好早就要起身lu~一早由康湖番o黎香港，趕住去11:00am o既彌撒~有別於平時搭火車去深圳經羅湖口岸番o黎，今次租o左架車直接搭去深圳灣口岸，即是之後轉B3X巴士，15分鐘就番到o黎屯門啦，大迅速了﹗咁樣租車就比較貴o羅，爸媽我+蘇太四個人搭，計埋條數，價錢應該同搭火車差不多，但如果人少D呢，應該就會唔抵啦~

番到屯門，哇，好早﹗有時間去大家樂歎個早餐，再番去聖堂睇o左好耐報紙先夠鐘望彌撒~

爸媽之後有節目﹗結果同家姐、day消磨o左成個下晝+夜晚﹗家姐結婚D video已經ready lu~所以決定上去佢屋企~我心血來潮想煮飯，咁又有餐住家飯食了~一邊食飯一邊睇video~

家姐姐夫買o左新電視機呀，視覺效果當然好好啦﹗佢o地結婚時仲有朋友送o左套音響組合俾佢o地，不過呢D婚禮video就冇咁勁o既音效，恐怕要睇電影先可以享用到了~佢o地請o既呢間攝影公司都幾好喎，剪接後o個條片都原汁原味，大部份o既內容都仲係度，冇人講o野o既部份又襯o左D background music，所以睇起o黎都幾enjoy~

我同家姐luen係梳化度睇video…條牛仔褲應該係day o黎o既~

我做乜？哈，睇婚禮video見到我自己係度講o野就唔想睇番了，好尷尬啊﹗好肉酸﹗好肉酸﹗好肉酸﹗

唔想見到自己個樣…唔想聽到自己把聲…唱歌就ok，但講o野就唔好了…

睇完婚禮video，節目一浪接一浪﹗我帶o左「死亡筆記」o既DVD去丫嘛，heehee，不如就睇一套戲啦~yeah~咁樣我o地幾個就睇、睇、睇﹗其實我之前去戲院睇過死亡筆記啦，連第二集都睇o左添lu~但依然充滿趣味﹗個故事真係變態得o黎好好睇，非常緊張刺激﹗

哇，睇完都7:00pm lu~唔唔…其實呢…唔…我想睇埋第二集﹗「死亡筆記–最後的名字」﹗好在家姐都想睇o者~day就要番屋企啦，我同家姐出o左街買飯同埋租o左第二集o既碟，繼續睇﹗睇完之後超勞累呀~~~~~~~~~~~~~~~10累﹗

番到屋企都冇乜做D咩lu~都係沖個涼、上陣網咁之嘛~就瞓lu~

Comments

comments