大概三個月前，呢個港大醫學院120周年晚宴就開始招募choir了，其實一收到呢個消息都好有興趣，但礙於我覺得邊有year 5去參加丫，所以就冇理了…後來知道原來我o個組都有好幾個同學仔去唱，好呀~我又join，我又join﹗所以經過一段日子o既排練之後，今日終於o黎到演出o既時刻﹗

雖然星期六就考CCT，但等待出去綵排o既早上實在冇乜心情讀書~起身時都10:00am，成朝係度hea…哎吔吔~直至聽到電視做「金牌冰人」，先發覺，oops，原來自己已經浪費o左咁多時間﹗

1:45pm出門口，係樓下買o左麥當勞就跳上一部40號巴士，直接去到會展了，綵排2:30pm開始~

入到會展就不停見到呢D指示標誌啦，今日係「120th anniversary of the university of hong kong medical faculty & 70th anniversary of queen mary hospital」﹗

今次會場係會展grand hall，一入到去，哇，好華麗呀~有成百幾二百張枱﹗可以招呼超過2000位賓客﹗個台好遠，我o地個頭將會好細好細…

入到去仔細望更加覺得豪華，今晚D賓客食西餐，餐具係好正式o個種，有幾set，食完一set拎走一set o個D，高腳杯都有幾隻，令我最讚歎o既係中間o既擺設，係o個種有個玻璃兜兜入面有水，上面有蠟燭同埋花朵浮係面~仲有花瓣添呀~梗係啦，每張餐券賣$600喎~而家我o地食唔起，但大家相約醫學院150th周年時我o地一齊參加﹗

預備綵排又未有o野做，影下相先~我旁邊o既係組mate christina~

終於企上去個台度rehearsal了﹗我o既視野就係咁o架啦~

你睇，我o地個樣打o左上去螢光幕﹗yeah~其實雖然係choir o既綵排，但我o地大多數時間都唔係唱…唔係等就係set o野，音響呀，同其他組別o既人夾下o野呀之類…企到超級超級累呀﹗仲要著住少少跟o既皮鞋，可以郁動o既位又少~

呢個係台o既backdrop o既其中一部份，我背脊o個度抬頭望就可以見到呢一小部份了~

原來會展grand hall o既後台係咁o既，2000人o既食物之後就會係呢度預備o架啦~

好多好複雜o既擺設，當中最講究o既就係head table了，因為張枱特大，所以中間唔可以空空洞洞，用o左大量o既鮮花o黎佈置~張枱太大了，要成個工作人員企上去整﹗

我o地o既綵排又要練進場，又要練離場，都搞o左兩三個鐘先free得呀~慘~

綵排完lu，係台上o既佈景度影下相留念先，之後冇機會啦~我o地後面o既咪就係港大醫學院o羅~相入面有時時都有提起o既janice同埋julian，而我旁邊o既就係mary了，全部都係組mate~

台o既另一邊就係瑪麗醫院喇﹗我指住o既main block，後面高高o個一楝咪K座o羅~

我o地演出有兩套衫要著，第一次出場時唱國歌，同埋切餅儀式時唱生日歌，所以要formal DD，我o地仲要係台上面做佈景版，等D主禮嘉賓上台，所以要著得好好睇睇，我o地首先著白色上衫、黑色長褲or裙，男生加faculty o既領帶，女生加一個襟針，julian show俾我o地睇，原來男生o既領帶係「金利來」出品，靚o野o黎o架喎~

完成第一部份o既演出之後，我o地中間有個半鐘o既時間，食飯啦，換衫啦~我o地當然唔係食賓客們相同o既食物啦，但都有免費飯盒供應，雖然係飯盒咋喎，但我o地o既影觀勁過D賓客﹗有好多長枱set o左係會展對住落地大玻璃o既位置，我o地就係o個度食飯了，即是我o地有無敵維港夜景+聖誕燈飾，而o個陣o岩o岩係8:00pm，仲有「幻彩詠香江」添呀~不過冇帶相機落去食飯，冇得影添~

換好套衫，整裝待發，又要出去第二部份o既演出了，其實我覺得著T-shirt好似冇咁pro咁…開頭好似話想用D唔同顏色o黎砌字丫嘛，後來唔知係咪撻o左皮？冇o左？﹗

第二部份係我o地主力練o既幾首歌，有獻唱o既「you raise me up」、「醫學院之歌」，同埋臨尾大合唱o既「queen mary song」~又都要企o左係台一段幾張o既時間o架，所以又係好累好累~

走lu走lu~好在大概10:40pm都可以解散啦，臨走係大門口影張相先~

好多朋友仔問我今日演出點，表現如何我又唔係好清楚明因為我都聽唔到幾個聲部夾出o黎之後係點，我比較清楚alto唱成點…我知道自己就麻麻地o架啦，之前練嗌cheers時嗌壞o左把聲了，所以比較難控制自己把聲~參加呢個活動，最重要就係had fun啦，另外好好o既係，可以擴闊眼界，知道呢D大型盛會係點樣一回事了~我都好開心，係五年o黎o既medical school生涯，都可以參加呢類慶祝活動少許~

演出告一段落，要回歸預備CCT了~

Comments

comments