗一本關於食飯既繪本俾曉曉，希望佢可以食得快啲乾淨啲(本書放咗係邊度呢？要拎出嚟睇多啲先得丫~)，曉曉就拎住一套Frozen書愛不釋手，一套六本英文故事書，其實同Frozen本身主線故事無關，不過就係入面既登場人物既其他故事，咁多本又唔貴就買嚟睇下啦~我哋買得最多既唔係書，竟然係食物﹗其中一個section係賣零食既，吸引曉既係水果脆片、蔬菜脆片，因為姑婆連續買咗幾次呢啲脆片零食俾佢哋，兩個小朋友就愛上咗，今次話要買番嚟送俾姑婆，同埋其他人~另外爸爸送咗香膏同香香hand cream俾佢愛既三個女子，大嗰兩個表示好幸福，最細嗰個主要係唔執輸，家姐有佢又一定要有~話說兩個小朋友既香膏細細盒(好似隱形眼鏡盒咁細盒)，其實用手指頭捽少少就好夠，但詩詩未識咁樣捽嚟用，用親都係垂直插隻手指落去挖出嚟搽，非常粗暴，而且份量太多啦，我見到都覺得心痛，哈哈~
shopping完我哋要搵地方食晏啦~
搞搞震，冇幫襯~
落咗地庫嗰層，我同day都同時俾一間食魚既專門店吸引住，叫做海裕屋，專賣魚定食，準備打blog時search先知，原來係全台灣都有分店既連鎖店嚟既~
yummy魚定食~
魚水餃~
我哋叫咗兩份唔同種類既魚定食，同埋一份魚水餃，原本諗住啲小朋友唔多鍾意食白飯就叫個魚水餃俾佢哋，但魚水餃上菜比較慢，而白飯上面有啲好惹味既肉鬆(可能係魚鬆？)，詩詩居然係魚水餃嚟之前已經食咗好多餸同飯，真係估佢唔到~幾款魚都好好味，好送飯，但幾款小菜就略鹹，day加錢飲咗波子汽水，我有得飲湯同埋加咗檸檬片既清水就夠啦，因為要留肚食甜品呀﹗
難得更愛飯飯既詩詩~
甜品係邊？下一篇blog就去食啦﹗不過去食甜品之前，詩詩要眠一眠，結果我攬住詩詩瞓咗好一陣，爸曉組就去行街，詩詩醒咗先出發下一站~
爸曉組係詩詩瞓覺時行街發現咗啲靚嘢，詩詩瞓醒後曉一定要帶我哋去再睇~
勤美誠品綠園道網站：
海裕屋Facebook專頁：
https://www.facebook.com/searichhouse/
待續
前往其他台灣旅遊blog